ပှၤနီၢ်ဒီမါဝၤတဖၣ် မၤဂၢၢ်ကျၢၤထီၣ် အတၢ်ဆီဟံၣ်ဆီဃီကသ့ဒ်လဲၣ်

လၢတၢ်ဆီဟံၣ်ဆီဃီအပူၤ ဘၣ်ဃးဒီးတၢ်ပာ်ဖျါထီၣ်တၢ်အဲၣ်​ ဒီးတၢ်ပာ်ကဲလိာ်သးတဂၤဒီးတဂၤန့ၣ်​ စီၤအၤဘြၤဟၣ်​ ဒီးနီၢ်စၤရါ မ့ၢ်ပှၤလၢအဒိဂ့ၤတဲာ်ဘၣ်လီၤ. (၁ မိၤ. ၁၂:၁၁-၁၃; ၁ ပ့း. ၃:၆) ဘၣ်ဆၣ်​ အဝဲသ့ၣ်အတၢ်ဆီဟံၣ်ဆီဃီန့ၣ်​ တမ့ၢ်တၢ်လၢတၢ်ပှဲၤဘၣ်, အဝဲသ့ၣ်​ ထံၣ်ဘၣ်ဒီးတၢ်ကီတၢ်ခဲလၢ အတၢ်အိၣ်မူအပူၤလီၤ. ပှၤနီၢ်ဒီမါဝၤတဖၣ်​ မ့ၢ်ဆိကမိၣ်ထံ စီၤအၤဘြၤဟၣ်​ ဒီးနီၢ်စၤရါအဒိအတဲာ်န့ၣ်​ ကဒိးန့ၢ်ဘၣ်တၢ်မၤလိမနုၤလဲၣ်.

တဲသကိးတၢ်တဂၤဒီးတဂၤတက့ၢ်. ဖဲနသးသမူတံၤသကိး အသးထီၣ်တၢ် ဒီးတဲတၢ်ဒီးနၤလၢ တၢ်သူၣ်ဒိၣ်သးဖျိးအပူၤအခါ တဲဆၢက့ၤအီၤလၢ တၢ်ဆီၣ်လီၤသးအပူၤတက့ၢ်. (၁ မိၤ. ၁၆:၅, ၆) ရဲၣ်ကျဲၤ ဒ်သိးသုကအိၣ်ဒီးတၢ်ဆၢကတီၢ်လၢ သုကတဲသကိးတၢ်အဂီၢ်တက့ၢ်. လၢနတၢ်စံးတၢ်ကတိၤမ့ၢ်ဂ့ၤ နတၢ်ဖံးတၢ်မၤမ့ၢ်ဂ့ၤ ပာ်ဖျါထီၣ်လၢ နအဲၣ်နသးသမူတံၤသကိးတက့ၢ်. တၢ်လၢအရ့ဒိၣ်ကတၢၢ်န့ၣ်​ ဆဲးမၤဂၢၢ်ကျၢၤထီၣ်​ သုတၢ်ရ့လိာ်သးဒီး ယဟိဝၤယွၤ ခီဖျိ မၤတၢ်မၤလိလံာ်စီဆှံ, ဃ့ထုကဖၣ်​ ဒီးမၤနီၢ်သးအတၢ်ဖံးတၢ်မၤတဖၣ်ဒ်သိးသိးတက့ၢ်. (စံၣ်. ၄:၁၂) တၢ်ဆီဟံၣ်ဆီဃီလၢ အဂၢၢ်ကျၢၤန့ၣ်​ မၤလၤကပီၤ ယဟိဝၤယွၤ လၢအမ့ၢ် ပှၤလၢအဒုးအိၣ်ထီၣ်​ တၢ်ဆီဟံၣ်ဆီဃီအတၢ်ရဲၣ်တၢ်ကျဲၤန့ၣ်လီၤ.

ကွၢ်တၢ်ဂီၤမူလၢ အခိၣ်တီမ့ၢ်ဝဲ နမၤဂၢၢ်ကျၢၤထီၣ် နတၢ်ဆီဟံၣ်ဆီဃီကသ့ဒ်လဲၣ် ဒီးစံးဆၢတၢ်သံကွၢ်လၢ လာ်တဖၣ်အံၤတက့ၢ်–

• ၡီ ဒီးခ့ယရၤ အတၢ်ရ့လိာ်သးတဂ့ၤအါအါလၢၤဘၣ်န့ၣ်​ တၢ်ပနီၣ်မနုၤတဖၣ်​ ပာ်ဖျါထီၣ်ဝဲလဲၣ်.

• ဘၣ်မနုၤအဃိ တၢ်တဲသကိးတၢ် တီတီလိၤလိၤ ဒီးပျီပျီန့ၣ်​ အရ့ဒိၣ်လၢ တၢ်ဆီဟံၣ်ဆီဃီအပူၤလဲၣ်.

• စီၤအၤဘြၤဟၣ်​ ဒီးနီၢ်စၤရါ အဒိအတဲာ်န့ၣ်​ မၤစၢၤ ၡီ ဒီးခ့ယရၤ ဒ်လဲၣ်.

• ၡီ ဒီးခ့ယရၤ အတၢ်ဆီဟံၣ်ဆီဃီ ကဂၢၢ်ကျၢၤအဂီၢ် အဝဲသ့ၣ်မၤဝဲဒ်လဲၣ်.

• လၢတၢ်ဆီဟံၣ်ဆီဃီအပူၤ ဝၤမ့ၢ်ဂ့ၤမါမ့ၢ်ဂ့ၤ ဘၣ်မနုၤအဃိ တကြၢးမုၢ်လၢ်တၢ်လၢတၢ်ပှဲၤဘၣ်လဲၣ်.