၁ ကရံၣ်သူး
၁၀ ဒီပုၢ်ဝဲၢ်သ့ၣ်ဧၢ, ယအဲၣ်ဒိးလၢ သုကသ့ၣ်ညါလၢ ပမိၢ်ပၢ်ဖံဖု လၢပျၢၤတဖၣ်န့ၣ် အဝဲသ့ၣ်ခဲလၢာ်အိၣ်ဝဲလၢ တၢ်အၢၣ်အဖီလာ်+ ဒီးလဲၤခီဂာ်ဝဲ ပီၣ်လဲၣ်လီၤ.+ ၂ ဒီးအဝဲသ့ၣ်ခဲလၢာ် ဒိးဘျၢအသးလၢ စီၤမိၤၡ့အပူၤ ခီဖျိတၢ်အၢၣ် ဒီးပီၣ်လဲၣ်လီၤ. ၃ ဒီးအဝဲသ့ၣ်ခဲလၢာ် အီၣ်ဝဲနီၢ်သးတၢ်အီၣ်တမံၤဃီ+ ၄ ဒီးအဝဲသ့ၣ်ခဲလၢာ် အီဝဲနီၢ်သးအထံ တမံၤဃီစ့ၢ်ကီးလီၤ.+ အဝဲသ့ၣ်အီထံလၢ နီၢ်သးအလၢၢ်တဖျၢၣ်လၢ အပိာ်အဝဲသ့ၣ် အခံလီၤ. ဒီးလၢၢ်တဖျၢၣ်အံၤန့ၣ် အခီပညီမ့ၢ်ဝဲခရံာ်လီၤ.+ ၅ ဘၣ်ဆၣ် အဝဲသ့ၣ် အါတက့ၢ်န့ၣ် ကစၢ်ယွၤ တဘၣ်သူၣ် ဘၣ်သးဝဲဘၣ်အဃိ အဝဲသ့ၣ် ဘၣ်သံဝဲလၢ ပှၢ်မုၢ်ကနၢအပူၤလီၤ.+
၆ တၢ်မၤအသးတဖၣ်အံၤ ကဲထီၣ်တၢ်အဒိလၢ အဟ့ၣ်ပလီၢ်ပှၤ ဒ်သိး ပသုတသးကွံတၢ်အၢ ဒ်အဝဲသ့ၣ် သးကွံဝဲအသိး တဂ့ၤအဂီၢ်လီၤ.+ ၇ တၢ်ကွဲးအသးအိၣ်ဝဲလၢ “ပှၤဂီၢ်မုၢ်တဖၣ် ဆ့ၣ်နီၤအီၣ်တၢ်အီတၢ် ဝံၤဒီးအဝဲသ့ၣ် ဂဲၤဆၢထၢၣ် မၤတၢ်သူၣ်ဖှံသးညီလီၤ.”+ အဃိ မ်ပသုတကဲထီၣ်ပှၤလၢ အဘါတၢ်ဂီၤတၢ်ဖှီၣ် ဒ်အဝဲသ့ၣ်တနီၤ မၤဝဲအသိးန့ၣ်တဂ့ၤ. ၈ ဒီးမ်ပသုတမၤ ကမၣ်မုၣ်ကမၣ်ခွါတဂ့ၤ. အဝဲသ့ၣ်တနီၤ မၤကမၣ်မုၣ်ကမၣ်ခွါအဃိ* လၢတနံၤဃီအတီၢ်ပူၤန့ၣ် အဝဲသ့ၣ်သံဝဲအဂၤ ၂၃,၀၀၀ ညါ.+ ၉ ဒီးမ်ပသုတမၤကွၢ် ယဟိဝၤယွၤ* တဂ့ၤ.+ အဝဲသ့ၣ်တနီၤန့ၣ် မၤကွၢ်အီၤအဃိ ဂုၢ်တဖၣ်အ့ၣ်သံ အဝဲသ့ၣ်လီၤ.+ ၁၀ တဘၣ်ကဲထီၣ်ပှၤလၢ အကဒူးကဒ့ၣ်တၢ်တဂ့ၤ. အဝဲသ့ၣ်တနီၤ ကဒူးကဒ့ၣ်တၢ်အဃိ+ ပှၤလၢ အမၤဟးဂီၤတၢ်တဂၤ* မၤသံကွံာ်အဝဲသ့ၣ်လီၤ.+ ၁၁ တၢ်လၢအမၤအသးဒီး အဝဲသ့ၣ်တဖၣ်န့ၣ် ကဲထီၣ်တၢ်မၤလိ လၢပဂီၢ် ဒီးတၢ်ဂ့ၢ်တဖၣ်အံၤ ဘၣ်တၢ် ကွဲးနီၣ်ကွဲးဃါအီၤဒ်သိး ကကဲထီၣ် တၢ်ဟ့ၣ်ပလီၢ်လၢ+ ပဝဲလၢအအိၣ်မူလၢ တၢ်အစိၤကတၢၢ်အဂီၢ်လီၤ.
