ဧၤမိၣ်
၁ တၢ်ကတိၤတဖၣ်အံၤ မ့ၢ်ဝဲ စီၤဧၤမိၣ်* အတၢ်ကတိၤလီၤ. အဝဲပၣ်ဃုာ်လၢ ပှၤကွၢ်သိတဖၣ်လၢ အအိၣ်လၢ ဝ့ၢ်တကိၤ+ အကျါလီၤ. အဝဲဒိးန့ၢ်ဘၣ် တၢ်ကတိၤတဖၣ်အံၤခီဖျိလၢ တၢ်ထံၣ်လၢညါခီ လၢဘၣ်ဃးဒီး ပှၤအံၣ်စရ့လးဖိအဂ့ၢ်လီၤ. ဖဲန့ၣ်အခါ ဘၣ်ဖဲယူဒၤအစီၤပၤ ဧူးစံယါ+ အစိၤ ဒီးလၢစီၤယိၤအၣ်+ အဖိခွါ လၢအမ့ၢ် အံၣ်စရ့လး အစီၤပၤ စီၤယၤရၤဘၣ်+ အစိၤ တချုးဖဲ ဟီၣ်ခိၣ်ဟူးဒံးဘၣ် ခံနံၣ်န့ၣ်လီၤ.+ ၂ ဒီးစီၤဧၤမိၣ် တဲဝဲလၢ
“ယဟိဝၤယွၤ ကကညီၤထီၣ် လၢစံယိၣ်
ဒီးအဝဲကမၤဒိၣ်ထီၣ် အကလုၢ်လၢ ဝ့ၢ်ယရူၤၡလ့ၣ်လီၤ.
ပှၤကွၢ်သိဖိတဖၣ် အသိအီၣ်ဆၣ်အလီၢ်န့ၣ် ကဃ့ထီကွံာ်ဝဲ
ဒီးကၢ်မ့ၤလး အဒီခိၣ်န့ၣ် ကဃ့ထီကွံာ်ဝဲလီၤ.”+
၃ “ယဟိဝၤယွၤ တဲဝဲလၢ
“‘မ့ၢ်လၢ ဝ့ၢ်ဒၤမ့ၤစ့း ထီဒါတၢ် သၢဘျီလွံၢ်ဘျီ*
ဒီးအဝဲသ့ၣ် ယီၢ်ကံးလဧးလၢ နီၣ်ယီၢ်ဘုထး အဃိ ယတဆီတလဲ ယတၢ်ဆၢတဲာ်လၢၤဘၣ်.+
၅ ‘ယဟိဝၤယွၤ တဲဝဲလၢ “ယကမၤကၢ်ကွံာ် ဝ့ၢ်ဒၤမ့ၤစ့း+ အနီၣ်ဘိတဖၣ်
ဒီးယကမၤဟးဂီၤ ပှၤလၢအအိၣ်လၢ ဘံၤခဲၤအၤဝ့ၣ် တၢ်တြီၤပူၤ
ဒီးပှၤလၢအပၢ ဝ့ၢ်ဘ့ၤသဧ့ၤဒၣ်လီၤ.
ဒီးပှၤစူၤရံဖိတဖၣ် ကဘၣ်တၢ်က့ၤဖီၣ်အီၤလၢ ကံၢ်တၢ်လီၢ်လီၤ.”’+
၆ ယဟိဝၤယွၤ တဲဝဲလၢ
“‘မ့ၢ်လၢ ဝ့ၢ်ဂါစၤ+ ထီဒါတၢ် သၢဘျီလွံၢ်ဘျီ
ဒီးအဝဲသ့ၣ် လဲၤကိးဝဲ ပှၤလၢ အဘၣ်တၢ်က့ၤဖီၣ်အီၤ ဒီတဒူၣ်+ ဒ်သိး အကဟ့ၣ်လီၤကွံာ်ဝဲလၢ ပှၤအဒိၣ်ဖိ အစုပူၤအဃိ ယတဆီတလဲက့ၤ ယတၢ်ဆၢတဲာ်လၢၤဘၣ်.
၇ ယကဆှၢလီၤ မ့ၣ်အူလၢ ဝ့ၢ်ဂါစၤ အတၢ်ဒူၣ်အလိၤ+
ဒီးမ့ၣ်အူကအီၣ်ကွံာ် အတၢးလၢ အကျၢၤတဖၣ်လီၤ.’”
၈ ‘တၢ်ပၢကစၢ် ယဟိဝၤယွၤ တဲဝဲလၢ “ယကမၤဟးဂီၤကွံာ် ပှၤလၢအအိၣ်လၢ ဝ့ၢ်အၤစဒိာ်အပူၤ+
ဒီးပှၤလၢအပၢ ဝ့ၢ်အၤၡကလိၣ်လီၤ.+
၉ ယဟိဝၤယွၤ တဲဝဲလၢ
‘ဝ့ၢ်စိၢ်+ ထီဒါတၢ် သၢဘျီလွံၢ်ဘျီ
ဒီးအဝဲသ့ၣ် ဟ့ၣ်လီၤကွံာ်ဝဲ ပှၤလၢ အဘၣ်တၢ်က့ၤဖီၣ်အီၤ ဒီတဒူၣ်လၢ ပှၤအဒိၣ်ဖိတဖၣ် အစုပူၤ
ဒီးအဝဲသ့ၣ် တနီၣ်ဘၣ် ဒီပုၢ်ဝဲၢ်တဖၣ် အတၢ်အၢၣ်လီၤအီလီၤလၢၤဘၣ်အဃိ ယတဆီတလဲက့ၤ ယတၢ်ဆၢတဲာ်လၢၤဘၣ်.+
၁၀ ယကဆှၢလီၤ မ့ၣ်အူလၢ ဝ့ၢ်စိၢ် အတၢ်ဒူၣ်အလိၤ
ဒီးမ့ၣ်အူကအီၣ်ကွံာ် အတၢးလၢ အကျၢၤတဖၣ်လီၤ.’+
၁၁ ယဟိဝၤယွၤ တဲဝဲလၢ
‘ကီၢ်အဒိၣ်+ ထီဒါတၢ် သၢဘျီလွံၢ်ဘျီ
ဒီးအဝဲသ့ၣ် လူၤအနီၢ်ကစၢ် အဒီပုၢ်ဝဲၢ်တဖၣ်လၢနး+
ဒီးတပာ်ဖျါထီၣ် တၢ်သးကညီၤဘၣ်.
တကးဒံးဘၣ် လၢတၢ်သးဒိၣ်အပူၤ ပှၤအဒိၣ်ဖိတဖၣ် အ့ၣ်ဖှီကွံာ် အဝဲသ့ၣ် ဆူၣ်ဆူၣ်ကိၤကိၤ
ဒီးပှၤအဒိၣ်ဖိတဖၣ် အတၢ်သူၣ်ဒိၣ်သးဖျိး တလီၤမၢ် နီတဘျီဘၣ်. လၢတၢ်န့ၣ်အဃိ ယတဆီတလဲက့ၤ ယတၢ်ဆၢတဲာ်လၢၤဘၣ်.+
၁၃ ယဟိဝၤယွၤ တဲဝဲလၢ
“‘ပှၤဧၣ်မိၣ်ဖိတဖၣ်+ ထီဒါတၢ် သၢဘျီလွံၢ်ဘျီ
ဒီးအဝဲသ့ၣ် ဖှဲးသ့ၣ်ဖးဝဲ ကံးလဧးမုၣ်လၢ အဒၢတဖၣ်အဟၢဖၢ ဒ်သိးကမၤလဲၢ်ထီၣ် အနီၢ်ကစၢ်အ တၢ်လီၢ်တၢ်ကျဲအဃိ ယတဆီတလဲက့ၤ ယတၢ်ဆၢတဲာ်လၢၤဘၣ်.+
၁၄ ဖဲတၢ်ဒုးအမုၢ်နံၤန့ၣ် ယကဆှၢလီၤ မ့ၣ်အူလၢ ဝ့ၢ်ရးဘး အတၢ်ဒူၣ်အလိၤ+
ဒီးမ့ၣ်အူလၣ်လၢ အဟဲလီၤလၢ
တၢ်ဒုးအတၢ်ကိးပသူထီၣ်အကျါ
ဒီးကလံၤမုၢ်ဖးဒိၣ်န့ၣ် ကမၤဟးဂီၤကွံာ် အတၢးလၢ အကျၢၤ တဖၣ်လီၤ.’”
၁၅ ‘ယဟိဝၤယွၤ တဲဝဲလၢ “အဝဲသ့ၣ် အစီၤပၤန့ၣ် ကဘၣ်တၢ်က့ၤဖီၣ်အီၤ ဃုာ်ဒီး အပဒိၣ်တဖၣ်လီၤ.”’+
၂ “ယဟိဝၤယွၤ တဲဝဲလၢ
‘“မ့ၢ်လၢကီၢ်မိၤအး+ ထီဒါတၢ် သၢဘျီလွံၢ်ဘျီ*
ဒီးအဝဲသ့ၣ် ဒွဲၣ်အူထီၣ်ကွံာ် ကီၢ်အဒိၣ် အစီၤပၤ အဃံအကွဲတဖၣ် တုၤအကဲထီၣ် ဖၣ်ဆါကမူၣ် အဃိ ယတဆီတလဲက့ၤ ယတၢ်ဆၢတဲာ်လၢၤဘၣ်.
