ယိၤၡူ
၂၁ ပှၤလ့ၤဝံဖိအဒူၣ်ဖိထၢဖိ အခိၣ်အနၢ်တဖၣ် လဲၤဝဲလၢပှၤလုၢ်တၢ်ဒိၣ် စီၤအလၤဧစၢ်+ ဒီးစီၤနိၣ်အဖိခွါ စီၤယိၤၡူ ဒီးအံၣ်စရ့လးအဒူၣ် အခိၣ်အနၢ်တဖၣ် အအိၣ် ၂ လၢဝ့ၢ်ၡံလိၤလၢ+ ကီၢ်ကနၤဧၣ်အပူၤ ဒီးတဲအဝဲသ့ၣ်လၢ “ယဟိဝၤယွၤ မၤလိာ်ဝဲ ခီဖျိ စီၤမိၤၡ့လၢ ပှၤကဘၣ်ဟ့ၣ်လီၤပှၤ ဝ့ၢ်တဖၣ် လၢပကအိၣ်အဂီၢ် ဒီးတၢ်ပျီတဖၣ်လၢ ပဆၣ်ဖိကီၢ်ဖိတဖၣ် အဂီၢ်လီၤ.”+ ၃ အဃိ ဒ်ယဟိဝၤယွၤ မၤလိာ်ဝဲအသိး ပှၤအံၣ်စရ့လးဖိ ဟ့ၣ်လီၤဝဲ ပှၤလ့ၤဝံဖိတဖၣ်လၢ ဝ့ၢ်တဖၣ်အံၤ+ ဃုာ်ဒီးတၢ်ပျီတဖၣ်လၢ အဝဲသ့ၣ်အနီၢ်ကစၢ် အတၢ်န့ၢ်သါအကျါလီၤ.+
၄ တၢ်ဖးလီၤဘၣ်လၢ ပှၤကဃးဖိ အဒူၣ်ဖိထၢဖိတဖၣ်+ ဒီးပှၤလ့ၤဝံဖိလၢ အဟဲလီၤစၢၤလီၤသွဲၣ်လၢ ပှၤလုၢ်တၢ်ဒိၣ် စီၤအၤဟရိၣ်န့ၣ် ဒိးန့ၢ်ဘၣ်ဝဲ ဝ့ၢ် ၁၃ ဖျၢၣ် လၢယူဒၤအဒူၣ်,+ စူၤမ့းအိၣ်အဒူၣ်+ ဒီးဘံၣ်ယၤမံၣ်အဒူၣ် အအိၣ် ခီဖျိလၢတၢ်ဖးန့ၣ်လီၤ.+
၅ ဒီးမ့မ့ၢ် လၢပှၤကဃးဖိ လၢအအိၣ်တ့ၢ်တဖၣ်န့ၣ် ဒိးန့ၢ်ဘၣ်ဝဲ ဝ့ၢ်အဖျၢၣ် တဆံ လၢအ့ဖရဲၣ်အဒူၣ်,+ ဒၣ်အဒူၣ် ဒီးမနၤၡ့ၤ အဒူၣ်တဝာ် အအိၣ် ခီဖျိလၢတၢ်ဖးန့ၣ်လီၤ.+
၆ ဒီးတၢ်ဖးလီၤဘၣ်ဝဲလၢ ပှၤက့းရၡိၣ်ဖိတဖၣ်အဂီၢ်လီၤ.+ လၢယံးစၣ်ကၢ်အဒူၣ်, အၤၡ့ၢ်အဒူၣ်, နးသၤလံအဒူၣ် ဒီးမနၤၡ့ၤအဒူၣ်တဝာ် အဒူၣ်ဖိထၢဖိတဖၣ် လၢအအိၣ်လၢ ဘၤၡၣ်အအိၣ်န့ၣ် အဝဲသ့ၣ်ဒိးန့ၢ်ဘၣ်ဝဲ ဝ့ၢ် ၁၃ ဖျၢၣ်လီၤ.+
၇ မ့မ့ၢ်ပှၤမရၤရံၤဖိန့ၣ်+ ဒ်အဒူၣ်ဖိထၢဖိတဖၣ်အိၣ်ဝဲအသိး အဝဲသ့ၣ် ဒိးန့ၢ်ဘၣ် ဝ့ၢ် ၁၂ ဖျၢၣ်လၢ ရူၤဘ့ၣ်အဒူၣ်, ကးအဒူၣ် ဒီးစဘူလိၣ်အဒူၣ် အအိၣ်လီၤ.+