၁၂ အဃိ ပှၤလၢ အဆိကမိၣ်လီၤအသးလၢ အအိၣ်ဆၢထၢၣ် ကျၢၤကျၢၤလံန့ၣ် မ်အပလီၢ်အသး ဒ်သိးအသု တလီၤဃံၢ်တဂ့ၤ အဂီၢ်တက့ၢ်.+ ၁၃ တၢ်မၤကွၢ်* လၢအဟဲဘၣ်သုန့ၣ် မ့ၢ်တၢ်မၤကွၢ်တဖၣ်လၢ အဟဲဘၣ်ပှၤကိးဂၤဒဲးစ့ၢ်ကီးလီၤ.+ ဘၣ်ဆၣ် ကစၢ်ယွၤန့ၣ် မ့ၢ်ပှၤလၢအကလုၢ်တီ ဒီးအဝဲတဟ့ၣ်အခွဲးလၢ တၢ်ကမၤကွၢ်သု တုၤလၢ သုတူၢ်တကဲလၢၤဘၣ်န့ၣ်ဘၣ်.+ ဖဲသုဘၣ်တၢ်မၤကွၢ်အခါ အဝဲကအိးဟိထီၣ်ကျဲ ဒ်သိးသုတူၢ်တၢ်ခီၣ်တၢ် ကကဲအဂီၢ်လီၤ.+
၁၄ အဃိ ယပှၤသးဘိသ့ၣ်ဧၢ, ဟးဆှဲး* တၢ်ဘါတၢ်ဂီၤတၢ်ဖှီၣ်တက့ၢ်.+ ၁၅ သုဝဲသ့ၣ်အံၤ သုမ့ၢ်ပှၤလၢ အပဲာ်ထံနီၤဖးတၢ်သ့အဃိ တၢ်လၢယတဲသ့ၣ်တဖၣ် မ့ၢ်အဘၣ်ဧါ တဘၣ်ဧါန့ၣ် ဆၢတဲာ် လၢသုနီၢ်ကစၢ်တက့ၢ်. ၁၆ တၢ်ဆိၣ်ဂ့ၤအခွးလၢ ပဆိၣ်ဂ့ၤအီၤန့ၣ် အခီပညီမ့ၢ်ဝဲ တၢ်အဘျုးလၢ ပန့ၢ်ဃုာ်အီၤ ခီဖျိလၢ ခရံာ်အသွံၣ်အဃိ တမ့ၢ်ဘၣ်ဧါ.+ ကိၣ်လၢ ပဘိးကၢ်အီၤန့ၣ် အခီပညီမ့ၢ်ဝဲ တၢ်အဘျုးလၢ ပန့ၢ်ဃုာ်အီၤ ခီဖျိလၢ ခရံာ်အနီၢ်ခိအဃိ တမ့ၢ်ဘၣ်ဧါ.+ ၁၇ ကိၣ်အိၣ်ဝဲတလိၣ်လီၤ. ပမ့မ့ၢ်ပှၤအါဂၤ သနာ်က့ မ့ၢ်လၢပအီၣ် ကိၣ်တလိၣ်ဃီအဃိ ပမ့ၢ်နီၢ်ခိတဂၤဃီလီၤ.+
၁၈ ဆိကမိၣ်ထံ ပှၤအံၣ်စရ့လးဖိအဂ့ၢ်တက့ၢ်. ခီဖျိလၢ အဝဲသ့ၣ်အီၣ်တၢ်လုၢ်တၢ်ပာ်လၢ ဘၣ်တၢ်လုၢ်ထီၣ်အီၤလၢ တၢ်လုၢ်လီၢ်အဖီခိၣ်အဃိ လီၤဂာ်လၢ အဝဲသ့ၣ် အီၣ်ဃုာ်တၢ်ဒီး ကစၢ်ယွၤ တမ့ၢ်ဘၣ်ဧါ.