၂ ယကဆှၢလီၤ မ့ၣ်အူလၢ ကီၢ်မိၤအးအပူၤ
ဒီးမ့ၣ်အူကအီၣ်ကွံာ် ဝ့ၢ်ကရံယိး အတၢးလၢအကျၢၤတဖၣ်လီၤ.+
ကီၢ်မိၤအးကလီၤပှီၢ်လၢ တၢ်တၢထီၣ်တၢလီၤ,
တၢ်ဒုးအတၢ်ကိးပသူထီၣ် ဒီးကွဲၤအသီၣ် အကျါလီၤ.”+
၃ ယဟိဝၤယွၤ တဲဝဲလၢ “ယကထုးထီၣ်ကွံာ် ပှၤပၢတၢ်တဂၤ* လၢကီၢ်မိၤအးအပူၤ
ဒီးယကမၤသံ ကီၢ်မိၤအးအပဒိၣ်ဖးဒိၣ်ကိးဂၤဒဲး ဃုာ်ဒီး ပှၤပၢတၢ် တဂၤန့ၣ်လီၤ.”’+
၄ ယဟိဝၤယွၤ တဲဝဲလၢ
‘ယူဒၤထီဒါတၢ်+ သၢဘျီလွံၢ်ဘျီ
ဒီးအဝဲသ့ၣ် တတူၢ်လိာ် ယၤ ယဟိဝၤယွၤ အတၢ်သိၣ်တၢ်သီဘၣ်
ဒီးအဝဲသ့ၣ် တမၤထွဲ ယတၢ်ဘျၢတဖၣ်ဘၣ်.+
တကးဒံးဘၣ် ဒ်အဝဲသ့ၣ် အမိၢ်ပၢ်ဖံဖု လၢပျၢၤတဖၣ် ပိာ်ဝဲတၢ်လံၣ်တၢ်လီတဖၣ် အခံအသိး အဝဲသ့ၣ် ဘၣ်တၢ်လံၣ်တၢ်လီ တမံၤဃီလၢအဆှၢကမၣ် အဝဲသ့ၣ် အကျဲန့ၣ်လီၤ.+
၅ ယကဆှၢလီၤ မ့ၣ်အူလၢ ယူဒၤအပူၤ
ဒီးမ့ၣ်အူကအီၣ်ကွံာ် ဝ့ၢ်ယရူၤၡလ့ၣ် အတၢးလၢအကျၢၤတဖၣ်လီၤ.’+
၆ ယဟိဝၤယွၤ တဲဝဲလၢ
‘အံၣ်စရ့လး+ ထီဒါတၢ် သၢဘျီလွံၢ်ဘျီ
ဒီးအဝဲသ့ၣ် ဆါလီၤကွံာ် ပှၤတီ ပှၤလိၤလၢ စ့ညၣ်
ဒီးဆါလီၤကွံာ် ပှၤဖှီၣ်ဖိယာ်ဖိ လၢခီၣ်ဖံးတခိၣ် အဃိ ယတဆီတလဲက့ၤ ယတၢ်ဆၢတဲာ်လၢၤဘၣ်.+
၇ အဝဲသ့ၣ် ယီၢ်တံၢ်လီၤ ပှၤဖှီၣ်ဖိယာ်ဖိတဖၣ် အခိၣ်သၣ်ဃံလၢ ဟီၣ်ခိၣ်ကမူၣ်အကျါ+
ဒီးအဝဲသ့ၣ် တမၤပှၤလၢ အဆီၣ်လီၤအသးတဖၣ် တီတီ လိၤလိၤဘၣ်.+
ပၢ်ဒီးအဖိခွါန့ၣ် မံဃုာ်ဒီး ပှၤပိာ်မုၣ်တဂၤဃီ
ဒီးမၤဘၣ်အၢ ယမံၤစီဆှံလီၤ.
၈ တၢ်ကူတၢ်ကၤ လၢအဝဲသ့ၣ် ဟံးန့ၢ်ဝဲဒ် တၢ်အုၣ်အသးတမံၤလၢ ပှၤကဘၣ်လိးက့ၤ အဒ့ၣ်ကမၢ်န့ၣ်+ အဝဲသ့ၣ်ဒါလီၤဝဲလၢ တၢ်လုၢ်လီၢ် ကိးဖျၢၣ်ဒဲး အကပၤ ဒီးစူၣ်လီၤ အပျိၢ်ဖဲန့ၣ်လီၤ.+
ဒီးစပံးထံလၢ အဝဲသ့ၣ် အီဝဲလၢ အယွၤတဖၣ် အတၢ်လုၢ်ဟံၣ်ပူၤန့ၣ် အဝဲသ့ၣ်လဲၤပှ့ၤဝဲဒီး စ့လၢ အဝဲသ့ၣ် အီၣ်လိးပှၤဂၤန့ၣ်လီၤ.’
၉ ‘ပှၤအမိၢ်ဖိလၢ အနီၢ်ထီဝဲဒ် သ့ၣ်ဆှိအ့ရ့း ဒီးအဂံၢ်ဆူၣ်ဘါဆူၣ် ဒ်သိးဒီး သ့ၣ်ထိးဖၣ်န့ၣ်
ယမၤဟးဂီၤကွံာ်အီၤလၢ အဝဲသ့ၣ် အမဲာ်ညါလီၤ.+
ယမၤဟးဂီၤကွံာ် ပှၤအမိၢ်ဖိတဖၣ် ဒ်ပှၤမၤဟးဂီၤသ့ၣ်တထူၣ် ဃုာ်ဒီး အသၣ် ဒီးအဂံၢ်လီၤ.+
၁၀ ယထုးထီၣ်ကွံာ်သုလၢ ကီၢ်အဲၤကူပတူး+
ဒီးယဆှၢသုလၢ ပှၢ်မုၢ်ကနၢအပူၤ အနံၣ် ၄၀+
ဒ်သိး သုကမၤန့ၢ် ပှၤအမိၢ်ဖိတဖၣ် အတၢ်လီၢ်တၢ်ကျဲ အဂီၢ်လီၤ.’
၁၁ ယဟိဝၤယွၤ တဲဝဲလၢ ‘အိ အံၣ်စရ့လးအပှၤဂီၢ်မုၢ်ဧၢ,
ယဃုထၢထီၣ် သုဖိခွါတနီၤ ဒ်ဝံအသိး+
ဒီးသုပှၤသးစၢ်ပိာ်ခွါတနီၤ ဒ်ပှၤနစၤရံဖိအသိး+ တမ့ၢ်ဧီၤ.’
၁၃ အဃိ ယကမၤသဘှံးသု
ဒ်လ့ၣ်လၢ အတီၣ်ဝဲ ဘုကဒိၣ်တဖၣ် မၤသဘှံး တၢ်လၢအအိၣ်လၢ အဖီလာ်အသိးလီၤ.
၁၄ ပှၤလၢ အဃ့ၢ်ချ့န့ၣ် တၢ်လီၢ်လၢ အကဃ့ၢ်ပူၤဖျဲးအသးအဂီၢ်န့ၣ် တအိၣ်ဘၣ်.+
ပှၤလၢ အဂံၢ်ဆူၣ်န့ၣ် အဂံၢ်အဘါ ကလၢာ်ကွံာ်ဝဲလီၤ.
ဒီးပှၤဒူပှၤဃိၤလၢ အသးသမူ ကပူၤဖျဲးန့ၣ် တအိၣ်နီတဂၤဘၣ်.
၁၅ ပှၤခးချံၣ်ဖိ တဆၢထၢၣ်ဘၣ်လၢ အလီၢ်ဘၣ်,
ပှၤလၢအဃ့ၢ်ချ့န့ၣ် တပူၤဖျဲးဘၣ်
ဒီးပှၤဒိးကသ့ၣ်ဖိန့ၣ် အသးသမူ တပူၤဖျဲးဘၣ်.’
၁၆ ယဟိဝၤယွၤ တဲဝဲလၢ ‘ပှၤသုးဖိလၢ အသးဒူ ဒိၣ်ကတၢၢ်တဖၣ်ဒၣ်လဲာ်
ကဃ့ၢ်ကွံာ်ဝဲ ဒီးအတၢ်ကူတၢ်ကၤ တပၣ်ဘၣ်.’”+
၃ “အိ ပှၤအံၣ်စရ့လးဖိ လၢအမ့ၢ် ပှၤဒီတကလုာ်လၢ ယဟိဝၤယွၤ ထုးထီၣ်ဝဲလၢ ကီၢ်အဲၤကူပတူး အပူၤသ့ၣ်ဧၢ, ဒိကနၣ်တၢ်လၢ အဝဲတဲဝဲ ဘၣ်ဃးဒီးသု န့ၣ်တက့ၢ်.
၂ အဝဲတဲဝဲလၢ ‘လၢပှၤအကလုာ်ခဲလၢာ် အကျါန့ၣ် ယသ့ၣ်ညါထဲသု တဒူၣ်လီၤ.+
လၢတၢ်န့ၣ်အဃိ ယကသိၣ်ဃီၣ်သုလၢ သုတၢ်ကမၣ်တဖၣ် အဃိလီၤ.+
၃ ပှၤခံဂၤ မ့ၢ်တပာ်ပနီၣ် တၢ်ဆၢကတီၢ်လၢ အကထံၣ်လိာ်အသးအဂီၢ်ဘၣ်န့ၣ် အဝဲသ့ၣ်လဲၤတၢ် ဒ်သိးသိး ကသ့ဧါ.
၄ ခ့ယုၢ် အဆၣ်အီၣ် မ့ၢ်တအိၣ်ဘၣ်န့ၣ် မ့ၢ်အကကညီၤထီၣ် လၢပှၢ်လၢ်ကျါဧါ.
ခ့ယုၢ်ဖိ မ့ၢ်တဖီၣ်န့ၢ် တၢ်နီတမံၤဘၣ်န့ၣ် မ့ၢ်အကကိးထီၣ်လၢ အအိၣ်သဒၢအလီၢ် စ့ၢ်ကီးဧါ.
၅ ပှၤမ့ၢ် တဒိးလီၤ ပျံၤသကွီၤဘၣ်န့ၣ် မ့ၢ်ထိၣ်ကဘျးလၢ ပျံၤသကွီၤ စ့ၢ်ကီးဧါ.
တၢ်မ့ၢ်တဘၣ်ဘျးဒီး ပျံၤသကွီၤ နီတမံၤဘၣ်န့ၣ် မ့ၢ်ပျံၤသကွီၤ ကထုးတံၢ်အသး စ့ၢ်ကီးဧါ.
၆ ကွဲၤမ့ၢ်သီၣ်ထီၣ်လၢ ဝ့ၢ်ပူၤန့ၣ် ပှၤဂီၢ်မုၢ် ကကနိးကစုာ် တမ့ၢ်ဧီၤ.
တၢ်နးတၢ်ဖှီၣ် မ့ၢ်ကဲထီၣ်လၢ ဝ့ၢ်ပူၤန့ၣ် အကဲ ယဟိဝၤယွၤမၤဝဲ တမ့ၢ်ဧီၤ.
၇ တၢ်ပၢကစၢ် ယဟိဝၤယွၤ မ့ၢ်တလီၣ်ဖျါထီၣ် တၢ်ဂ့ၢ်ခူသူၣ်လၢ အဝံတဖၣ် အအိၣ်ဘၣ်န့ၣ်
အတမၤ တၢ်နီတမံၤဘၣ်.+
၈ ဖဲခ့ယုၢ် ကညီၤတၢ်အခါ+ ပှၤလၢအတပျံၤတၢ်ဘၣ်န့ၣ် အိၣ်ဧါ.
တၢ်ပၢကစၢ် ယဟိဝၤယွၤ ဟ့ၣ်လီၤတၢ်ကလုၢ်လံ, ဝံလၢ အကအိၣ်ဘှ့ၣ်န့ၣ် အိၣ်ဧါ.’+
၉ ‘လၢဝ့ၢ်အၤစဒိာ် အတၢးလၢ အကျၢၤတဖၣ် အဖီခိၣ်
ဒီးလၢကီၢ်အဲၤကူပတူး အတၢးလၢ အကျၢၤတဖၣ် အဖီခိၣ်န့ၣ် စံၣ်တဲၤတဲလီၤ ဒ်အံၤတက့ၢ်.
တဲလၢ “အိၣ်ဖှိၣ်လၢ ၡၤမရံ အကစၢၢ်တဖၣ်အလိၤ+
ဒီးကွၢ်တၢ်သဘံၣ်သဘုၣ်လၢ အအိၣ်လၢ ဝ့ၢ်ပူၤတက့ၢ်.
ဖဲန့ၣ်န့ၣ် တၢ်လံၣ်အီၣ်လီအီၣ်တၢ်တဖၣ် အိၣ်ဝဲသကုၤလီၤ.+
၁၀ ယဟိဝၤယွၤ တဲဝဲလၢ အဝဲသ့ၣ် တသ့ၣ်ညါမၤတၢ်ဂ့ၤဘၣ်.
