တၢ်ကတိၤအိးထီၣ် အကူာ် ၂
ဖဲစီၤနိအၤအစိၤန့ၣ် ဘၣ်မနုၤအဃိ ယဟိဝၤယွၤ သ့စီကွံာ်ဟီၣ်ခိၣ်လၢထံလဲၣ်. ကစၢ်ယွၤတ့လီၤဝဲ ပှၤဟီၣ်ခိၣ်ဖိ ဝံၤတယံာ်တမီၢ် အလီၢ်ခံန့ၣ် တၢ်အၢတၢ်သီ ဟဲအိၣ်ထီၣ်ဝဲ. ပှၤတနီၤဒ်သိးဒီး စီၤအၤဒၣ်, နီၢ်အံၣ်အု ဒီးအဖိခွါစီၤကၤယံၣ်န့ၣ် ဃုထၢဝဲလၢ ကမၤတၢ်အၢ. ဘၣ်ဆၣ် ပှၤစှၤဂၤဒ်သိးဒီး စီၤဟ့းဘ့းလး ဒီးစီၤနိအၤန့ၣ် ဃုထၢဝဲလၢ ကမၤတၢ်ဂ့ၤ. လၢခံန့ၣ် ပှၤအါတက့ၢ် မၤဝဲတၢ်အၢတၢ်သီအဃိ ယဟိဝၤယွၤ မၤဟးဂီၤကွံာ်အဝဲသ့ၣ်. ပကဃုထၢလၢပကမၤတၢ်ဂ့ၤဧါ မ့တမ့ၢ် မၤတၢ်အၢဧါန့ၣ် ယဟိဝၤယွၤထံၣ်ဝဲ. ဒီးယဟိဝၤယွၤ တပျဲဝဲလၢ တၢ်အၢကမၤနၢၤကွံာ် တၢ်ဂ့ၤဘၣ်. တၢ်မၤလိအံၤ ကမၤစၢၤပှၤလၢ ပကသ့ၣ်ညါနၢ်ပၢၢ်ထီၣ် တၢ်ဂ့ၢ်လၢ ထးတဖၣ်အံၤ.