၈ ပှၤအံၣ်စရ့လးဖိတဖၣ် ဟ့ၣ်လီၤဝဲ ပှၤလ့ၤဝံဖိတဖၣ်လၢ ဝ့ၢ်တဖၣ်အံၤ ဒီးတၢ်ပျီတဖၣ် ခီဖျိလၢတၢ်ဖး ဒ်ယဟိဝၤယွၤ မၤလိာ်ပာ်စၢၤဝဲ စီၤမိၤၡ့အသိးန့ၣ်လီၤ.+
၉ အဃိ ပှၤအံၣ်စရ့လးဖိတဖၣ် ဟ့ၣ်လီၤဝဲ ဝ့ၢ်တဖၣ်လၢအအိၣ်လၢ ယူဒၤအဒူၣ် ဒီးစူၤမ့းအိၣ်အဒူၣ်အကျါလီၤ. ဒီးဝ့ၢ်တဖၣ်အံၤ ဘၣ်တၢ်ပာ်ဖျါထီၣ်အမံၤဖဲအံၤလီၤ.+ ၁၀ ဒီးတၢ်ဖးအဆိကတၢၢ်တခါန့ၣ် လီၤဘၣ်ဝဲလၢ စီၤအၤဟရိၣ် အဖိခွါတဖၣ် လၢအမ့ၢ် ပှၤကဃးဖိ အဒူၣ်ဖိထၢဖိတဖၣ် လၢအဟဲလီၤစၢၤလၢ ပှၤလ့ၤဝံဖိန့ၣ်လီၤ. အဃိ ဘၣ်တၢ်ဟ့ၣ်လီၤအဝဲသ့ၣ်လၢ ဝ့ၢ်တဖၣ်အံၤလီၤ. ၁၁ ဝ့ၢ်လၢအဝဲသ့ၣ် ဒိးန့ၢ်ဘၣ်ဝဲတဖၣ်န့ၣ် မ့ၢ်ဝဲ ဝ့ၢ်ကံးရယးအၢ်ဘၤ+ (စီၤဧနး အပၢ်မ့ၢ်ဝဲ စီၤအၢ်ဘၤ) လၢအမ့ၢ် ဝ့ၢ်ဃ့ဘြိၣ်+ လၢယူဒၤ အကစၢၢ်ကလိကျါ ဒီးအတၢ်ပျီတဖၣ်လၢ အအိၣ်လၢ အကပိာ်ကပၤန့ၣ်လီၤ. ၁၂ မ့မ့ၢ် ဝ့ၢ်အတၢ်လီၢ်တၢ်ကျဲ ဒီးဒူသဝီတဖၣ်န့ၣ် စီၤယဖူန့ၤ အဖိခွါ စီၤကၤလ့း ဒိးန့ၢ်ဘၣ်ဝဲလီၤ.+
၁၃ ဒီးပှၤအံၣ်စရ့လးဖိ ဟ့ၣ်လီၤဝဲ ပှၤလုၢ်တၢ်ဒိၣ် စီၤအၤဟရိၣ် အဖိခွါတဖၣ်လၢ ဝ့ၢ်ဃ့ဘြိၣ်+ လၢအမ့ၢ် တၢ်ပူၤဖျဲးအဝ့ၢ် လၢပှၤလၢအမၤသံတၢ်အဂီၢ်လီၤ.+ တကးဒံးဘၣ် ဟ့ၣ်လီၤစ့ၢ်ကီးဝဲ ဝ့ၢ်လံးဘနၤ,+ ၁၄ ဝ့ၢ်ယးတံၢ်,+ ဝ့ၢ်အ့ၡတမိး,+ ၁၅ ဝ့ၢ်ဟိလိၣ်,+ ဝ့ၢ်ဒဘံၢ်,+ ၁၆ ဝ့ၢ်ဧ့ၣ်,+ ဝ့ၢ်ယူးတၤ,+ ဝ့ၢ်ဘ့ၤသၡ့မ့ၣ် ဒီးဝ့ၢ်တဖၣ်အံၤ အတၢ်ပျီတဖၣ်လီၤ. အဃိ စီၤအၤဟရိၣ် အဖိခွါတဖၣ်ဒိးန့ၢ်ဘၣ်ဝဲ ဝ့ၢ်ခွံဖျၢၣ်လၢ ပှၤခံဒူၣ်အံၤအအိၣ်လီၤ.