ဒီးတၢ်ဖိတၢ်လံၤလၢ အဝဲသ့ၣ် ဂုာ်န့ၢ်ဆူၣ်အီၤ ခီဖျိလၢ တၢ်မၤဆူၣ်မၤစိးန့ၣ် အဝဲသ့ၣ် ပာ်ဖှိၣ်ဝဲလၢ အတၢးလၢအကျၢၤတဖၣ်အပူၤလီၤ.”’
၁၁ အဃိ တၢ်ပၢကစၢ် ယဟိဝၤယွၤ တဲဝဲလၢ
‘ဒုၣ်ဒါတဖၣ် ကအိၣ်ဝးတရံး တၢ်လီၢ်တၢ်ကျဲ+
ဒီးကမၤလီၤစၢ် နဂံၢ်နဘါ
ဒီးနတၢးလၢအကျၢၤတဖၣ်န့ၣ် ကဘၣ်တၢ်ဂုာ်န့ၢ်အီၤလီၤ.’+
၁၂ ယဟိဝၤယွၤ တဲဝဲလၢ
‘ပှၤအံၣ်စရ့လးဖိတဖၣ် ဆ့ၣ်နီၤဝဲလၢ လီၢ်မံခးလၢ အဃံအလၤတဖၣ်အလိၤ လၢၡၤမရံအပူၤ ဒီးလၢလီၢ်ဆ့ၣ်နီၤ လၢအဂ့ၤအလိၤလီၤ.+
ဘၣ်ဆၣ် ဒ်ပှၤကွၢ်သိ ဂုာ်န့ၢ်က့ၤထဲ သိဖိအခီၣ်ခံခီ မ့တမ့ၢ် အနၢ်တက့ဖိလၢ ခ့ယုၢ်အကိာ်ပူၤ အသိးန့ၣ်
ပှၤအံၣ်စရ့လးဖိ ကပူၤဖျဲးမူဒံး ထဲစှၤဂၤလီၤ.’
၁၃ တၢ်ပၢကစၢ် ယဟိဝၤယွၤ လၢအမ့ၢ် တၢ်သုးမုၢ်ဂီၢ်မုၢ်အယွၤန့ၣ် တဲဝဲလၢ ‘ဒိကနၣ် ဒီးဟ့ၣ်ပလီၢ် စီၤယၤကိာ် အစၢၤအသွဲၣ်တက့ၢ်.’
၁၄ ‘ဖဲမုၢ်နံၤလၢ ယသိၣ်ဃီၣ် ပှၤအံၣ်စရ့လးဖိ လၢအဝဲသ့ၣ်ထီဒါက့ၤတၢ် အဃိအခါ+
ယကမၤဟးဂီၤကွံာ် ဝ့ၢ်ဘ့ၤသ့လး အတၢ်လုၢ်လီၢ်တဖၣ်လီၤ.+
ဒီးယကမၤကၢ်ကွံာ် တၢ်လုၢ်လီၢ် အနၢၤတဖၣ် ဒီးအကလီၤတဲာ်ကွံာ် လၢဟီၣ်ခိၣ်လိၤလီၤ.+
၁၅ ယကမၤလီၤပှီၢ်ကွံာ် တၢ်ဂိၢ်ခါအဟံၣ် ဒီးတၢ်ကိၢ်ခါ အဟံၣ်လီၤ.’
၄ “သုပှၤပိာ်မုၣ်တဖၣ်လၢ အအိၣ်ဝဲလၢ ၡၤမရံ အကစၢၢ်လိၤသ့ၣ်ဧၢ,+ ဒိကနၣ် တၢ်ကတိၤသ့ၣ်တဖၣ်အံၤတက့ၢ်.
သုလီၤဂာ် ဒ်သိးဒီး ဘၤၡၣ် အကျီၢ်မိၢ်တဖၣ်
ခီဖျိလၢ သုလံၣ်အီၣ်လီအီၣ် ပှၤလၢအပတီၢ်ဖုၣ်တဖၣ်+ ဒီးသုမၤသဘှံး ပှၤဖှီၣ်ဖိယာ်ဖိလီၤ.
ဒီးသုတဲသုဝၤ* လၢ ‘ဟဲစိာ်ဒုးအီပှၤ တၢ်တမံၤမံၤသၢၤ.’
၂ ဒ်တၢ်ပၢကစၢ် ယဟိဝၤယွၤ မ့ၢ်ပှၤလၢအစီဆှံအသိး အဝဲ အၢၣ်လီၤဝဲလၢ
“‘ဆၢကတီၢ်ကဟဲဝဲလၢ အဝဲကဘျးထီၣ်သုလၢ ပှၤဘျးထီၣ်တၢ်ညၣ် အနီၣ်ဘျးတဖၣ်
ဒီးပှၤလၢအအိၣ်တ့ၢ်တဖၣ်န့ၣ် အဝဲကဘျးဝဲလၢ တခွဲကနၣ်လီၤ.’”
၃ ‘ယဟိဝၤယွၤ တဲဝဲလၢ “သုဝဲတဂၤစုာ်စုာ်န့ၣ် သုကဘၣ် ဟးထီၣ်လၢ တၢ်အဒူၣ်ဖျိအပူၤ လၢအအိၣ်လၢသုမဲာ်ညါ တီတီလီၤ.
ဒီးပှၤကနီလဲၤသုလၢ ဟါမိၤလီၤ.’”
၅ တၢ်ပၢကစၢ် ယဟိဝၤယွၤတဲဝဲလၢ ‘ဒွဲၣ်ထီၣ် ကိၣ်လၢ အပၣ်ဒီးကိၣ်မံၣ် လၢသုကစံးဘျုးစံးဖှိၣ် ကစၢ်ယွၤအဂီၢ်သၢၤ.+
သုလုၢ်ထီၣ်တၢ်လၢ တၢ်သးအိၣ်အပူၤန့ၣ် ဘိးဘၣ်သ့ၣ်ညါလီၤပှၤဂၤ လၢသုကလုၢ်ဖးဒိၣ်သၢၤ.
အိ အံၣ်စရ့လး အပှၤဂီၢ်မုၢ်သ့ၣ်ဧၢ, သုမၤဒ်န့ၣ် မုာ်ဒိၣ်မးလီၤ.’
၆ ဒီးယဟိဝၤယွၤ တဲဝဲလၢ ‘ယဒုးအိၣ်ထီၣ် တၢ်သၣ်ဝံၤလီၤဒိလၢ သုဝ့ၢ်ကိးဖျၢၣ်ဒဲးအပူၤ
ဘၣ်ဆၣ် သုတဟဲက့ၤကဒါက့ၤလၢ ယအိၣ်ဘၣ်.’+
၇ ‘တချုးလၢ ကူးတၢ်အဆၢကတီၢ် ဘၣ်ဒံးဘၣ်သၢလါန့ၣ် ယတဒုးစူၤလီၤန့ၢ်သု မူခိၣ်ထံဘၣ်.+
ဒီးယဒုးစူၤလီၤမူခိၣ်ထံလၢ ဝ့ၢ်တဖျၢၣ်အပူၤ ဘၣ်ဆၣ် ယတဒုးစူၤလီၤအီၤလၢ ဝ့ၢ်အဂၤတဖျၢၣ်အပူၤဘၣ်.
မူခိၣ်စူၤလီၤလၢ ဟီၣ်ခိၣ်တကဝီၤအပူၤ
ဘၣ်ဆၣ် လၢဟီၣ်ခိၣ်ကဝီၤအဂၤန့ၣ် မူခိၣ်တစူၤလီၤဘၣ်အဃိ ဟီၣ်ခိၣ် ဃ့ထီကွံာ်လီၤ.’
၈ ယဟိဝၤယွၤ တဲဝဲလၢ ‘ပှၤဝ့ၢ်ဖိလၢ ဝ့ၢ်ခံဖျၢၣ်သၢဖျၢၣ် အပူၤန့ၣ် ဘၣ်လဲၤဝဲ ကပံၢ်ကပၢ်လၢ ဝ့ၢ်အဂၤတဖျၢၣ် ဒ်သိး ကအီဘၣ်ထံအဂီၢ်+
ဒီးအဝဲသ့ၣ် တအီဘၣ်ဝဲ ဘျဲဘျဲဘၣ်.
ဘၣ်ဆၣ် သုတဟဲက့ၤကဒါက့ၤလၢ ယအိၣ်ဘၣ်.’+
၉ ယဟိဝၤယွၤ တဲဝဲလၢ ‘ယမၤဒ်သိး ကလံၤကိၢ်ကလီၤဘၣ် သုတၢ်မုၢ်တၢ်ဘိ ဒီးအဃၢ်ကလီၤ အဂီၢ်လီၤ.+
သုသူၣ်လီၤအါထီၣ် တၤသၣ်လီၢ်တဖၣ် ဒီးစပံးကျီးတဖၣ်
ဘၣ်ဆၣ် ဒွဲၣ်တဖၣ် မၤဟးဂီၤကွံာ် သုချၢၣ်ဒၢအထူၣ် ဒီးသ့ၣ်စၤယံးအထူၣ်တဖၣ်လီၤ.+
ဘၣ်ဆၣ် သုတဟဲက့ၤကဒါက့ၤလၢ ယအိၣ်ဘၣ်.’+
၁၀ ဒီးယဟိဝၤယွၤ တဲဝဲလၢ ‘ယဆှၢလီၤ တၢ်ဆါသံသတြိာ် လၢသုကျါ ဒ်လၢကီၢ်အဲၤကူပတူးပူၤ အသိးလီၤ.+
ယကျီသံကွံာ် သုပှၤပိာ်ခွါသးစၢ်တဖၣ် လၢနး+ ဒီးယကဂုာ်န့ၢ်ကွံာ် သုကသ့ၣ်တဖၣ်လီၤ.+
ဒီးယမၤဒ်သိး သုဒဲကဝီၤတဖၣ် ကနၢအုၣ်လၢ ပှၤသံအစိၣ်+
ဘၣ်ဆၣ် သုတဟဲက့ၤကဒါက့ၤလၢ ယအိၣ်ဘၣ်.’
၁၁ ဒီးယဟိဝၤယွၤ တဲဝဲလၢ ‘ယမၤဟးဂီၤကွံာ်သု
ဒ်ယမၤဟးဂီၤ ဝ့ၢ်စဒိၣ်ဒီး ဂမိရၤ အသိးလီၤ.+
ဒီးသုဝဲလၢ အမူဒံးန့ၣ် လီၤဂာ် ဒ်သိးဒီး သ့ၣ်မုၣ်တကျီၣ်လၢ ပှၤထုးထီၣ်ကွံာ်အီၤလၢ မ့ၣ်အူအပူၤ
ဘၣ်ဆၣ် သုတဟဲက့ၤကဒါက့ၤလၢ ယအိၣ်ဘၣ်.’+
၁၂ အိ အံၣ်စရ့လးဧၢ, ယကမၤကဒီးသု ဒ်န့ၣ်လီၤ.
အိ အံၣ်စရ့လးဧၢ, မ့ၢ်လၢယကမၤသု ဒ်န့ၣ်အဃိ
အိၣ်ကတဲာ်ကတီၤသုသးလၢ သုကကွၢ်ဆၢၣ်မဲာ်လိာ်သး ဒီးသုကစၢ်ယွၤတက့ၢ်.
