လံာ်တဘ့ၣ်အံၤ နဘၣ်သူအီၤဒ်လဲၣ်
လၢလံာ်တဘ့ၣ်အံၤ နကထံၣ်ဘၣ် လံာ်စီဆှံအဆၢလၢ ကိးနံၤဒဲးအဂီၢ်, ပၣ်ဃုာ်ဒီး တၢ်ဂ့ၢ်လၢ အဘၣ်ထွဲလိာ်သးဒီး လံာ်စီဆှံအဆၢ. လံာ်စီဆှံအဆၢလၢ ကိးနံၤဒဲးအဂီၢ်န့ၣ် နဖးအီၤဖဲ နချုးအခါသ့. ပှၤအါဂၤ ပာ်လီၤတၢ်ဆၢကတီၢ်လၢ ကဖးဝဲလၢဂီၤခီ, မ့ၢ်လၢ ဒီတနံၤအတီၢ်ပူၤန့ၣ် အဝဲသ့ၣ် က့ၤဆိကမိၣ်ထံက့ၤ လံာ်စီဆှံအဆၢ သ့ဝဲအဃိ. နမ့ၢ်တဲသကိး လံာ်စီဆှံအဆၢလၢ ကိးနံၤဒဲးအဂီၢ်ဒီး နဟံၣ်ဖိဃီဖိန့ၣ် ကကဲဘျုးဒိၣ်မး. ဘ့ၤသ့လးအဟံၣ်ဖိဃီဖိလၢ ဟီၣ်ခိၣ်ဒီဘ့ၣ် စ့ၢ်ကီး တဲသကိးဝဲ လံာ်စီဆှံအဆၢလၢ ကိးနံၤဒဲးအဂီၢ် ဖဲဂီၤခီတၢ်အီၣ် အဆၢကတီၢ်.
တၢ်ဂ့ၢ်လၢ အဘၣ်ထွဲလိာ်သးဒီး လံာ်စီဆှံအဆၢန့ၣ် ပှၤဟံးန့ၢ်ဝဲလၢ တၢးထီခိးတၢ် (တၢး) လါအ့ဖြ့ၣ် ၂၀၂၃ တုၤလၢ လါမၢ်ၡး ၂၀၂၄. နီၣ်ဂံၢ်လၢ အအိၣ်လၢ တၢးထီခိးတၢ် မုၢ်နံၤမုၢ်သီ အလီၢ်ခံန့ၣ် ပာ်ဖျါထီၣ်န့ၢ်ပှၤလၢ ပှၤဟံးန့ၢ်ဝဲ တၢ်ဂ့ၢ်တဖၣ်အံၤလၢ တၢးထီခိးတၢ် အလံာ်ကဘျံးပၤ ဖဲလဲၣ်တကဘျံးလဲၣ်. ဒီးလၢကဘျံးပၤ အနီၣ်ဂံၢ်အလီၢ်ခံန့ၣ် ပာ်ဖျါထီၣ်ဝဲ လံာ်အဆၢတဖၣ်. (ကွၢ်တၢ်အဒိလၢ တၢ်ဖီလာ်.) နမ့ၢ်အဲၣ်ဒိးဖးအါထီၣ် တၢ်ဂ့ၢ်တၢ်ကျိၤန့ၣ် နဖးလၢ တၢးထီခိးတၢ် တဘ့ၣ်န့ၣ် အပူၤသ့.