၁ ကွဲးနီၣ်တၢ်
၁၈ လၢခံ စီၤဒၤဝံး မၤနၢၤဝဲ ပှၤဖလ့ၡသးဖိ ဒီးအဝဲ ဟံးန့ၢ်ကွံာ်ဝဲ ဝ့ၢ်ကၤသး+ ဒီးအဒူသဝီတဖၣ် လၢပှၤဖလ့ၡသးဖိ အစုပူၤလီၤ.+ ၂ ဒီးစီၤဒၤဝံး မၤနၢၤကွံာ် ပှၤမိၤအးဖိတဖၣ်+ ဒီးပှၤမိၤအးဖိတဖၣ် ကဲထီၣ် စီၤဒၤဝံး အခ့အပှၤတဖၣ် ဒီးဘၣ်ဟ့ၣ် တၢ်ခိတၢ်သွဲလီၤ.*+
၃ ဖဲစိဘၤဘီမုၢ်+ အစီၤပၤ စီၤဟးဒးဧ့စ့ၢ်+ လဲၤလၢကျဲ ဒ်သိးကနုာ်လီၤ ပၢကဒါက့ၤ တၢ်လီၢ်တဖၣ်လၢ ထံကျိဖရၤသးအခါ+ စီၤဒၤဝံး မၤနၢၤကွံာ်အီၤ ဘူးဒီး ဝ့ၢ်ဃမါသး န့ၣ်လီၤ.+ ၄ ဒီးစီၤဒၤဝံး ဖီၣ်န့ၢ်ဝဲ အလ့ၣ်ကဟၣ် အခိၣ် ၁,၀၀၀, အပှၤဒိးကသ့ၣ် သုးဖိအဂၤ ၇,၀၀၀ ဒီးအသုးဖိအဂၤ ၂၀,၀၀၀ လီၤ.+ ဝံၤဒီး စီၤဒၤဝံး ကျီတဲာ်ကွံာ်ဝဲ ကသ့ၣ်တဖၣ် အခီၣ်ထူၣ် ဒီးပာ်တ့ၢ်ဝဲ ထဲအဒု ၁၀၀ လီၤ.+ ၅ ဖဲပှၤစူၤရံဖိလၢ ဝ့ၢ်ဒၤမ့ၤစ့း ဟဲမၤစၢၤဝဲ စိဘၤ ဘီမုၢ်အစီၤပၤ စီၤဟးဒးဧ့စ့ၢ်အခါ စီၤဒၤဝံး မၤသံကွံာ် ပှၤစူၤရံဖိ အဂၤ ၂၂,၀၀၀ လီၤ.+ ၆ ဒီးစီၤဒၤဝံး ဆီလီၤ သုးခိးတၢ်လီၢ်တဖၣ်လၢ ဝ့ၢ်ဒၤမ့ၤစ့း လၢကီၢ်စူၤရံ အပူၤလီၤ. ဒီးပှၤစူၤရံဖိတဖၣ် ကဲထီၣ်စီၤဒၤဝံး အခ့အပှၤ ဒီးဘၣ်ဟ့ၣ်ဝဲ တၢ်ခိတၢ်သွဲလီၤ. ဖဲစီၤဒၤဝံး လဲၤတပူၤဂ့ၤ တပူၤဂ့ၤန့ၣ် ယဟိဝၤယွၤ ဟ့ၣ်အီၤတၢ်မၤနၢၤလီၤ.+ ၇ ဒီးစီၤဒၤဝံး ဟံးန့ၢ်ကတီၤထူတဖၣ်လၢ စီၤဟးဒးဧ့စ့ၢ် အခ့အပှၤတဖၣ် အအိၣ် ဒီးဟဲက့ၤစိာ်ဝဲလၢ ဝ့ၢ်ယရူၤၡလ့ၣ်လီၤ. ၈ စီၤပၤဒၤဝံး ဟံးန့ၢ်ဝဲ တိၢ်ဘီ အါအါဂီၢ်ဂီၢ်လၢ စီၤဟးဒးဧ့စ့ၢ် အဝ့ၢ်တံးဘဃး ဒီးအဝ့ၢ်ကူၣ်န့ၣ်လီၤ. တိၢ်ဘီတဖၣ်န့ၣ် စီၤၡလိၤမိၤ သူဝဲဒ်သိး ကတ့ထီၣ်ဝဲ ထံဒၢဖးဒိၣ်လၢ ပှၤကိးဝဲလၢ ပီၣ်လဲၣ်တိၢ်ဘီ,+ တၢ်အထူၣ်တဖၣ် ဒီးတၢ်အပီးအလီ လၢဘၣ်တၢ်တ့အီၤလၢ တိၢ်ဘီတဖၣ်လီၤ.+