၁၃ အဝဲမ့ၢ်ပှၤလၢ အဒုးအိၣ်ထီၣ် ကစၢၢ်ကလိတဖၣ်+ ဒီးအတ့လီၤ ကလံၤလီၤ.+
အဝဲတဲဘၣ် ပှၤဟီၣ်ခိၣ်ဖိလၢ အတၢ်ဆိကမိၣ်တဖၣ်
ဒီးမၤကဲထီၣ်က့ၤ ဂီၤခီအတၢ်ကပီၤ လၢတၢ်ခံးလီၤ.+
ဒီးအဝဲယီၢ်လီၤဝဲ ဟီၣ်ခိၣ် အတၢ်လီၢ်ထီၣ်ထီတဖၣ်+
ဒီးအမံၤမ့ၢ်ဝဲ တၢ်သုးမုၢ်ဂီၢ်မုၢ် အကစၢ် ယဟိဝၤယွၤလီၤ.”
၅ “အိ အံၣ်စရ့လး အပှၤဂီၢ်မုၢ်* သ့ၣ်ဧၢ, ကနၣ်ထါဟီၣ်တယုၢ်လၢ ယကတဲအီၤလၢ သုဂီၢ်န့ၣ်တက့ၢ်.
၂ ‘မုၣ်ကနီၤအံၣ်စရ့လး လီၤဃံၢ်လၢ အနီၢ်ကစၢ်အကီၢ်ပူၤလံ
ဒီးအဂဲၤဆၢထၢၣ်က့ၤ တန့ၢ်ဘၣ်.
အဘၣ်တၢ်ပာ်တ့ၢ်ကွံာ်အီၤ
ဒီးပှၤလၢ ကဝံၣ်ဆၢထၢၣ်အီၤန့ၣ် တအိၣ်နီတဂၤဘၣ်.’
၃ “တၢ်ပၢကစၢ် ယဟိဝၤယွၤ တဲဝဲလၢ
‘တၢ်ကကဲထီၣ်သးဒီး အံၣ်စရ့လး အပှၤဂီၢ်မုၢ် ဒ်အံၤလီၤ. လၢဝ့ၢ်တဖျၢၣ်အပူၤ ပှၤမ့ၢ်လဲၤဒုးတၢ် အဂၤတကထိန့ၣ် အဝဲသ့ၣ် ကအိၣ်မူတ့ၢ်က့ၤထဲ အဂၤတကယၤလီၤ.
ဒီးပှၤမ့ၢ်လဲၤဒုးတၢ် အဂၤတကယၤန့ၣ် အဝဲသ့ၣ်ကအိၣ်မူတ့ၢ်က့ၤထဲ အဂၤတဆံလီၤ.’+
၄ “ယဟိဝၤယွၤတဲ အံၣ်စရ့လး အပှၤဂီၢ်မုၢ်လၢ
‘ဃုယၤ ဒီးဆဲးမူတက့ၢ်.+
၅ တဘၣ်လဲၤလၢ ဝ့ၢ်ဘ့ၤသ့လး ဒ်သိးသုကန့ၢ်ဘၣ် တၢ်မၤစၢၤ အဂီၢ်တဂ့ၤ.+
တဘၣ်လဲၤလၢ ဝ့ၢ်ကံးလကၤလး+ ဒီးတဘၣ်လဲၤခီဂာ် တၢ်လီၢ်အဆၢ ဒ်သိးသုကလဲၤလၢ ဝ့ၢ်ဘ့ၢ်ၡဘၤအဂီၢ်တဂ့ၤ.+
ပှၤကံးလကၤလးဖိန့ၣ် ကဘၣ်တၢ်က့ၤဖီၣ်အီၤ သပှၢ်ကတၢၢ်+
ဒီးဝ့ၢ်ဘ့ၤသ့လးန့ၣ် ကဟးဂီၤကွံာ်လီၤ.
၆ ဃုယၤ ယဟိဝၤယွၤ ဒီးဆဲးမူတက့ၢ်.+
သုမ့ၢ်တမၤ ဒ်န့ၣ်ဘၣ်န့ၣ် ယကမၤဟးဂီၤဘၣ်ဖုး စီၤယိၤသး အစၢၤအသွဲၣ် ဒ်မ့ၣ်အူအီၣ်တၢ်အသိး
ဒီးကအီၣ်ကွံာ် ဝ့ၢ်ဘ့ၤသ့လး ဒီးပှၤမၤပံာ်မ့ၣ်အူအံၤ တန့ၢ်နီတဂၤဘၣ်.
၇ သုမၤကဲထီၣ်က့ၤ တၢ်စံၣ်ညီၣ်တီ ဒ်တၢ်မုၢ်တၢ်ဘိလၢအခၣ်
ဒီးသုကွံာ်လီၤ တၢ်တီတၢ်လိၤ လၢဟီၣ်ခိၣ်လိၤလီၤ.+
၈ ပှၤလၢအတ့လီၤ ဆၣ်ဒၢမုၢ် အကရူၢ် ဒီးဆၣ်ယိးမါ အကရူၢ်,+
ဒီးအမၤကဲထီၣ် တၢ်ခံးသူ ဒ်ဂီၤခီအသိး
ဒီးအမၤခံးလီၤမုၢ်နံၤ ဒ်မုၢ်နၤခီအသိး+
ဒီးပာ်ဖှိၣ်ထီၣ် ပီၣ်လဲၣ်အထံ
ဒ်သိး ကလူလီၤက့ၤဝဲလၢ ဟီၣ်ခိၣ်လိၤတဂၤန့ၣ်+
အမံၤမ့ၢ်ဝဲ ယဟိဝၤလီၤ.
၉ ဒီးအဝဲ ကမၤဟးဂီၤကွံာ် ပှၤလၢအဂံၢ်ဆူၣ်တဖၣ် သတူၢ်ကလာ်
အဃိ တၢ်အိၣ်သဒၢအလီၢ်တဖၣ် ကဟးဂီၤဝဲလီၤ.
၁၀ သုသးဟ့ စံၣ်ညီၣ်ကွီၢ်တဖၣ်လၢ အသိၣ်က့ၤသီက့ၤတၢ် လၢဝ့ၢ်အတြဲၤ
ဒီးသးဘၣ်အၢ ပှၤလၢအတဲ တၢ်မ့ၢ်တၢ်တီလီၤ.+
၁၁ မ့ၢ်လၢသုဃ့န့ၢ်ဆူၣ် ပှၤဖှီၣ်ဖိယာ်ဖိတဖၣ် အစံာ်ပှ့ၤ
ဒီးသုဟံးန့ၢ် အဝဲသ့ၣ်အဘု ဒ်တၢ်ခိတၢ်သွဲအသိးအဃိ+
သုတဆဲးအိၣ်ဘၣ်လၢ သုဟံၣ်လၢ သုတ့အီၤဒီး လၢၢ်တဖၣ်လၢၤဘၣ်.+
ဒီးသုတအီဘၣ် စပံးထံလၢ သုဒိးန့ၢ်ဘၣ်အီၤလၢ သုစပံးကျီးလၢအဂ့ၤလၢ သုသူၣ်လီၤအီၤ တဖၣ်လၢၤဘၣ်.+
၁၂ သုထီဒါတၢ် ထဲလဲၣ်
ဒီးသုတၢ်ဒဲးဘး ဒိၣ်ထဲလဲၣ်န့ၣ် ယသ့ၣ်ညါလီၤ.
သုမၤနးမၤဖှီၣ် ပှၤတီပှၤလိၤ
ဒီးသုတူၢ်လိာ် တၢ်ထီးကျိၣ်ထီးစ့*
ဒီးသုတဟ့ၣ် ပှၤဖှီၣ်ဖိယာ်ဖိ တၢ်ခွဲးတၢ်ယာ် လၢဝ့ၢ်အတြဲၤန့ၣ်ဘၣ်.+
၁၃ ဖဲန့ၣ်အဆၢကတီၢ် တၢ်ကီတၢ်ခဲ ကဘၣ်ဝဲအဃိ+
ပှၤလၢအအိၣ်ဒီး တၢ်သ့ၣ်ညါနၢ်ပၢၢ်န့ၣ် ကအိၣ်ဘှ့ၣ်ဝဲလီၤ.
သုမ့ၢ်မၤထွဲဒ်န့ၣ်န့ၣ် တၢ်သုးမုၢ်ဂီၢ်မုၢ် အကစၢ် ယဟိဝၤယွၤ ကအိၣ်ဒီးသု
ဒ်သုတဲလၢ အအိၣ်ဒီးသု အသိးလီၤ.+
၁၅ သးဟ့တၢ်အၢ ဒီးအဲၣ်တၢ်ဂ့ၤတက့ၢ်.+
မ်စံၣ်ညီၣ်ကွီၢ်တဖၣ် လၢဝ့ၢ်အတြဲၤန့ၣ် စံၣ်ညီၣ်တၢ်တီတီလိၤလိၤ တက့ၢ်.+
ဘၣ်သ့ၣ်သ့ၣ် တၢ်သုးမုၢ်ဂီၢ်မုၢ် အကစၢ် ယဟိဝၤယွၤ
ကသးကညီၤ စီၤယိၤသး အစၢၤအသွဲၣ်လၢ အအိၣ်တ့ၢ်တဖၣ်လီၤ.’+
၁၆ “လၢတၢ်န့ၣ်အဃိ ယဟိဝၤယွၤ လၢအမ့ၢ် တၢ်သုးမုၢ်ဂီၢ်မုၢ် အကစၢ် ယဟိဝၤယွၤ တဲဝဲလၢ
‘လၢတၢ်ဆါတၢ်ပှ့ၤအလီၢ် ခဲလၢာ်န့ၣ် တၢ်ဟီၣ်တၢ်ယၢၤ ကအိၣ်ထီၣ်ဝဲ
ဒီးလၢကျဲခဲလၢာ် အပူၤန့ၣ် အဝဲသ့ၣ် ကတဲဝဲလၢ “အၣ်လါ, အၣ်လါ.”
အဝဲသ့ၣ် ကမၢ ပှၤမၤစံာ်ဖိတဖၣ် ဟီၣ်ဝဲယၢၤဝဲ
ဒီးအဝဲသ့ၣ်ကမၢပှၤလၢအဟီၣ်သ့တဖၣ် ဟီၣ်ကိးပသူထီၣ်လီၤ.’