၁၇ ဒီးလၢ ဘံၣ်ယၤမံၣ်အဒူၣ်အအိၣ်န့ၣ် အဝဲသ့ၣ်ဒိးန့ၢ်ဘၣ်ဝဲ ဝ့ၢ်ကံးဘိၣ်,+ ဝ့ၢ်က့ဘၤ,+ ၁၈ ဝ့ၢ်ဧၤနသိး,+ ဝ့ၢ်ဧၤလမိၣ် ဒီးဝ့ၢ်တဖၣ်အံၤ အတၢ်ပျီတဖၣ်လီၤ. အဃိ အဝဲသ့ၣ်ဒိးန့ၢ်ဘၣ်ဝဲ ဝ့ၢ်လွံၢ်ဖျၢၣ်လီၤ.
၁၉ ဝ့ၢ်လၢ စီၤအၤဟရိၣ် အစၢၤအသွဲၣ် လၢအမ့ၢ် ပှၤလုၢ်တၢ်ဒိၣ်တဖၣ် ဒိးန့ၢ်ဘၣ်ဝဲန့ၣ် အိၣ်ဝဲ ၁၃ ဖျၢၣ်ဒီး အတၢ်ပျီတဖၣ်လီၤ.+
၂၀ ပှၤကဃးဖိ အဒူၣ်ဖိထၢဖိ အဂၤတဖၣ်လၢ ပှၤလ့ၤဝံဖိတဖၣ်အကျါန့ၣ် ဒ်တၢ်ဖးလီၤဘၣ်ဝဲအသိး အဝဲသ့ၣ် ဒိးန့ၢ်ဘၣ်ဝဲ ဝ့ၢ်တဖၣ်လၢ အ့ဖရဲၣ်အဒူၣ် အအိၣ်န့ၣ်လီၤ. ၂၁ အဝဲသ့ၣ်ဒိးန့ၢ်ဘၣ်ဝဲ ဝ့ၢ်ၡက့ၣ်+ လၢအမ့ၢ် တၢ်ပူၤဖျဲးအဝ့ၢ် လၢပှၤလၢအမၤသံတၢ်အဂီၢ်+ ဒီးဝ့ၢ်အံၤအတၢ်ပျီတဖၣ် လၢအအိၣ်လၢ အ့ဖရဲၣ်အကစၢၢ်ကလိကျါ, ဝ့ၢ်က့စ့ၢ်,+ ၂၂ ဝ့ၢ်ကံးဘစဲၣ် ဒီးဝ့ၢ်ဘ့ၤသဃိရိၣ်+ ဒီးဝ့ၢ်တဖၣ်အံၤ အတၢ်ပျီတဖၣ်လီၤ. အဃိ အဝဲသ့ၣ်ဒိးန့ၢ်ဘၣ်ဝဲ ဝ့ၢ်လွံၢ်ဖျၢၣ်လီၤ.