၉ ဖဲဃမါသး အစီၤပၤတိဧူၤ နၢ်ဟူဘၣ်ဝဲလၢ စီၤဒၤဝံး မၤနၢၤဝဲ စိဘၤဘီမုၢ်+ အစီၤပၤ စီၤဟးဒးဧ့စ့ၢ်+ အသုးမုၢ် ဒီတဖုအခါ ၁၀ တဘျီဃီန့ၣ် စီၤတိဧူၤ ဆှၢလီၤ အဖိခွါ စီၤဟဒိၣ်ရၣ် လၢစီၤဒၤဝံး အအိၣ် ဒ်သိးကဆၢဂ့ၤ ဆၢဝါအီၤ ဒီးပတြၢၤအီၤ ခီဖျိလၢ အမၤနၢၤ စီၤဟးဒးဧ့စ့ၢ် အဃိလီၤ. (လၢညါန့ၣ် စီၤဟးဒးဧ့စ့ၢ် ဒုးတၢ်ဒီး စီၤတိဧူၤ တလီၢ်လီၢ်လီၤ.) ဒီးအဝဲလဲၤစိာ်ဝဲ တၢ်ဖိတၢ်လံၤ အကလုာ်ကလုာ် လၢအဘၣ်တၢ်တ့အီၤလၢ ထူ, စ့ညၣ် ဒီးတိၢ်ဘီလီၤ. ၁၁ စီၤပၤဒၤဝံး ပာ်စီဆှံဝဲ တၢ်သ့ၣ်တဖၣ်အံၤလၢ ယဟိဝၤယွၤအအိၣ်+ ဃုာ်ဒီး စ့ညၣ် ဒီးထူလၢ အမၤန့ၢ်ဝဲလၢ ပှၤကလုာ်ခဲလၢာ် အအိၣ်လီၤ. ပှၤကလုာ်တဖၣ်န့ၣ် မ့ၢ်ဝဲ ပှၤအဒိၣ်ဖိ, ပှၤမိၤအးဖိ, ပှၤဧၣ်မိၣ်ဖိ,+ ပှၤဖလ့ၡသးဖိ+ ဒီးပှၤဧမၤလ့းဖိလီၤ.+
၁၂ နီၢ်စရူယၤ+ အဖိခွါ စီၤအဘံၡဲၤ+ မၤသံကွံာ်ဝဲ ပှၤအဒိၣ်ဖိအဂၤ ၁၈,၀၀၀ လၢအံသၣ် အတၢ်တြီၤ အပူၤလီၤ.+ ၁၃ အဝဲဆီလီၤ အသုးခိးတၢ်လီၢ်တဖၣ် လၢကီၢ်အဒိၣ်ပူၤ ဒီးပှၤအဒိၣ်ဖိခဲလၢာ် ကဲထီၣ်ဝဲ စီၤဒၤဝံး အခ့အပှၤလီၤ.+ ဖဲစီၤဒၤဝံး လဲၤတပူၤဂ့ၤ တပူၤဂ့ၤန့ၣ် ယဟိဝၤယွၤ ဟ့ၣ်အီၤတၢ်မၤနၢၤလီၤ.+ ၁၄ စီၤဒၤဝံး ဆဲးပၢဝဲ အံၣ်စရ့လးခဲလၢာ်+ ဒီးစီၤဒၤဝံး စံၣ်ညီၣ်န့ၢ်တၢ်လၢ အပှၤဂီၢ်မုၢ်ခဲလၢာ်အဂီၢ် တီတီလိၤလိၤလီၤ.+ ၁၅ နီၢ်စရူယၤ အဖိခွါ စီၤယိၤအာ် မ့ၢ်ဝဲ သုးခိၣ်ကျၢၢ်+ ဒီးစီၤအဃံလူး အဖိခွါ စီၤယဟိၤၡၤဖး+ မ့ၢ်ဝဲ ပှၤကွဲးနီၣ်တၢ်ဖိလီၤ. ၁၆ စီၤအဃံးတူာ် အဖိခွါ စီၤစၤဒိး ဒီးစီၤအ့ဘယၤသၢ် အဖိခွါ စီၤအဃံၤမ့လ့းန့ၣ် မ့ၢ်ဝဲ ပှၤလုၢ်တၢ်ဒိၣ်တဖၣ် ဒီးစီၤၡၤဝၡၤ မ့ၢ်ဝဲ နဲၣ်ရွဲၣ်လီၤ. ၁၇ စီၤယဟိၤယဒါ အဖိခွါ စီၤဘနါယၤန့ၣ် မ့ၢ်ဝဲ ပှၤကရံသးဖိ+ ဒီးပှၤပလ့သးဖိ+ အခိၣ်လီၤ. ဒီးစီၤဒၤဝံး အဖိခွါတဖၣ် ကဲထီၣ်ဝဲ ပှၤလၢအလီၢ်အလၤ ဒိၣ်ကတၢၢ်တဖၣ်လၢ စီၤပၤအဖီလာ်လီၤ.