၁၇ ယဟိဝၤယွၤ တဲဝဲလၢ ‘မ့ၢ်လၢ ယကလဲၤခီဂာ်တၢ်လၢ သုကျါအဃိ
တၢ်ဟီၣ်ကိးပသူထီၣ် ကအိၣ်လၢ သုစပံးကျီး ကိးကျီးဒဲး အပူၤလီၤ.’+
၁၈ ‘ပှၤလၢအဆၢထံၣ်ဘၣ် ယဟိဝၤယွၤ အမုၢ်နံၤန့ၣ် ကဘၣ်ကီဘၣ်ခဲ နးမးလီၤ.+
ဖဲယဟိဝၤယွၤအမုၢ်နံၤန့ၣ် သုဆိကမိၣ် တၢ်ကမၤအသးဒီးသု ဒ်လဲၣ်.+
ဖဲန့ၣ်န့ၣ် တၢ်ကခံး ဒီးတၢ်ကပီၤ တအိၣ်ဘၣ်.+
၁၉ ဖဲတၢ်တနံၤန့ၣ် သုကမၤသးဒ် ပိာ်ခွါတဂၤလၢ အဃ့ၢ်ပူၤဖျဲးအသးလၢ ခ့ယုၢ်အအိၣ် ဒီးအဝဲ ဘၣ်သဂၢၢ်ဒီးတၤသူ
ဒီးဖဲအဝဲက့ၤနုာ်လီၤလၢ အဟံၣ်ပူၤ ဒီးတီၣ်ထီၣ်အစုလၢ အဟံၣ်ဒူၣ်လိၤအခါ ဂုၢ်ဖျးအီၤလီၤ.
၂၀ ယဟိဝၤယွၤ အမုၢ်နံၤန့ၣ် တၢ်ကခံး ဒီးတၢ်ကပီၤတအိၣ်ဘၣ်,
တၢ်ကခံးသူ ဒီးတၢ်တကပီၤဘၣ်.
၂၁ ယသးဟ့ ဒီးယသးဘၣ်အၢ သုဘူၣ်တဖၣ်+
ဒီးယတဘၣ်သူၣ်ဘၣ်သး သုတၢ်အိၣ်ဖှိၣ်လီၤဆီတဖၣ် အတၢ်နၢမူ နီတစဲးဘၣ်.
၂၂ သုမ့ၢ်လုၢ်ထီၣ် တၢ်လုၢ်ဒွဲၣ်အူဒီတဒု ဒီးတၢ်လုၢ်တဖၣ် သနာ်က့
ယတဘၣ်သူၣ်ဘၣ်သး တၢ်သ့ၣ်တဖၣ်န့ၣ် နီတစဲးဘၣ်.+
ဒီးသုမ့ၢ်လုၢ်ထီၣ် ဆၣ်ဖိကီၢ်ဖိလၢ အဘီၣ်အသိ ဒ်တၢ်လုၢ်အိၣ်ဃူအိၣ်ဖိးလၢ ယအိၣ် သနာ်က့ တမ့ၢ်လၢ ယကဘၣ်သူၣ်ဘၣ်သးဘၣ်.+
၂၃ တဘၣ်သးဝံၣ်န့ၢ်ယၤ တၢ်သးဝံၣ်လၢ အက့ၣ်နၢ်လၢၤတဂ့ၤ.
ဒီးတဘၣ်ဒုးနၢ်ဟူယၤလၢသု သီတူၢ် အတၢ်ဒ့လၢၤတဂ့ၤ.+
၂၄ မ်တၢ်စံၣ်ညီၣ်တီ ယွၤလီၤဒ် ထံအသိး+
ဒီးတၢ်တီတၢ်လိၤ ယွၤလီၤ ဒ်ထံကျိဖိလၢ အလီၤသံးတသ့ဘၣ် အသိးန့ၣ်တက့ၢ်.
၂၅ အိ အံၣ်စရ့လး အပှၤဂီၢ်မုၢ်ဧၢ, ဖဲသုအိၣ်လၢ ပှၢ်မုၢ်ကနၢပူၤ အနံၣ် ၄၀ အခါ
မ့ၢ်သုလုၢ်ထီၣ်န့ၢ်ယၤ ဆၣ်ဖိကီၢ်ဖိ ဒီးတၢ်လုၢ်တဖၣ် တဘျီဘျီဧါ.+
၂၆ တၢ်ဂီၤတၢ်ဖှီၣ် စၤကူး ဒီးကံၣ်ယူၣ် လၢအမ့ၢ် ဆၣ်အယွၤ လၢသုတ့အီၤလၢ သုနီၢ်ကစၢ်န့ၣ်
သုကဘၣ်စိာ်ထီၣ်အီၤ
၂၇ ဒီးယကမၤဒ်သိး ပှၤကက့ၤဖီၣ်သုဆူတၢ်လီၢ်လၢ အတလၢ ဝ့ၢ်ဒၤမ့ၤစ့းလီၤ.’+ တၢ်သုးမုၢ်ဂီၢ်မုၢ် အကစၢ်ယွၤ လၢအမံၤမ့ၢ် ယဟိဝၤန့ၣ် တဲဝဲဒ်န့ၣ်လီၤ.”+
၆ “ပှၤလၢအအိၣ် လၢစံယိၣ် လၢအနာ်န့ၢ်လီၤအသး
ဒီးပှၤလၢအဆိကမိၣ်လၢ အအိၣ်ဘၣ် ဘံၣ်ဘံၣ်ဘၢဘၢလၢ ၡၤမရံ အကစၢၢ်န့ၣ် ကဘၣ်ကီဘၣ်ခဲလီၤ.+
အဝဲသ့ၣ်မ့ၢ် ပှၤတကလုာ်လၢ အမံၤဟူသၣ်ဖျါ အပှၤခိၣ်ပှၤနၢ်တဖၣ်
ဒီးအံၣ်စရ့လး အပှၤဂီၢ်မုၢ်* လဲၤလၢအဝဲသ့ၣ် အအိၣ်လီၤ.
၂ လဲၤခီဂာ်တၢ်ဆူ ကၤလန့ၤတၢ်လီၢ်
ဒီးဆဲးလဲၤလၢ ဝ့ၢ်ဃမါသးဖးဒိၣ်+
ဝံၤဒီး လဲၤလီၤလၢ ပှၤဖလ့ၡသးဖိ အဝ့ၢ် ကၤသး ဒီးကွၢ်တက့ၢ်.
မ့ၢ်ဝ့ၢ်တဖၣ်အံၤန့ၣ် ဂ့ၤဒိၣ်န့ၢ်ဒံး သုဘီမုၢ်ခံဘ့ၣ်န့ၣ်ဧါ.*
မ့ၢ်အဝဲသ့ၣ် အတၢ်လီၢ်တၢ်ကျဲန့ၣ် လဲၢ်ဒိၣ်န့ၢ်ဒံး သုတၢ်လီၢ် စ့ၢ်ကီးဧါ.
၃ တၢ်ကီတၢ်ခဲ အမုၢ်နံၤလၢ ကဟဲန့ၣ် သုတထၢနုာ်အီၤလၢ သုခိၣ်နူာ်ပူၤဘၣ်.+
ဒီးပှၤလၢအမၤဆူၣ်မၤစိးတၢ်န့ၣ် သုဒုးပၢအီၤတၢ်လီၤ.+
၄ သုမံနီၤလၢ လီၢ်မံကဆီမဲ+ အဖီခိၣ် ဒီးသုစူၣ်လီၤသုပျိၢ်လၢ လီၢ်ဆ့ၣ်နီၤကပုာ်အဖီခိၣ်+
ဒီးသုအီၣ်သိဖါလၢ အဂ့ၤကတၢၢ်တဖၣ် ဒီးကျီၢ်ဖိလၢ အဘီၣ် တဖၣ်လီၤ.+
၅ ဖဲပှၤဒ့တနၢ်အခါ သုထုးထီၣ် တၢ်သးဝံၣ်တဖၣ်+
ဒီးသုတ့ထီၣ် တၢ်ဒ့တၢ်အူ အတၢ်ပီးတၢ်လီတဖၣ် ဒ်စီၤဒၤဝံး အသိးလီၤ.+
၆ သုအီစပံးထံလၢ ခွးဖးဒိၣ်ပှဲၤပှဲၤ အပူၤ+
ဒီးသုဖှူလီၤသုသးလၢ သိလၢအဂ့ၤကတၢၢ်လီၤ.
ဒီးဘၣ်ဃးဒီး စီၤယိၤသး အပှၤဂီၢ်မုၢ် အတၢ်ဂ့ၢ်ကီဖးဒိၣ်န့ၣ် သုတဘၣ်ယိၣ်တၢ်ဘၣ်.+
၇ အဃိ သုကမ့ၢ် ပှၤအဆိကတၢၢ်တဖၣ်လၢ ပှၤကက့ၤဖီၣ်အီၤလီၤ.+
ဒီးမူးပွဲလၢ အလီၤရၢၢ်လီၤစၢၢ်တဖၣ်န့ၣ် ကကတၢၢ်ဝဲလီၤ.
၈ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ တဲဝဲလၢ ‘တၢ်ပၢကစၢ် ယဟိဝၤယွၤ အၢၣ်လီၤတၢ်လၢ အနီၢ်ကစၢ်လၢ+
“ယသးဘၣ်အၢ စီၤယၤကိာ်အစၢၤအသွဲၣ် အတၢ်ပာ်ကဖၢလၢသး+
ဒီးယသးဟ့ အတၢးလၢ အကျၢၤတဖၣ်လီၤ.+
ယကဟ့ၣ်လီၤ အဝ့ၢ်ဒီးတၢ်အိၣ်လၢအပူၤတဖၣ် လၢအဒုၣ်အဒါတဖၣ် အစုပူၤလီၤ.+
၉ “‘“ဒီးပှၤအဂၤတဆံ မ့ၢ်အိၣ်တ့ၢ်လၢ ဟံၣ်တဖျၢၣ်ဖျၢၣ်အပူၤ နာ်က့ အဝဲသ့ၣ် ကသံဝဲစ့ၢ်ကီးလီၤ. ၁၀ ဒီးအဘူးအတံၢ်တဂၤ* ကဟဲဒီး ကစိာ်ထီၣ်ကွံာ် ပှၤသံအစိၣ်တဖၣ် ဒီးကလဲၤဒွဲၣ်အူအီၣ်ကွံာ်ဝဲ တဂၤဝံၤတဂၤလီၤ. အဝဲကစိာ်ထီၣ်ကွံာ် အဝဲသ့ၣ် အဃံတဖၣ်လၢ ဟံၣ်ချၢ ဒီးကသံကွၢ်ဝဲ ပှၤအိၣ်လၢ ဒၢးပူၤတဖၣ်လၢ ‘ပှၤအိၣ်ဒီးနၤ တဂၤဂၤဒံးဧါ.’ ဒီးအကတဲဆၢဝဲလၢ ‘တအိၣ်နီတဂၤဘၣ်.’ ဒီးပှၤတဂၤန့ၣ် ကတဲအီၤလၢ ‘အိၣ်ဘှ့ၣ်သၢၤ, ခဲအံၤ တမ့ၢ် တၢ်ဆၢကတီၢ်လၢ ပှၤကဘၣ်ယၢၤထီၣ် ယဟိဝၤယွၤ အမံၤဘၣ်.’”
၁၁ ဖဲယဟိဝၤယွၤ ဟ့ၣ်လီၤတၢ်ကလုၢ်အခါ+
ဟံၣ်ဖးဒိၣ်တဖၣ် ကကဲထီၣ် လၢၢ်အက့အခီတဖၣ်
ဒီးဟံၣ်ဆံးဆံးဖိတဖၣ် ကကဲထီၣ် တၢ်ကမှံၤလီၤ.+
၁၂ မ့ၢ်ကသ့ၣ် ကဃ့ၢ်လၢ လ့အလိၤဧါ.
