ပအိၣ်မူဘၣ်လၢ တၢ်ကီတၢ်ခဲ အဆၢကတီၢ်သနာ်က့ ဒ်သိးပကအိၣ်ဒီး တၢ်သးခုအဂီၢ် ပကဘၣ်မၤဒ်လဲၣ်—ဘၣ်ဃးဒီး တၢ်ဂ့ၢ်အံၤန့ၣ် လံာ်စီဆှံ တဲဝဲဒ်လဲၣ်

ပအိၣ်မူဘၣ်လၢ တၢ်ဆၢကတီၢ်လၢ အကီအခဲ. အဃိတဘျီတခီၣ် တၢ်လၢအကဟဲကဲထီၣ်အသးဒီးပှၤန့ၣ် ပတြီအီၤတန့ၢ်ဘၣ်. ဘၣ်ဆၣ် အါတက့ၢ်န့ၣ် ပတၢ်သးခု တဒိးသန့ၤထီၣ်အသးလၢ ပတၢ်အိၣ်သးအဖီခိၣ်ဘၣ် အဒိးသန့ၤထီၣ်အသးလၢ ပတၢ်ပာ်သူၣ်ပာ်သးအဖီခိၣ်ဟီ. လံာ်စီဆှံတဲဝဲလၢ ပကထံၣ်ဘၣ်ဒီး တၢ်ကီတၢ်ခဲ သနာ်က့ “ပှၤလၢသူၣ်ဖှံသးညီတဖၣ် မုာ်လၤသးခုလၢ အတၢ်အိၣ်မူ ထီဘိလီၤ.” (ကတိၤဒိ ၁၅:၁၅, ခ့ခါစှီၤကျိာ်) ဒ်သိးပတၢ်သးခု ကအါထီၣ်အဂီၢ် ပကဘၣ်မၤဒ်လဲၣ်. ပကကွၢ်သကိး လံာ်စီဆှံ တၢ်ဟ့ၣ်ကူၣ်တနီၤ.

နလဲၤခီဖျိ တၢ်သူၣ်ကိၢ်သးဂီၤ ကသ့ဒ်လဲၣ်

လံာ်စီဆှံ တဲဝဲလၢ “တၢ်သူၣ်ကိၢ်သးဂီၤလၢ ပှၤတဂၤအသးပူၤန့ၣ် မၤစၢ်လီၤအသးဂံၢ်ဘါ, မ့မ့ၢ် တၢ်ကတိၤလၢ အမုာ်န့ၣ် မၤဖှံထီၣ်အသးလီၤ”—ကတိၤဒိ ၁၂:၂၅.

• လံာ်စီဆှံ ကမၤစၢၤနၤ ဒ်သိးနတၢ်သူၣ်ကိၢ်သးဂီၤ ကလီၤစှၤအဂီၢ်. ဒ်သိးနကသ့ၣ်ညါအဂီၢ် ဖးကွၢ် တၢ်ဂ့ၢ်လၢ အခိၣ်တီမ့ၢ်ဝဲ “ဘၣ်ဃးဒီး တၢ်သူၣ်ကိၢ်သးဂီၤတၢ်န့ၣ် လံာ်စီဆှံ တဲဝဲဒ်လဲၣ်.”

နတူၢ်ဘၣ် တၢ်သယုၢ်သညိ ကကိညၢ်လီၤအဂီၢ် နဘၣ်မၤဒ်လဲၣ်

လံာ်စီဆှံ တဲဝဲလၢ “တံၤသကိးတံၢ်နီၢ်န့ၣ် ပာ်ဖျါထီၣ် တၢ်အဲၣ်ကိးဆၢကတီၢ်ဒဲး ဒီးဖဲတၢ်ကိၢ်တၢ်ဂီၤအိၣ်ဝဲအခါ အကဲထီၣ်ဝဲ နဒီပုၢ်ဝဲၢ်”—ကတိၤဒိ ၁၇:၁၇.