၂၃ ဒီးလၢဒၣ်အဒူၣ်အအိၣ်န့ၣ် အဝဲသ့ၣ် ဒိးန့ၢ်ဘၣ်ဝဲ ဝ့ၢ်အ့လတက့ၤ, ဝ့ၢ်ကံးဘသိၣ်, ၂၄ ဝ့ၢ်အးယၤလိၣ်,+ ဝ့ၢ်ကၤသးရံးမိၣ် ဒီးဝ့ၢ်တဖၣ်အံၤ အတၢ်ပျီတဖၣ်လီၤ. အဃိ အဝဲသ့ၣ်ဒိးန့ၢ်ဘၣ်ဝဲ ဝ့ၢ်လွံၢ်ဖျၢၣ်လီၤ.
၂၅ ဒီးလၢ မနၤၡ့ၤအဒူၣ်တဝာ်အအိၣ်န့ၣ် အဝဲသ့ၣ်ဒိးန့ၢ်ဘၣ်ဝဲ ဝ့ၢ်တၤနး,+ ဝ့ၢ်ကၤသးရံမိၣ် ဒီးဝ့ၢ်တဖၣ်အံၤ အတၢ်ပျီတဖၣ်လီၤ. အဃိ အဝဲသ့ၣ်ဒိးန့ၢ်ဘၣ်ဝဲ ဝ့ၢ်ခံဖျၢၣ်လီၤ.
၂၆ ပှၤကဃးဖိ အဒူၣ်ဖိထၢဖိ အအိၣ်တ့ၢ်တဖၣ်အံၤ ဒိးန့ၢ်ဘၣ်ဝ့ၢ်ခဲလၢာ်ခဲဆ့ အိၣ်ဝဲအဖျၢၣ်တဆံ ဃုာ်ဒီးတၢ်ပျီတဖၣ်လီၤ.
၂၇ ဒီးလၢ မနၤၡ့ၤအဒူၣ်တဝာ် အအိၣ်န့ၣ် ပှၤက့းရၡိၣ်ဖိ+ အဒူၣ်ဖိထၢဖိတဖၣ် လၢအမ့ၢ် ပှၤလ့ၤဝံဖိတဖၣ် ဒိးန့ၢ်ဘၣ်ဝဲ တၢ်ပူၤဖျဲးအဝ့ၢ် လၢပှၤလၢအမၤသံတၢ်အဂီၢ် လၢအမ့ၢ် ဝ့ၢ်ကိလၣ်+ လၢအအိၣ်လၢ ဘၤၡၣ် ဒီးဝ့ၢ်ဘဧ့ၡတရၤလီၤ. အဃိ အဝဲသ့ၣ်ဒိးန့ၢ်ဘၣ်ဝဲ ဝ့ၢ်ခံဖျၢၣ် ဒီးဝ့ၢ်တဖၣ်အံၤ အတၢ်ပျီတဖၣ်လီၤ.
၂၈ ဒီးလၢယံးစၣ်ကၢ်အဒူၣ်+ အအိၣ်န့ၣ် အဝဲသ့ၣ်ဒိးန့ၢ်ဘၣ်ဝဲ ဝ့ၢ်ကံးၡယိၣ်, ဝ့ၢ်ဒၤဘြး,+ ၂၉ ဝ့ၢ်ယၢ်မူသး, ဝ့ၢ်ဧ့ၣ်ကးနံၣ် ဒီးဝ့ၢ်တဖၣ်အံၤ အတၢ်ပျီတဖၣ်လီၤ. အဃိ အဝဲသ့ၣ်ဒိးန့ၢ်ဘၣ်ဝဲ ဝ့ၢ်လွံၢ်ဖျၢၣ်လီၤ.