ဒီးဖဲန့ၣ်န့ၣ် ပှၤကထဲၣ်တၢ်လၢ ကျီၢ်စ့ၢ်ကီးဧါ.
သုမၤကဲထီၣ်က့ၤ တၢ်စံၣ်ညီၣ်တီလၢ တၢ်မုၢ်တၢ်ဘိလၢ အအိၣ်ဒီး အစုၣ်အပျၢ်
ဒီးတၢ်တီတၢ်လိၤ အသၣ်လၢ တၢ်မုၢ်တၢ်ဘိလၢ အခၣ်လီၤ.+
၁၃ သုသးခုခီဖျိလၢ တၢ်လၢအဘျုးတအိၣ်ဘၣ်အဃိ
ဒီးသုတဲလၢ “ပစိကမီၤ ဒိၣ်ထီၣ်လၢ ပနီၢ်ကစၢ် အဂံၢ်ဘါအဃိ တမ့ၢ်ဧီၤ.”’+
၁၄ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ တဲဝဲလၢ ‘အံၣ်စရ့လး အပှၤဂီၢ်မုၢ်ဧၢ, ယကပျဲ ပှၤတကလုာ် ဟဲထီဒါသု+
ဒီးအဝဲသ့ၣ် ကဆီၣ်တံၢ်မၤနၢၤသု စးထီၣ်လၢ လံၤဘိၤဃမါသး+ တုၤလီၤလၢ ဧၤရဘၤ အတၢ်တြီၤပူၤလီၤ.’”
၇ တၢ်ပၢကစၢ် ယဟိဝၤယွၤ ဒုးထံၣ်ယၤ တၢ်ထံၣ်လၢညါခီလီၤ. ယထံၣ်လၢ ဖဲတၢ်မုၢ်တၢ်ဘိလၢ ပှၤဖှံလီၤပာ်စၢၤအချံလၢ တၢ်ဂိၢ်အကတီၢ် ဒိၣ်ထီၣ်ဝဲ အခါ အဝဲဆှၢလီၤ ဒွဲၣ်တဖၣ်လီၤ. တၢ်မုၢ်တၢ်ဘိတဖၣ်န့ၣ် ပှၤဖှံလီၤအချံ ဖဲပှၤကူးန့ၢ်စီၤပၤအနီၣ် ဝံၤအလီၢ်ခံလီၤ. ၂ ဖဲဒွဲၣ်တဖၣ်အီၣ်ကွံာ် တၢ်မုၢ်တၢ်ဘိတဖၣ်လၢ ကီၢ်ပူၤဝံၤအခါ ယတဲလၢ “အိ တၢ်ပၢကစၢ် ယဟိဝၤယွၤဧၢ, ဝံသးစူၤပျၢ်ကွံာ် နပှၤဂီၢ်မုၢ် အတၢ်ကမၣ်နီၤ.+ မ့ၢ်လၢ စီၤယၤကိာ် အစၢၤအသွဲၣ်တဖၣ်န့ၣ် အဂံၢ်စၢ်ဒံးအဃိ အတူၢ်ဝဲ ကပှဲၤဧါ.”+
၃ အဃိ ယဟိဝၤယွၤ က့ၤဆိကမိၣ်ကဒါက့ၤ* တၢ်ဂ့ၢ်တခါအံၤ+ ဒီးယဟိဝၤယွၤ တဲဝဲလၢ “တၢ်လၢနထံၣ်ဘၣ်အီၤန့ၣ် တကဲထီၣ်အသးလၢၤဘၣ်.”
၄ တၢ်ပၢကစၢ် ယဟိဝၤယွၤ ဒုးထံၣ်ယၤ တၢ်ထံၣ်လၢညါခီလီၤ. ယထံၣ်လၢ တၢ်ပၢကစၢ် ယဟိဝၤယွၤ မၤလိာ်ဝဲလၢ တၢ်ကစံၣ်ညီၣ်တၢ်လၢ မ့ၣ်အူလီၤ. ဒီးမ့ၣ်အူအံၤ အီၣ်ကွံာ်ဝဲပီၣ်လဲၣ် ဒီးအီၣ်ကွံာ်စ့ၢ်ကီး ဟီၣ်ခိၣ်တနီၤလီၤ. ၅ ဒီးယတဲလၢ “တၢ်ပၢကစၢ် ယဟိဝၤယွၤဧၢ, ဝံသးစူၤ တဘၣ်မၤဒံးတဂ့ၤ.+ မ့ၢ်လၢ စီၤယၤကိာ် အစၢၤအသွဲၣ်တဖၣ်န့ၣ် အဂံၢ်စၢ်ဒံးအဃိ အတူၢ်ဝဲ ကပှဲၤဧါ.”+
၆ အဃိ ယဟိဝၤယွၤ က့ၤဆိကမိၣ်ကဒါက့ၤ တၢ်ဂ့ၢ်တခါအံၤလီၤ.+ ဒီးတၢ်ပၢကစၢ် ယဟိဝၤယွၤ တဲဝဲလၢ “တၢ်လၢနထံၣ်ဘၣ်အီၤ တခါအံၤစ့ၢ်ကီး တကဲထီၣ်အသးလၢၤဘၣ်.”
၇ ဒီးအဝဲဒုးထံၣ်ယၤ ဒ်အံၤလီၤ. လၢတၢ်ဒူၣ်လၢ ပှၤသူနီၣ်ထိၣ်ပျံၤ* ဒီးပှၤတ့ထီၣ်ပာ်စၢၤအီၤဘျၢဘျၢအလိၤန့ၣ် ယထံၣ်ဘၣ် ယဟိဝၤယွၤ ဆၢထၢၣ်ဖဲန့ၣ်လီၤ. ဒီးနီၣ်ထိၣ်ပျံၤ အိၣ်ဝဲလၢ အစုပူၤလီၤ. ၈ ဒီးယဟိဝၤယွၤ တဲဝဲလၢ “စီၤဧၤမိၣ်ဧၢ, နထံၣ်တၢ်မနုၤလဲၣ်.” ဒီးယတဲအီၤလၢ “ယထံၣ်ဘၣ် နီၣ်ထိၣ်ပျံၤ.” ဒီးယဟိဝၤယွၤတဲဝဲလၢ “ယထိၣ် ယပှၤဂီၢ်မုၢ် အံၣ်စရ့လးလၢ နီၣ်ထိၣ်ပျံၤလံ. ယတဝံသးစူၤ အဝဲသ့ၣ်လၢၤဘၣ်.+ ၉ ဒီးစီၤအံၤစဲး အစၢၤအသွဲၣ် အတၢ်လီၢ်ထီၣ်ထီတဖၣ်+ ကအိၣ်သယုၢ် ဒီးစီၤအံၣ်စရ့လး အစၢၤအသွဲၣ် အတၢ်ဘူၣ်ထီၣ်ဘါထီၣ် အလီၢ်တဖၣ် ကဟးဂီၤစ့ၢ်ကီးလီၤ.+ မ့မ့ၢ် စီၤယၤရၤဘၣ် အစၢၤအသွဲၣ်တဖၣ်န့ၣ် ယကကျီကွံာ်အီၤ လၢနးလီၤ.”+
၁၀ ဝ့ၢ်ဘ့ၤသ့လး အပှၤလုၢ်တၢ်ဒိၣ် စီၤအမၤစယါ+ ဆှၢလီၤတၢ်ကစီၣ် လၢအံၣ်စရ့လး အစီၤပၤ စီၤယၤရၤဘၣ်အအိၣ်လၢ+ “စီၤဧၤမိၣ် ကူၣ်အၢနၤလၢ အံၣ်စရ့လး အပှၤဂီၢ်မုၢ်* အကျါလံ.+ ဒီးပှၤထံဖိကီၢ်ဖိတဖၣ် တူၢ်အတၢ်ကတိၤတဖၣ် တပှဲၤလၢၤဘၣ်.+ ၁၁ စီၤဧၤမိၣ်န့ၣ် တဲဝဲလၢ ‘စီၤယၤရၤဘၣ် ကဘၣ်သံလၢနး ဒီးပှၤအံၣ်စရ့လးဖိတဖၣ်န့ၣ် ပှၤကက့ၤဖီၣ်အဝဲသ့ၣ် လၢကီၢ်အဂၤတဘ့ၣ်အပူၤ သပှၢ်ကတၢၢ်လီၤ.’”+
၁၂ ဒီးစီၤအမၤစယါ တဲစီၤဧၤမိၣ်လၢ “ပှၤလၢအထံၣ် တၢ်ထံၣ်လၢညါခီဧၢ, လဲၤဃ့ၢ်အိၣ်လၢ ယူဒၤ အတၢ်လီၢ်တၢ်ကျဲ ဒီးလုၢ်အီၣ်နသးသမူဖဲန့ၣ်* ဒီးတဲတၢ်ဒ်ဝံအသိး ဖဲန့ၣ်သၢၤ.+ ၁၃ မ့မ့ၢ်ဖဲ ဝ့ၢ်ဘ့ၤသ့လးန့ၣ် မ့ၢ်လၢ စီၤပၤ အတၢ်လီၢ်စီဆှံ+ ဒီးဘီမုၢ် အတၢ်လုၢ်ဟံၣ် အိၣ်ဝဲအဃိ နတဘၣ်တဲတၢ်ဒ် ဝံအသိးဖဲအံၤလၢၤဘၣ်.”+
၁၄ စီၤဧၤမိၣ် တဲဆၢ စီၤအမၤစယါလၢ “လၢညါန့ၣ် ယတမ့ၢ်ဝံဘၣ် ဒီးယတမ့ၢ် ဝံအဖိခွါ စ့ၢ်ကီးဘၣ်.+ လၢညါ ယကဲ ပှၤကွၢ်သိ ဒီးယကွၢ်ထွဲ သ့ၣ်သိးဝံာ်ဒၢတဖၣ်လီၤ. ၁၅ ဘၣ်ဆၣ် ယဟိဝၤယွၤ တမၢယကွၢ် သိလၢၤဘၣ်. ယဟိဝၤယွၤ တဲယၤလၢ ‘လဲၤကဲဝံလၢ ယပှၤဂီၢ်မုၢ် အံၣ်စရ့လးအကျါနီၤ.’+ ၁၆ အဃိ ခဲအံၤန့ၣ် ကနၣ် တၢ်လၢယဟိဝၤယွၤ တဲဝဲသၢၤ. ‘နတဲလၢ “တဘၣ်တဲဝံအတၢ်စံးပာ်လၢ အထီဒါ အံၣ်စရ့လးအဘီမုၢ်တဂ့ၤ.+ ဒီးတဘၣ်စံၣ်တဲၤတဲလီၤ+ တၢ်စံၣ်ညီၣ်ကစီၣ် ဘၣ်ဃးဒီး စီၤအံၤစဲး အစၢၤအသွဲၣ်တဂ့ၤ.” ၁၇ အဃိ ယဟိဝၤယွၤတဲဝဲလၢ “လၢဝ့ၢ်ပူၤန့ၣ် နမါကကဲထီၣ် ဒ်ပိာ်မုၣ်ဆါလီၤအီၣ်အသးအသိး ဒီးနဖိမုၣ်ဖိခွါတဖၣ်န့ၣ် ကသံလၢနးလီၤ. နဟီၣ်ခိၣ်လီၢ်တဖၣ်န့ၣ် တၢ်ကထိၣ်အီၤလၢ တၢ်ထိၣ်ပျံၤတဘိ ဒီးတၢ်ကနီၤလီၤအီၤလီၤ. ဒီးနနီၢ်ကစၢ်န့ၣ် ကဘၣ်သံလၢ ကီၢ်လၢ အတကဆှီဘၣ်တဘ့ၣ် အပူၤလီၤ. ဒီးပှၤအံၣ်စရ့လးဖိတဖၣ်န့ၣ် ပှၤကက့ၤဖီၣ် အဝဲသ့ၣ် ဆူကီၢ်အဂၤတဘ့ၣ်လီၤ.”’”+
၈ တၢ်ပၢကစၢ် ယဟိဝၤယွၤ ဒုးထံၣ်ယၤ တၢ်ထံၣ်လၢညါခီလီၤ. ယထံၣ်ဘၣ် တၢ်ကိၢ်ခါ အတၤသၣ် တနာ်လီၤ. ၂ ဒီးအဝဲတဲယၤလၢ “စီၤဧၤမိၣ်ဧၢ, နထံၣ်ဘၣ် တၢ်မနုၤလဲၣ်.” ဒီးယတဲဆၢအီၤလၢ “တၢ်ကိၢ်ခါ အတၤသၣ် တနာ်လီၤ.” ဒီးယဟိဝၤယွၤ တဲယၤလၢ “မုၢ်နံၤလၢ ယကသိၣ်ဃီၣ် ယပှၤဂီၢ်မုၢ် အံၣ်စရ့လးန့ၣ် ဘူးထီၣ်လံ. ယတဝံသးစူၤ အဝဲသ့ၣ်လၢၤဘၣ်.+ ၃ တၢ်ပၢကစၢ် ယဟိဝၤယွၤ တဲဝဲလၢ ‘ဖဲတၢ်တနံၤန့ၣ် တၢ်သးဝံၣ်အသီၣ်လၢ တၢ်လုၢ်ဟံၣ်ပူၤန့ၣ် ကကဲထီၣ်က့ၤလၢ တၢ်ဟီၣ်တၢ်ယၢၤ အသီၣ်လီၤ.+ ဒီးပှၤကကွံာ်လီၤ တၢ်သံအစိၣ်တဖၣ်လၢ တၢ်လီၢ်ကိးတီၤဒဲးလီၤ.+ ဖဲန့ၣ်န့ၣ် တၢ်ကဘှ့ၣ်ဘှီၣ်ဝဲလီၤ.’