+ ၁၉ ခီဖျိလၢ ယတဲဒ်န့ၣ်အဃိ မ့ၢ်ယအဲၣ်ဒိးတဲလၢ တၢ်ဂီၤတၢ်ဖှီၣ်ဒီး တၢ်လုၢ်လၢပှၤလုၢ်ထီၣ်အီၤလၢ တၢ်ဂီၤတၢ်ဖှီၣ် အမဲာ်ညါန့ၣ် မ့ၢ်တၢ်လၢအရ့ဒိၣ်ဧါ. ၂၀ တမ့ၢ်ဘၣ်. ဘၣ်ဆၣ် ယအဲၣ်ဒိးတဲလၢ တၢ်လၢပှၤကလုာ်တဖၣ် လုၢ်ထီၣ်ဝဲန့ၣ် အဝဲသ့ၣ် တလုၢ်ထီၣ်ဝဲလၢ ကစၢ်ယွၤအအိၣ်ဘၣ်.+ အဝဲသ့ၣ်လုၢ်ထီၣ်ဝဲလၢ တၢ်ဝံတၢ်နါတဖၣ် အအိၣ်လီၤ. ဒီးယတအဲၣ်ဒိးလၢ သုကမၤဃုာ် တၢ်ဝံတၢ်နါ နီတစဲးဘၣ်.+ ၂၁ သုမ့ၢ်အီ ယဟိဝၤယွၤ အခွးန့ၣ် သုအီ တၢ်ဝံတၢ်နါအခွးတသ့ဘၣ် ဒီးသုမ့ၢ်အီၣ်တၢ်လၢ “ယဟိဝၤယွၤ အစီၢ်နီၤခိၣ်”+ န့ၣ် သုအီၣ်တၢ်လၢ တၢ်ဝံတၢ်နါတဖၣ် အစီၢ်နီၤခိၣ် တသ့ဘၣ်. ၂၂ ပမ့ၢ်မၤဒ်န့ၣ်န့ၣ် ‘မ့ၢ်ဒၣ်ပထိၣ်ဟူးထိၣ်ဂဲၤထီၣ် ယဟိဝၤယွၤ အတၢ်သူၣ်က့ၣ်သးကါ’*+ တမ့ၢ်ဧီၤ. မ့ၢ်ပဂံၢ်ပဘါ ဆူၣ်န့ၢ်အီၤဒံးဧါ.
၂၃ ပအိၣ်ဒီး တၢ်ခွဲးတၢ်ယာ်လၢ ပကမၤတၢ်ခဲလၢာ် ဘၣ်ဆၣ် တၢ်ခဲလၢာ်တမ့ၢ်တၢ်လၢ အကဲဘျုးဘၣ်. ပအိၣ်ဒီး တၢ်ခွဲးတၢ်ယာ်လၢ ပကမၤတၢ်ခဲလၢာ် ဘၣ်ဆၣ် တၢ်ခဲလၢာ်တကဲထီၣ် တၢ်ဟ့ၣ်ဂံၢ်ဟ့ၣ်ဘါဘၣ်.+ ၂၄ ပတဘၣ်ကွၢ်တၢ်လၢ ပနီၢ်ကစၢ်အဂီၢ်ဘၣ်. ကွၢ်တၢ်လၢ ပှၤဂၤအဂီၢ်တက့ၢ်.+
၂၅ အီၣ်တၢ်ဖံးတၢ်ညၣ်ခဲလၢာ်လၢ ပှၤဆါအီၤလၢ တၢ်ဆါတၢ်ပှ့ၤအလီၢ် တက့ၢ်. ဒီးတဘၣ်သံကွၢ်တၢ် ခီဖျိလၢ နသးလၢ အသ့ၣ်ညါဒၣ်တၢ် အဃိတဂ့ၤ. ၂၆ “ဟီၣ်ခိၣ် ဒီးတၢ်လၢ အအိၣ်လၢ အပူၤခဲလၢာ်န့ၣ် မ့ၢ်ယဟိဝၤယွၤ အတၢ်လီၤ.”