• လံာ်စီဆှံ ဟ့ၣ်ကူၣ်ဝဲလၢ ဒ်သိး နတူၢ်ဘၣ်တၢ်သယုၢ်သညိ ကလီၤစှၤအဂီၢ် နကဘၣ်အိၣ်ဒီး သကိးလၢ နရ့ဒီးအီၤဘူးဘူးတံၢ်တံၢ်တဂၤဂၤ. ဖးကွၢ် တၢ်ဂ့ၢ်လၢ အခိၣ်တီမ့ၢ်ဝဲ “နလဲၤခီဖျိ တၢ်သယုၢ်သညိကန့ၢ်အဂီၢ် ရ့ဒီးပှၤဂၤ—ဘၣ်ဃးဒီး တၢ်ဂ့ၢ်အံၤန့ၣ် လံာ်စီဆှံ မၤစၢၤနၤသ့ဧါ.”

မၤအါထီၣ် တၢ်အဲၣ်ကစၢ်ယွၤ ဒီးပှၤလၢနဃၢၤ

လံာ်စီဆှံ တဲဝဲလၢ “နကဘၣ်အဲၣ် နကစၢ် ယဟိဝၤယွၤ လၢနသးဒီဖျၢၣ်, လၢနတၢ်အိၣ်မူ ကိးသနၢၣ်ဒဲးအပူၤ ဒီးလၢနတၢ်ကူၣ်တၢ်ဆး ခဲလၢာ်. . . . နကဘၣ်အဲၣ် ပှၤလၢနဃၢၤ ဒ်နအဲၣ်လီၤ နနီၢ်ကစၢ်အသး အသိးလီၤ.”a—မးသဲ ၂၂:၃၇-၃၉.

• တၢ်ထုကဖၣ်န့ၣ် ကမၤစၢၤနၤ ဒ်သိး နတၢ်အဲၣ်ကစၢ်ယွၤ ကအါထီၣ်. ဒ်သိးနကသ့ၣ်ညါအါထီၣ် တၢ်ဂ့ၢ်အံၤအဂီၢ် ဖးကွၢ် တၢ်ဂ့ၢ်လၢ အခိၣ်တီမ့ၢ်ဝဲ “မ့ၢ်ကစၢ်ယွၤ ဒိကနၣ် ပတၢ်ထုကဖၣ်ဧါ”

• ပပာ်ဖျါထီၣ်တၢ်အဲၣ် ဒီးရ့ဒီးပှၤဂၤ ဒ်ယ့ၣ်ၡူး မၤလိာ်ပှၤအသိး. ဒ်သိး နကသ့ၣ်ညါအါထီၣ် တၢ်ဂ့ၢ်အံၤအဂီၢ် ကွၢ်တၢ်ဂ့ၢ်လၢ အခိၣ်တီမ့ၢ်ဝဲ “တၢ်သိၣ်တၢ်သီလၢ အလုၢ်ဒိၣ်ပှ့ၤဒိၣ်န့ၣ် မ့ၢ်မနုၤလဲၣ်”

ပဟ့ၣ်ဂံၢ်ဟ့ၣ်ဘါနၤလၢ နကမၤလိအါထီၣ် တၢ်ဂ့ၢ် ဘၣ်ဃးဒီး ပအိၣ်မူလၢ ဆၢကတီၢ်လၢ အကီအခဲသနာ်က့ ဒ်သိးပကအိၣ်ဒီး တၢ်သးခုအဂီၢ် လံာ်စီဆှံ မၤစၢၤပှၤ သ့ဒ်လဲၣ်. ပအဲၣ်ဒိးလၢ နကမၤလိကွၢ် လံာ်စီဆှံဒီးပှၤလၢ တၢ်မၤလိလံာ်စီဆှံ တၢ်ရဲၣ်တၢ်ကျဲၤ လၢတလိၣ်ဟ့ၣ်စ့ဘၣ်.