၄ ပှၤလၢအယီၢ်တံၢ်လီၤ ပှၤဖှီၣ်ဖိယာ်ဖိ
ဒီးပှၤလၢ အမၤနၢၤအီၣ်ဃီၣ် ပှၤလၢအအိၣ်ဒီး တၢ်ဆီၣ်လီၤသးတဖၣ် လၢကီၢ်ပူၤသ့ၣ်ဧၢ,+ ဒိကနၣ်တက့ၢ်.
၅ သုတဲလၢ ‘ဒ်သိး ပကဆါပဘုတဖၣ်အဂီၢ် လါထီၣ်သီအဘူၣ် ကဝံၤ ဆံးယံာ်လဲၣ်.+
ဒီးဒ်သိး ပကဆါလီၤကွံာ် ပဘုတဖၣ်အဂီၢ် မုၢ်အိၣ်ဘှံးနံၤ+ ကဝံၤ ဆံးယံာ်လဲၣ်.
၆ ပမ့ၢ်မၤဒ်န့ၣ်န့ၣ် လၢခံ ပှၤလၢအတၢ်အိၣ် တယၢဘၣ်န့ၣ်* ပကပှ့ၤ အဝဲသ့ၣ်လၢစ့ညၣ်
ဒီးပှၤဖှီၣ်ဖိယာ်ဖိန့ၣ် ပကပှ့ၤ အဝဲသ့ၣ်လၢ ခီၣ်ဖံးတခိၣ်လီၤ.+
ဒီးပဆါကွံာ်ဘုလၢ အတဂ့ၤဘၣ်တဖၣ် ကသ့ဝဲလီၤ.’
၇ ယဟိဝၤယွၤ လၢအမ့ၢ် စီၤယၤကိာ် အတၢ်လၤကပီၤန့ၣ် အၢၣ်လီၤဝဲလၢ အနီၢ်ကစၢ် အမံၤပူၤလၢ+
‘တၢ်လၢအဝဲသ့ၣ်မၤဝဲတဖၣ်န့ၣ် ယတသးပ့ၤနီၣ်အီၤ နီတဘျီဘၣ်.+
ဒီးတၢ်ဆီတလဲ ဒိၣ်ဒိၣ်မုၢ်မုၢ် ကအိၣ်ထီၣ်လၢ ထံကီၢ်အပူၤ
ဒီးကမၤသးဒ်သိးဒီး ကီၢ်အဲၤကူပတူး အထံကျိနံၤလါလၢ အထံဟဲဒိၣ်ထီၣ် ဒီးယွၤလီၤဆူၣ်ဆူၣ် ဝံၤဒီး က့ၤလီၤကဒါက့ၤလီၤ.’+
၉ တၢ်ပၢကစၢ် ယဟိဝၤယွၤ တဲဝဲလၢ ‘ဖဲတၢ်တနံၤန့ၣ်
ယကဒုးလီၤနုာ်မုၢ်လၢ မုၢ်ထူၣ် အဆၢကတီၢ်
ဒီးယကမၤခံးလီၤ ကီၢ်လၢ မုၢ်ဆါခီ အဆၢကတီၢ်လီၤ.+
၁၀ သုဘူၣ်တဖၣ်န့ၣ် ယကမၤကဲထီၣ်က့ၤလၢ တၢ်ဟီၣ်တၢ်ယၢၤ+
ဒီးသုတၢ်သးဝံၣ်တဖၣ်န့ၣ် ကကဲထီၣ်က့ၤလၢ ထါဟီၣ်
ဒီးယကဒုးကူထီၣ် ထၢၣ်တၢ်ကံးညာ်လၢ ပှၤကိးဂၤဒဲး အယီၢ်ဒ့လိၤ ဒီးယကမၤလ့ၤ ပှၤကိးဂၤဒဲး အခိၣ်လီၤ.
သုကဘၣ်ဟီၣ်ဒ်သိးဒီး ပှၤလၢအဟီၣ် လၢအဖိခွါ အိၣ်ထဲတဂၤ သံဝဲ အဃိလီၤ.
ဒီးမုၢ်နံၤအံၤ အကတၢၢ်န့ၣ် ကနးဝဲ ဒိၣ်မးလီၤ.’
၁၁ တၢ်ပၢကစၢ် ယဟိဝၤယွၤ တဲဝဲလၢ ‘တၢ်ဆၢကတီၢ် ကဟဲဝဲလၢ
ယကဆှၢလီၤ တၢ်သၣ်ဝံၤလီၤဒိလၢ ကီၢ်ပူၤလီၤ.
ဒီးအတမ့ၢ်တၢ်သၣ်ဝံၤလီၤဒိလၢ တၢ်အီၣ်ဒီးထံ တအိၣ်လၢၤဘၣ် အဃိန့ၣ်ဘၣ်.
ကမ့ၢ် တၢ်သၣ်ဝံၤလီၤဒိ ခီဖျိလၢ ပှၤကအဲၣ်ဒိးနၢ်ဟူ ယဟိဝၤယွၤ အကလုၢ်ကထါ အဃိလီၤ.+
၁၂ ဒီးအဝဲသ့ၣ် ကဟးဝဲ ကနူၤကပၤ ဒီးကလဲၤဝဲလၢ ပီၣ်လဲၣ် တဘ့ၣ်ဝံၤတဘ့ၣ်
ဒီးလၢကလံၤစိးတခီ တုၤလၢ မုၢ်ထီၣ်တခီလီၤ.
အဝဲသ့ၣ် ကဟးဃုဝဲ ယဟိဝၤယွၤ အကလုၢ်ကထါ ဘၣ်ဆၣ် အဝဲသ့ၣ် တထံၣ်ဝဲဘၣ်.
၁၃ ဖဲတၢ်တနံၤန့ၣ် မုၣ်ကနီၤဖိ လၢအဒိၣ်တၢ်ဂ့ၤမးတဖၣ်
ဒီးပှၤဖိၣ်သၣ်ခွါတဖၣ်စ့ၢ်ကီး ကသးပ့ၤနီၣ်အသး မ့ၢ်လၢ အဘၣ်သး အီထံ အဃိလီၤ.
၁၄ အဝဲသ့ၣ်အၢၣ်လီၤတၢ်လၢ ၡၤမရံ အယွၤလၢ အကမၣ်တဖၣ်အမံၤပူၤ+ ဒီးတဲဝဲလၢ
“အိ ဝ့ၢ်ဒၣ်ဧၢ, ဒ်နယွၤ မူဝဲအသိးန့ၣ်”+
ဒီး “ဒ်ကျဲလၢအလဲၤဆူ ဝ့ၢ်ဘ့ၢ်ၡဘၤ+ အိၣ်ဝဲအသိးန့ၣ်” လီၤ.
အဃိ အဝဲသ့ၣ် ကလီၤဃံၢ် ဒီး တဆၢထၢၣ်ဘၣ်ဝဲလၢၤဘၣ်.’”+
၉ ယထံၣ်ဘၣ် ယဟိဝၤယွၤလၢ+ တၢ်လုၢ်လီၢ်အဖီခိၣ် ဒီးအဝဲတဲဝဲလၢ “တီၢ်တၢ်အထူၣ်တဖၣ် အခိၣ်ထိး ဒီးဟံၣ်ကဟူးဝးဝဲလီၤ. မၤတဲာ်ကွံာ် တၢ်အထူၣ်တဖၣ်အခိၣ်ထိး ဒီးပှၤလၢအအိၣ်တ့ၢ်တဖၣ်န့ၣ် ယကမၤသံအီၤလၢ နးလီၤ. ပှၤလၢအဃ့ၢ်ဒီးအပူၤဖျဲးန့ၣ် တအိၣ်နီတဂၤဘၣ်.+
၂ အဝဲသ့ၣ် မ့ၢ်ခူၣ်လီၤ တၢ်သွၣ်ခိၣ်* ဒီးအိၣ်ခူသူၣ်ဝဲ ဖဲန့ၣ်ဘၣ်ဆၣ်
ယကတွံၢ်ထီၣ်က့ၤ အဝဲသ့ၣ်လၢ တၢ်လီၢ်ဖဲန့ၣ်လီၤ.
အဝဲသ့ၣ် မ့ၢ်လဲၤထီၣ်လၢ တၢ်ဖးဖီဘၣ်ဆၣ်
ယကတွံၢ်လီၤက့ၤ အဝဲသ့ၣ်လၢ တၢ်လီၢ်ဖဲန့ၣ်လီၤ.