+ ၂၇ ပှၤလၢ အတစူၢ်တနာ်တၢ်တဂၤ မ့ၢ်ကွဲ ဒုးအီၣ်နၤတၢ်ဒီး နမ့ၢ်အဲၣ်ဒိးလဲၤန့ၣ် တၢ်တမံၤဂ့ၤတမံၤဂ့ၤလၢ အဝဲပာ်လီၤန့ၢ်နၤန့ၣ် အီၣ်အီၤတက့ၢ်. ဒီးတဘၣ်သံကွၢ်တၢ် လၢနသးလၢ အသ့ၣ်ညါဒၣ်တၢ် အဃိတဂ့ၤ. ၂၈ ဘၣ်ဆၣ် ပှၤတဂၤမ့ၢ်တဲနၤလၢ “တၢ်တခါအံၤ ပှၤလုၢ်ထီၣ်အီၤလၢ တၢ်ဂီၤတၢ်ဖှီၣ်အအိၣ်” န့ၣ်ခီဖျိလၢ ပှၤတဂၤန့ၣ် တဲနၤဒ်အံၤအဃိ တဘၣ်အီၣ်အီၤတဂ့ၤ. နမ့ၢ်အီၣ်န့ၣ် ပှၤဂၤအသးလၢ အသ့ၣ်ညါဒၣ်တၢ် ကမၤတံာ်တာ်ဘၣ်ဖုးအီၤလီၤ.+ ၂၉ ယတတဲဘၣ်ဃးဒီး နနီၢ်ကစၢ်အသးလၢ အသ့ၣ်ညါဒၣ်တၢ်ဘၣ်. ယတဲဘၣ်ဃးဒီး ပှၤတဂၤန့ၣ် အသးလၢအသ့ၣ်ညါဒၣ်တၢ်လီၤ. ယအိၣ်ဒီးတၢ်သဘျ့လၢ ယကမၤတၢ်လၢ ယအဲၣ်ဒိးမၤ ဘၣ်ဆၣ် ဒ်သိးပှၤအဂၤအသး လၢအသ့ၣ်ညါဒၣ်တၢ် သုတစံၣ်ညီၣ်ယၤတဂ့ၤအဂီၢ် ယတသူ ယတၢ်သဘျ့အံၤဘၣ်.+ ၃၀ ယစံးဘျုး ကစၢ်ယွၤလၢ တၢ်အီၣ်အံၤအဂီၢ် ဘၣ်ဆၣ် ပှၤအဂၤတဖၣ် မ့ၢ်ဒုၣ်ဒွဲၣ်စံးအၢယၤလၢ ယအီၣ်တၢ်အီၣ်အံၤအဃိန့ၣ် မ့ၢ်ယကြၢးအီၣ်အီၤဧါ.+
၃၁ အဃိ သုအီၣ်တၢ်မ့ၢ်ဂ့ၤ, သုအီတၢ်မ့ၢ်ဂ့ၤ, သုမၤတၢ်လၢအဂၤ တမံၤမံၤမ့ၢ်ဂ့ၤ မၤတၢ်ခဲလၢာ် လၢကစၢ်ယွၤ အလၤကပီၤ အဂီၢ်တက့ၢ်.+ ၃၂ တဘၣ်ကဲထီၣ် တၢ်လီၤဃံၢ်အလီၢ်လၢ ပှၤယူဒၤဖိ, ပှၤကြံးဖိ ဒီးကစၢ်ယွၤ အတၢ်အိၣ်ဖှိၣ်အဂီၢ်တဂ့ၤ.+ ၃၃ ယတကွၢ်တၢ်ထဲလၢ ယနီၢ်ကစၢ်အဂီၢ်ဘၣ်.+ ယကွၢ်တၢ်လၢ ပှၤဂၤအဂီၢ်လီၤ. ဒီးလၢတၢ်ခဲလၢာ်အပူၤ ယဂုာ်ကျဲးစၢးမၤတၢ်လၢ အဘၣ်ပှၤခဲလၢာ်အသး ဒ်သိးအဝဲသ့ၣ် ကတုၤလၢ တၢ်အုၣ်က့ၤခီၣ်က့ၤအဂီၢ်လီၤ.+