အိၣ်ဒီးတၢ်သူၣ်ဒူသးဒူ

ယ့ၣ်ၡူးမၤဝဲဒ်လဲၣ်

တၢ်ဂီၤမူ– ယ့ၣ်ၡူးသိၣ်က့ၤသီက့ၤ ပိာ်ခွါသးစၢ်လၢ အကဲဒိၣ်တဂၤ

၁. ကွၢ် တၢ်ဂီၤမူ ဒီး ဖး မၢ်ကူး ၁၀:၁၇-၂၂. ဝံၤဒီးတဲသကိး တၢ်သံကွၢ်လၢလာ်တဖၣ်အံၤ–

1. က. ဘၣ်သ့ၣ်သ့ၣ် ယ့ၣ်ၡူးကထံၣ်ဝဲ ပိာ်ခွါသးစၢ်လၢ အကဲဒိၣ်တဂၤအံၤ အိၣ်ဒီးတၢ်ဂ့ၤတၢ်ဝါမနုၤလဲၣ်.

2. ခ. ဒ်သိး ယ့ၣ်ၡူးကသိၣ်က့ၤသီက့ၤ ပိာ်ခွါသးစၢ်လၢ အကဲဒိၣ်တဂၤအံၤအဂီၢ် ဘၣ်မနုၤအဃိ အဘၣ်အိၣ်ဒီး တၢ်အဲၣ်ဒီးတၢ်သူၣ်ဒူသးဒူလဲၣ်.

ပမၤလိန့ၢ်တၢ်လၢ ယ့ၣ်ၡူးအအိၣ်ဒ်လဲၣ်

၂. ပကဘၣ်ပာ်ဖျါထီၣ် တၢ်အဲၣ်လၢ ပပှၤမၤလိလံာ်စီဆှံဖိအဖီခိၣ် ဘၣ်ဆၣ် ပကဘၣ်တဲအီၤပျီပျီလၢ တၢ်လၢအကဘၣ်မၤဝဲ ဒ်သိး အတၢ်ရ့လိာ်သးဒီး ယဟိဝၤယွၤ ကဂ့ၤဝဲအဂီၢ်.

ကွၢ်လိမၤဒိးယ့ၣ်ၡူး

၃. မၤစၢၤနပှၤမၤလိလံာ်စီဆှံဖိလၢ အကပာ်လီၤအဖီတၢၣ် ဒီးမၤလၢပှဲၤဝဲကန့ၢ်အဂီၢ်.

1. က. ကွဲးလီၤ “ဖီတၢၣ်” ကိးခါဒဲးလၢအအိၣ်လၢ လံာ်အိၣ်မူလီၤထူလီၤယိာ် ပှဲၤဒီးတၢ်သးခု အပူၤ

2. ခ. မၤစၢၤ နပှၤမၤလိလံာ်စီဆှံဖိလၢ အကသ့ၣ်ညါထီၣ်တၢ်လၢ အကဘၣ်မၤဝဲ လီၤတံၢ်လီၤဆဲး ဒ်သိး အမၤလၢပှဲၤဝဲ အဖီတၢၣ်လၢအညီမ့ၢ်ဂ့ၤ အကီမ့ၢ်ဂ့ၤကန့ၢ်အဂီၢ်.

3. ဂ. ဖဲနပှၤမၤလိလံာ်စီဆှံဖိ လဲၤထီၣ်လဲၤထီအခါ ပတြၢၤအီၤ.

၄. ဃုသ့ၣ်ညါ တၢ်လၢအမၤတံာ်တာ် နပှၤမၤလိလံာ်စီဆှံဖိ လၢအကလဲၤထီၣ်လဲၤထီအဂီၢ် ဒီးမၤစၢၤအီၤဒ်သိး အလဲၤခီဖျိဝဲကန့ၢ်.

1. က. သံကွၢ်လီၤနသးလၢ–

   • ‘ယပှၤမၤလိလံာ်စီဆှံဖိ မ့ၢ်တတုၤထီၣ်ထီၣ်ဘးလၢ အကဒိးဘျၢထံဒံးဘၣ်န့ၣ် တၢ်လၢအမၤတံာ်တာ်အီၤန့ၣ် မ့ၢ်မနုၤလဲၣ်.’

   • ‘ယမၤစၢၤအီၤသ့တမံၤမံၤဧါ.’

2. ခ. ဃ့ထုကဖၣ်ဒ်သိး နကအိၣ်ဒီးတၢ်သူၣ်ဒူသးဒူ လၢနတဲသကိးတၢ်ဒီး နပှၤမၤလိလံာ်စီဆှံဖိ ပျီပျီကဘူၣ်အဂီၢ် ဒီးလၢတၢ်အဲၣ်တၢ်ကွံအပူၤ တဲဘၣ်အီၤတၢ်လၢ အကဘၣ်မၤဝဲတဖၣ်.

၅. ပတုာ်မၤလိလံာ်စီဆှံဒီး ပှၤလၢအတလဲၤထီၣ်လဲၤထီဘၣ်တဖၣ်.

1. က. ဒ်သိး နကသ့ၣ်ညါဘၣ်လၢ နပှၤမၤလိလံာ်စီဆှံဖိ အတၢ်လဲၤထီၣ်လဲၤထီအိၣ်ဧါန့ၣ် သံကွၢ်လီၤနသးလၢ–

   • ‘မ့ၢ်ယပှၤမၤလိလံာ်စီဆှံဖိ မၤထွဲတၢ်လၢ အမၤလိဘၣ်ဝဲဧါ.’

   • ‘မ့ၢ်အထီၣ်တၢ်အိၣ်ဖှိၣ် ဒီးတဲဘၣ်ပှၤဂၤလၢ တၢ်သးခုကစီၣ်အဂ့ၢ်ဧါ.’

   • ‘အမၤလိလံာ်စီဆှံန့ၢ်ဖးယံာ်လံ ဘၣ်ဆၣ် မ့ၢ်အအဲၣ်ဒိးကဲထီၣ် ယဟိဝၤပှၤအုၣ်အသးစ့ၢ်ကီးဧါ.’

2. ခ. နပှၤမၤလိလံာ်စီဆှံဖိ မ့ၢ်တလဲၤထီၣ်လဲၤထီဘၣ်န့ၣ်–

   • သံကွၢ်အီၤလၢ တၢ်လၢအမၤတံာ်တာ်အီၤန့ၣ် အိၣ်တမံၤမံၤဧါ.

   • တဲပၠးအီၤသ့သ့ဘၣ်ဘၣ်လၢ ဘၣ်မနုၤအဃိ နကဘၣ်ပတုာ် မၤလိလံာ်စီဆှံဒီးအီၤလဲၣ်.

   • အဝဲမ့ၢ်အဲၣ်ဒိးမၤလိကဒါက့ၤ လံာ်စီဆှံန့ၣ် ဒ်သိးနက့ၤမၤလိအီၤကသ့အဂီၢ် အဝဲကဘၣ်မၤဝဲ တၢ်မနုၤလဲၣ်န့ၣ် တဲပၠးအီၤ.