ယိၤၡူ
၃ စီၤယိၤၡူ ဂဲၤဆၢထၢၣ်ဂီၤဂီၤဒီး အဝဲဒီးပှၤအံၣ်စရ့လးဖိတဖၣ် ဟးထီၣ်လၢ ၡံးတံၣ်+ ဒီးလဲၤဝဲဆူ ထံကျိယၢ်ဒ့ၣ်လီၤ. တချုးလၢ အဝဲသ့ၣ်ခီဂာ် ထံကျိယၢ်ဒ့ၣ် ဒံးဘၣ်န့ၣ် အဝဲသ့ၣ်မံဝဲဖဲန့ၣ်တနၤလီၤ.
၂ သၢသီဝံၤအလီၢ်ခံ ပှၤဂီၢ်မုၢ်အခိၣ်အနၢ်တဖၣ်+ လဲၤဝဲလၢ ဒဲကဝီၤအပူၤ ၃ ဒီးမၤလိာ်ဝဲ ပှၤဂီၢ်မုၢ်တဖၣ်လၢ “ဖဲသုထံၣ်ဘၣ် ပှၤလုၢ်တၢ်ဒိၣ်တဖၣ်*+ ယိးထီၣ်ဝဲ ယဟိဝၤယွၤ အတၢ်အၢၣ်လီၤအီလီၤ အတလါအခါ သုကဘၣ်ဟးထီၣ်လၢ သုအိၣ်တၢ်အလီၢ် ဒီးပိာ်ထီၣ်အခံ တဘျီဃီလီၤ. ၄ ဘၣ်ဆၣ် သုတဘၣ်လဲၤတၢ်ဘူးဒီး တၢ်အၢၣ်လီၤအီလီၤ အတလါဘၣ်. အိၣ်စီၤစုၤဒီးအီၤ အပျၢ် ၂,၀၀၀ တက့ၢ်.* သုတလဲၤဘၣ် ကျဲတဘိအံၤ နီတဘျီဘၣ်အဃိ သုမ့ၢ်မၤဒ်န့ၣ်န့ၣ် သုကဘၣ်လဲၤကျဲ ဖဲလဲၣ်တဘိလဲၣ် သုကသ့ၣ်ညါလီၤ.”
၅ စီၤယိၤၡူ တဲဘၣ်ပှၤဂီၢ်မုၢ်တဖၣ်လၢ “ခဲမုၢ်ဆ့ၣ်န့ၣ် ယဟိဝၤယွၤ ကမၤတၢ်လီၤလးတဖၣ် လၢသုကျါအဃိ+ မၤစီဆှံသုသးတက့ၢ်.”+
၆ ဝံၤဒီးစီၤယိၤၡူ တဲဘၣ် ပှၤလုၢ်တၢ်ဒိၣ်တဖၣ်လၢ “ယိးထီၣ် တၢ်အၢၣ်လီၤအီလီၤ အတလါ+ ဒီးလဲၤလၢ ပှၤဂီၢ်မုၢ်တဖၣ် အမဲာ်ညါတက့ၢ်.” အဃိ အဝဲသ့ၣ်ယိးထီၣ်ဝဲ တၢ်အၢၣ်လီၤအီလီၤ အတလါ ဒီးလဲၤဝဲလၢ ပှၤဂီၢ်မုၢ်တဖၣ် အမဲာ်ညါလီၤ.
၇ ဒီးယဟိဝၤယွၤ တဲဘၣ်စီၤယိၤၡူလၢ “ဒ်သိး ပှၤအံၣ်စရ့လးဖိခဲလၢာ် ကသ့ၣ်ညါလၢ ယကအိၣ်ဒီးနၤ+ ဒ်ယအိၣ်ဒီးစီၤမိၤၡ့အသိးန့ၣ်+ စးထီၣ်လၢတနံၤအံၤ ယကပာ်ထီၣ်ထီနၤလၢ အဝဲသ့ၣ်ခဲလၢာ် အမဲာ်ညါလီၤ.+ ၈ နဘၣ်မၤလိာ် ပှၤလုၢ်တၢ်ဒိၣ်တဖၣ် လၢအယိးဝဲ တၢ်အၢၣ်လီၤအီလီၤ အတလါန့ၣ်လၢ ‘ဖဲသုခီလီၤလၢ ထံကျိယၢ်ဒ့ၣ်အပူၤတဘျီဃီန့ၣ် အိၣ်ဆၢထၢၣ်ဖဲန့ၣ်တက့ၢ်.’”+