၃၀ ဒီးလၢအၤၡ့ၢ်အဒူၣ်+ အအိၣ်န့ၣ် အဝဲသ့ၣ်ဒိးန့ၢ်ဘၣ်ဝဲ ဝ့ၢ်မံၤၡ့လး, ဝ့ၢ်ဧၤဘဒိၣ်, ၃၁ ဝ့ၢ်ဃ့လကး,+ ဝ့ၢ်ရဃိာ်+ ဒီးဝ့ၢ်တဖၣ်အံၤ အတၢ်ပျီတဖၣ်လီၤ. အဃိ အဝဲသ့ၣ်ဒိးန့ၢ်ဘၣ်ဝဲ ဝ့ၢ်လွံၢ်ဖျၢၣ်လီၤ.
၃၂ ဒီးလၢ နးသၤလံအဒူၣ် အအိၣ်န့ၣ် အဝဲသ့ၣ်ဒိးန့ၢ်ဘၣ်ဝဲ တၢ်ပူၤဖျဲးအဝ့ၢ်+ လၢပှၤလၢအမၤသံတၢ်အဂီၢ် လၢအမ့ၢ် ဝ့ၢ်က့ဒ့ၣ်+ လၢအအိၣ်လၢ ကီၢ်ကၤလံၤလါ, ဝ့ၢ်ဃၤမိးဒိၣ်, ဝ့ၢ်ကၢ်တၢ် ဒီးဝ့ၢ်တဖၣ်အံၤ အတၢ်ပျီတဖၣ်လီၤ. အဃိ အဝဲသ့ၣ်ဒိးန့ၢ်ဘၣ်ဝဲ ဝ့ၢ်သၢဖျၢၣ်လီၤ.
၃၃ ပှၤက့းရၡိၣ်ဖိ အဒူၣ်ဖိထၢဖိတဖၣ်အံၤ ဒိးန့ၢ်ဘၣ်ဝဲ ဝ့ၢ်ခဲလၢာ်ခဲဆ့ အိၣ်ဝဲ ၁၃ ဖျၢၣ် ဃုာ်ဒီးအတၢ်ပျီတဖၣ်လီၤ.
၃၄ လၢစဘူလိၣ်အဒူၣ်အအိၣ်န့ၣ်+ ပှၤမရၤရံၤဖိ+ အဒူၣ်ဖိထၢဖိတဖၣ် လၢအမ့ၢ် ပှၤလ့ၤဝံဖိတဖၣ် ဒိးန့ၢ်ဘၣ် ဝ့ၢ်ယၤကနၣ်,+ ဝ့ၢ်ကၢ်တၤ, ၃၅ ဝ့ၢ်ဒံးမနၤ, ဝ့ၢ်နဟးလလး+ ဒီးဝ့ၢ်တဖၣ်အံၤ အတၢ်ပျီတဖၣ်လီၤ. အဃိ အဝဲသ့ၣ်ဒိးန့ၢ်ဘၣ်ဝဲ ဝ့ၢ်လွံၢ်ဖျၢၣ်လီၤ.
၃၆ ဒီးလၢရူၤဘ့ၣ်အဒူၣ်အအိၣ်န့ၣ် အဝဲသ့ၣ်ဒိးန့ၢ်ဘၣ်ဝဲ ဝ့ၢ်ဘ့စ့ၢ်,+ ဝ့ၢ်ယါစၤ,+ ၃၇ ဝ့ၢ်ကဒ့မိး, ဝ့ၢ်မ့ဖၤ ဒီးဝ့ၢ်တဖၣ်အံၤအတၢ်ပျီတဖၣ်လီၤ. အဃိ အဝဲသ့ၣ်ဒိးန့ၢ်ဘၣ်ဝဲ ဝ့ၢ်လွံၢ်ဖျၢၣ်လီၤ.