၃ အဝဲသ့ၣ် မ့ၢ်အိၣ်ခူသူၣ်လၢ ကစၢၢ်ကၢ်မ့ၤလး အဒီခိၣ်
ဘၣ်ဆၣ် ယကဃု အဝဲသ့ၣ်ဖဲန့ၣ် ဒီးယကဟံးထီၣ်ကွံာ် အဝဲသ့ၣ် ဖဲန့ၣ်လီၤ.+
ဒီးအဝဲသ့ၣ် မ့ၢ်အိၣ်ခူသူၣ်လၢ ပီၣ်လဲၣ်အခံဒး
ဘၣ်ဆၣ် ယကမၢ ဂုၢ်လဲၤအ့ၣ် အဝဲသ့ၣ် ဖဲန့ၣ်လီၤ.
၄ အဝဲသ့ၣ် အဒုၣ်အဒါတဖၣ် မ့ၢ်က့ၤကိး အဝဲသ့ၣ် သနာ်က့
ယကမၢ ပှၤဖဲန့ၣ်တဖၣ် မၤသံ အဝဲသ့ၣ်လၢ နးလီၤ.+
ယကဃုကျဲ ဒ်သိး တၢ်ကီတၢ်ခဲ ကဘၣ် အဝဲသ့ၣ် ဒီးတမ့ၢ်လၢ အဝဲသ့ၣ် ကဘၣ်ဆိၣ်ဂ့ၤဘၣ်.+
၅ တၢ်ပၢကစၢ် ယဟိဝၤယွၤ လၢအမ့ၢ် တၢ်သုးမုၢ်ဂီၢ်မုၢ် အကစၢ်န့ၣ် မ့ၢ်ပှၤလၢ အကထိးဝဲထံကီၢ်*
ဒ်သိး ထံကီၢ်ကပှံၢ်လီၤဝဲ+ ဒီးပှၤလၢအအိၣ်လၢအပူၤ ကိးဂၤဒဲးန့ၣ် ကဟီၣ်ဝဲယၢၤဝဲလီၤ.+
ဒီးတၢ်ဆီတလဲ ဒိၣ်ဒိၣ်မုၢ်မုၢ် ကအိၣ်ထီၣ်လၢ ထံကီၢ်အပူၤ
ဒီးကမၤသးဒ်သိးဒီး ကီၢ်အဲၤကူပတူး အထံကျိနံၤလါလၢ အထံဟဲဒိၣ်ထီၣ် ဝံၤဒီး က့ၤလီၤကဒါက့ၤလီၤ.+
၆ ‘ပှၤလၢအတ့ထီၣ် ဃီလၢမူခိၣ်
ဒီးတ့ထီၣ် တၢ်သူၣ်ထီၣ်လၢ ဟီၣ်ခိၣ်အဖီခိၣ်
ဒီးပာ်ဖှိၣ်ထီၣ်ဝဲ ပီၣ်လဲၣ်အထံ
ဒ်သိးကလူလီၤက့ၤဝဲလၢ ဟီၣ်ခိၣ်လိၤတဂၤန့ၣ်+
အမံၤမ့ၢ်ဝဲ ယဟိဝၤလီၤ.’+
၇ ယဟိဝၤယွၤ တဲဝဲလၢ ‘အိ အံၣ်စရ့လး အပှၤဂီၢ်မုၢ်သ့ၣ်ဧၢ, လၢယတၢ်ထံၣ်န့ၣ် သုလီၤဂာ်ဒီး ပှၤကူၤၡးဖိတဖၣ်* တမ့ၢ်ဧီၤ.
ယဒုးဟးထီၣ် ပှၤအံၣ်စရ့လးဖိတဖၣ် လၢကီၢ်အဲၤကူပတူးအပူၤ တမ့ၢ်ဧီၤ.+
ဒီးယဒုးဟးထီၣ် ပှၤဖလ့ၡသးဖိ လၢကီးကြ့တ့ၤ+ ဒီးပှၤစူၤရံဖိ လၢကံၢ်တၢ်လီၢ် တမ့ၢ်ဧီၤ.’+
၈ ယဟိဝၤယွၤ တဲဝဲလၢ ‘ယၤ တၢ်ပၢကစၢ် ယဟိဝၤယွၤ ကွၢ်လီၤတၢ်ဆူ ဘီမုၢ်လၢအပှဲၤဒီး တၢ်ဒဲးဘး
ဒီးယကမၤဟးဂီၤကွံာ် ဘီမုၢ်ဝဲန့ၣ် လၢဟီၣ်ခိၣ်ချၢ+
ဘၣ်ဆၣ် မ့မ့ၢ် စီၤယၤကိာ် အစၢၤအသွဲၣ်န့ၣ် ယတမၤဟးဂီၤကွံာ် အဝဲသ့ၣ် ခဲလၢာ်ခဲဆ့ဘၣ်.’+
၉ ‘ယကဟ့ၣ်လီၤ တၢ်ကလုၢ်
ဒီးယကဂုၤ အံၣ်စရ့လး အပှၤဂီၢ်မုၢ်* လၢပှၤကလုာ်ခဲလၢာ်အကျါ+
ဒ်ပှၤဂုၤဖ့ဂုၤ
ဒီးလၢၢ်ဖိ တလီၤတဲာ်ဘၣ်လၢ ဟီၣ်ခိၣ်လိၤ နီတဖျၢၣ်ဘၣ်အသိးလီၤ.
၁၀ အဃိ ယပှၤဂီၢ်မုၢ်လၢ အမၤ တၢ်ဒဲးဘးတဖၣ်
ဒီးအတဲဝဲလၢ “တၢ်ကီတၢ်ခဲ တဟဲဘူးဒီးပှၤ ဒီးတဟဲတုၤလၢ ပအိၣ်ဘၣ်” န့ၣ် ကဘၣ်သံဝဲလၢ နးကိးဂၤဒဲးလီၤ.’
၁၁ ‘ဖဲတၢ်တနံၤန့ၣ် ယကသူၣ်ထီၣ်ကဒီး စီၤဒၤဝံးအဒဲ+ လၢအလီၤပှီၢ်
ဒီးယကဘှီဂ့ၤထီၣ်က့ၤ တၢ်လၢ အလီၤဖျိတဖၣ်
ဒီးမၤဂ့ၤထီၣ်က့ၤ တၢ်လၢ အဟးဂီၤ
ဒီးတ့ထီၣ်က့ၤအီၤ ဒ်မုၢ်နံၤလၢညါတဖၣ် အသိးလီၤ.+
၁၂ အဃိ ယပှၤဂီၢ်မုၢ်တဖၣ် ကမၤနၢၤကွံာ် ပှၤအဒိၣ်ဖိလၢ အအိၣ်မူဒံးတဖၣ်+
ဒီးကပၢဝဲ ပှၤကလုာ်ခဲလၢာ် လၢအဘၣ်တၢ်ကိးအီၤလၢ ယမံၤလီၤ.’ ယဟိဝၤယွၤလၢ ကမၤဝဲ ဒ်အံၤတဂၤန့ၣ် တဲဝဲဒ်န့ၣ်လီၤ.
၁၃ ယဟိဝၤယွၤ တဲဝဲလၢ ‘တၢ်ဆၢကတီၢ် ကဟဲဝဲလၢ
တချုးလၢ ပှၤကူးတၢ်ဝံၤဒံးဘၣ်န့ၣ် ပှၤကစးထီၣ်ထဲၣ်တၢ်
ဒီးတချုးပှၤယီၢ်လီၤစပံးသၣ် ဝံၤဒံးဘၣ်န့ၣ် ပှၤကစးထီၣ် ဖှံလီၤ တၢ်ချံလီၤ.+
၁၄ ယပှၤဂီၢ်မုၢ် အံၣ်စရ့လးလၢ အဘၣ်တၢ်က့ၤဖီၣ်အီၤတဖၣ်န့ၣ် ယကပာ်ဖှိၣ်ထီၣ်က့ၤ အဝဲသ့ၣ်+
ဒီးအဝဲသ့ၣ် ကတ့ထီၣ်က့ၤ ဝ့ၢ်လၢအအိၣ်သယုၢ်တဖၣ် ဒီးကအိၣ်ဝဲဖဲန့ၣ်+
၁၅ သုကစၢ် ယဟိဝၤယွၤ တဲဝဲလၢ ‘ယကပျဲအဝဲသ့ၣ် က့ၤအိၣ်ကဒါက့ၤ* လၢအနီၢ်ကစၢ် အထံအကီၢ်
ဒီးထံကီၢ်လၢ ယဟ့ၣ်လီၤအဝဲသ့ၣ်န့ၣ်
အခီပညီမ့ၢ်ဝဲ “တၢ်ဝံတၢ်ယိး” မ့တမ့ၢ် “ယိးဝဲ တၢ်ဝံတၢ်ယိး.”
တၢ်ကတိၤလၢအမ့ၢ် “သၢဘျီလွံၢ်ဘျီ” န့ၣ်ဘၣ်သ့ၣ်သ့ၣ် ကအဲၣ်ဒိးတဲဝဲ တဘျီဝံၤတဘျီ.
တၢ်ကတိၤလၢအမ့ၢ် “သၢဘျီလွံၢ်ဘျီ” န့ၣ်ဘၣ်သ့ၣ်သ့ၣ် ကအဲၣ်ဒိးတဲဝဲ တဘျီဝံၤတဘျီ.
အခီပညီလိၤလိၤ “စံၣ်ညီၣ်ကွီၢ်.”
မ့ၢ်စ့ၢ်ကီး “ကစၢ်တဖၣ်.”
မ့ၢ်စ့ၢ်ကီး “တလၢဘၣ်.”
အခီပညီလိၤလိၤ “ဟံၣ်.”
မ့ၢ်စ့ၢ်ကီး “ကျိၣ်စ့လၢပှၤဟ့ၣ်ဝဲ ဒ်သိးကကျၢၢ်ဘၢတၢ်ကမၣ်အဂီၢ်.”
အခီပညီလိၤလိၤ “ဟံၣ်.”
ဖျါလၢ အဲၣ်ဒိးတဲဝဲ ယူဒၤအဘီမုၢ် ဒီးအံၣ်စရ့လးအဘီမုၢ်.
အခီပညီလိၤလိၤ “အပၢ်အဒီပုၢ်ဝဲၢ်ခွါ.”
မ့ၢ်စ့ၢ်ကီး “သးအုးလၢအဃိ.”
မ့ၢ်စ့ၢ်ကီး “စၢၢ်သၣ်အနီၣ်ထိၣ်.”
အခီပညီလိၤလိၤ “ဟံၣ်.”
အခီပညီလိၤလိၤ “အီၣ်ကိၣ်ဖဲန့ၣ်.”
မ့ၢ်စ့ၢ်ကီး “တလၢဘၣ်.”
မ့ၢ်စ့ၢ်ကီး “ဟီၣ်ခိၣ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “ဟီၣ်ခိၣ်.”
မ့ၢ်စ့ၢ်ကီး “ပှၤအဲၤသံအီးပးဖိ.”
အခီပညီလိၤလိၤ “ဟံၣ်.”
အခီပညီလိၤလိၤ “ယကသူၣ်လီၤအဝဲသ့ၣ်.”
အခီပညီလိၤလိၤ “ထဲးထီၣ်ကွံာ်.”