၉ ဒီးစီၤယိၤၡူတဲဘၣ် ပှၤအံၣ်စရ့လးဖိတဖၣ်လၢ “ဟဲလၢအံၤ ဒီးဒိကနၣ် သုကစၢ် ယဟိဝၤယွၤ အတၢ်ကတိၤတဖၣ်တက့ၢ်.” ၁၀ ဝံၤဒီးစီၤယိၤၡူတဲဝဲလၢ “ယွၤလၢအမူဝဲတဂၤ အိၣ်လၢသုကျါန့ၣ်+ သုကသ့ၣ်ညါအီၤ ခီဖျိအဟီထီၣ်ကွံာ်ဝဲ ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ ဒီးပှၤယဘူၣ်ဖိတဖၣ်+ လၢသုမဲာ်ညါ သပှၢ်ကတၢၢ်လီၤ. ၁၁ ဟီၣ်ခိၣ်ဒီဘ့ၣ် အကစၢ် အတၢ်အၢၣ်လီၤအီလီၤ အတလါန့ၣ် လဲၤတၢ်လၢ သုမဲာ်ညါ လၢထံကျိယၢ်ဒ့ၣ် အပူၤလီၤ. ၁၂ ခဲအံၤန့ၣ် ကိးန့ၢ် ပှၤပိာ်ခွါ ၁၂ ဂၤလၢ ပှၤအံၣ်စရ့လး အဒူၣ်တဖၣ်အကျါ တဒူၣ်တဂၤ တဒူၣ်တဂၤန့ၣ်တက့ၢ်.+ ၁၃ ဒီးဖဲပှၤလုၢ်တၢ်ဒိၣ်တဖၣ် လၢအယိးဝဲ ဟီၣ်ခိၣ်ဒီဘ့ၣ်အကစၢ် ယဟိဝၤယွၤ အတလါစီဆှံန့ၣ် အခီၣ်ညါသး မ့ၢ်ဘၣ်ဝဲဒီး ယၢ်ဒ့ၣ်အထံအခါ ယၢ်ဒ့ၣ်အထံလၢ အဟဲလီၤလၢထးခီန့ၣ် တယွၤလီၤလၢၤဘၣ်. ဒီးအကအိၣ်ပတုာ်ဝဲ ဒ်ထံတမၢၣ်အသိး တဘျီဃီလီၤ.”+
၁၄ ဖဲပှၤဂီၢ်မုၢ်တဖၣ် ဟးထီၣ်လၢ အဒဲဒီး တချုးလၢ အဝဲသ့ၣ်ခီဂာ် ထံကျိယၢ်ဒ့ၣ်အခါ ပှၤလုၢ်တၢ်ဒိၣ်တဖၣ် လၢအယိးဝဲ တၢ်အၢၣ်လီၤအီလီၤ အတလါန့ၣ်+ လဲၤဝဲလၢ အဝဲသ့ၣ်အမဲာ်ညါလီၤ. ၁၅ ဖဲပှၤလုၢ်တၢ်ဒိၣ်တဖၣ်လၢ အယိးဝဲ တၢ်အၢၣ်လီၤအီလီၤ အတလါန့ၣ် ခါလီၤအခီၣ်လၢ ထံကျါအခါ (ဖဲကူးဘုဒီတကတီၢ်န့ၣ် ထံကျိယၢ်ဒ့ၣ်အထံဒိၣ်ထီၣ်ဝဲ တုၤလၢထံကၢၢ်နံၤအဖီခိၣ်လီၤ.)+ ၁၆ ထံလၢ အဟဲယွၤလီၤလၢ ထးခီန့ၣ် ပတုာ်ဝဲလီၤ. ဒီးထံပာ်ဖှိၣ်ထီၣ်အသး ဒ်ထံတမၢၣ်အသိး ဖဲဝ့ၢ်လၢ အအိၣ်ဖးယံၤတဖျၢၣ် လၢအမ့ၢ် ဝ့ၢ်အၤဒၣ် လၢအအိၣ်ဘူးဒီး စၤရတၣ်လီၤ. ဒီးထံလၢအလဲၤယွၤလီၤဆူ ဧၤရဘၤ အပီၣ်လဲၣ်လၢအမ့ၢ် ပီၣ်လဲၣ်အံသၣ်တခီန့ၣ် ယွၤလီၤဝဲတုၤလၢ အလၢာ်လီၤ. ထံအိၣ်ပတုာ်ဝဲအဃိ ပှၤဂီၢ်မုၢ် ခီဂာ်တၢ်ဆူ ဝ့ၢ်ယရံၤဃိလီၤ. ၁၇ ပှၤလုၢ်တၢ်ဒိၣ်တဖၣ်လၢ အယိးဝဲ ယဟိဝၤယွၤ အတၢ်အၢၣ်လီၤအီလီၤ အတလါန့ၣ် ဆဲးဆၢထၢၣ်ဝဲလၢ ဟီၣ်ခိၣ်ဃ့ထီလၢ+ ထံကျိယၢ်ဒ့ၣ်အခၢၣ်သးန့ၣ်လီၤ. အဝဲသ့ၣ်ဆဲးဆၢထၢၣ်ဝဲဖဲန့ၣ် တုၤလၢ ပှၤဂီၢ်မုၢ်ခဲလၢာ် လဲၤခီဂာ်ဝဲ ထံကျိယၢ်ဒ့ၣ်လၢ ဟီၣ်ခိၣ်ဃ့ထီအလိၤ+ ဝံၤဝဲတစုလီၤ.