၃၈ ဒီးလၢ ကးအဒူၣ်အအိၣ်န့ၣ်+ အဝဲသ့ၣ်ဒိးန့ၢ်ဘၣ်ဝဲ တၢ်ပူၤဖျဲးအဝ့ၢ် လၢပှၤလၢအမၤသံတၢ်အဂီၢ် လၢအမ့ၢ် ဝ့ၢ်ရၤမိး လၢအအိၣ်လၢ ကံးလဧး,+ ဝ့ၢ်မၤဃန့ၤ,+ ၃၉ ဝ့ၢ်ဃ့ၡဘိၣ်,+ ဝ့ၢ်ယၤစ့ၢ်+ ဒီးဝ့ၢ်တဖၣ်အံၤအတၢ်ပျီတဖၣ်လီၤ. အဃိ အဝဲသ့ၣ်ဒိးန့ၢ်ဘၣ်ဝဲ ဝ့ၢ်လွံၢ်ဖျၢၣ်လီၤ.
၄၀ ဒ်တၢ်ဖးလီၤဘၣ်ဝဲအသိး ဝ့ၢ်သ့ၣ်တဖၣ်အံၤ ဘၣ်တၢ်ဟ့ၣ်လီၤအီၤလၢ ပှၤမရၤရံၤဖိ လၢအမ့ၢ် ပှၤလ့ၤဝံဖိအဒူၣ်ဖိထၢဖိတဖၣ်လီၤ. အဝဲသ့ၣ်ဒိးန့ၢ်ဘၣ်ဝဲ ဝ့ၢ်ခဲလၢာ်ခဲဆ့ အိၣ်ဝဲ ၁၂ ဖျၢၣ်လီၤ.
၄၁ ဝ့ၢ်လၢ ပှၤလ့ၤဝံဖိတဖၣ် ဒိးန့ၢ်ဘၣ်ဝဲလၢ ပှၤအံၣ်စရ့လးဖိအအိၣ်န့ၣ် ခဲလၢာ်ခဲဆ့ အိၣ်ဝဲ ၄၈ ဖျၢၣ် ဒီးအတၢ်ပျီတဖၣ်လီၤ.+ ၄၂ ဒီးဝ့ၢ်တဖၣ်အံၤခဲလၢာ် အကပိာ်ကပၤဝးဝးန့ၣ် အိၣ်ဒီး တၢ်ပျီတဖၣ်လီၤ.
၄၃ ဒီးယဟိဝၤယွၤ ဟ့ၣ်လီၤပှၤအံၣ်စရ့လးဖိလၢ ကီၢ်ခဲလၢာ်လၢ အအၢၣ်လီၤပာ်စၢၤ အဝဲသ့ၣ် အမိၢ်ပၢ်ဖံဖု လၢပျၢၤတဖၣ်န့ၣ်လီၤ.+ အဝဲသ့ၣ် မၤန့ၢ်ဝဲကီၢ် ဒီးအိၣ်ဝဲဖဲန့ၣ်လီၤ.+ ၄၄ တကးဒံးဘၣ် ဒ်ယဟိဝၤယွၤ အၢၣ်လီၤပာ်စၢၤ အဝဲသ့ၣ်အမိၢ်ပၢ်ဖံဖု လၢပျၢၤတဖၣ်အသိး အဝဲသ့ၣ်အိၣ်ဘၣ်ဝဲ မုာ်မုာ်ခုၣ်ခုၣ် လၢကီၢ်ပူၤလီၤ.+ ဒီးအဝဲသ့ၣ်အဒုၣ်အဒါ မၤအီၤတနၢၤနီတဂၤဘၣ်.+ ယဟိဝၤယွၤ ဟ့ၣ်လီၤအဒုၣ်အဒါတဖၣ်လၢ အဝဲသ့ၣ်အစုပူၤလီၤ.+ ၄၅ တၢ်အၢၣ်လီၤလၢ အဂ့ၤလၢ ယဟိဝၤယွၤ အၢၣ်လီၤဝဲ ပှၤအံၣ်စရ့လးဖိလၢ အတဟဲလၢထီၣ်ပှဲၤထီၣ်ဘၣ်န့ၣ် တအိၣ်နီတထံၣ်ဘၣ်. အတၢ်အၢၣ်လီၤတဖၣ် ဟဲလၢထီၣ်ပှဲၤထီၣ်ဝဲကိးထံၣ်ဒဲးလီၤ.+