ကစၢ်ယွၤန့ၣ် အမံၤလၢ ယ့ၣ်ၡူးဧါ
လံာ်စီဆှံတဲဝဲဒ်လဲၣ်
ယ့ၣ်ၡူးန့ၣ်တဲလီၤအသးလၢ အမ့ၢ်ဝဲဒၣ် “ကစၢ်ယွၤ အဖိခွါ.” (ယိၤဟၣ် ၁၀:၃၆; ၁၁:၄) တကးဒံးဘၣ် ယ့ၣ်ၡူးန့ၣ် တတဲလီၤအသးလၢ အမ့ၢ် သ့တၢ်လၢာ်ကစၢ် နီတဘျီဘၣ်.
ပသ့ၣ်ညါဘၣ်စ့ၢ်ကီးလၢ ယ့ၣ်ၡူးန့ၣ် ဃ့ထုကဖၣ်လၢ ကစၢ်ယွၤအအိၣ်. (မးသဲ ၂၆:၃၉) ဒီးယ့ၣ်ၡူးသိၣ်လိဝဲ အပျဲၢ်အဘီၣ်သ့ၣ်တဖၣ်လၢ ကဘၣ်ဃ့ထုကဖၣ်တၢ်ဒ်အံၤ “ပပၢ်အိၣ်လၢမူခိၣ်ဧၢ, မ်နမံၤ ဘၣ်တၢ်ပာ်စီဆှံအီၤတက့ၢ်.”—မးသဲ ၆:၉.
ဖဲယ့ၣ်ၡူးအိၣ်လၢ ဟီၣ်ခိၣ်အခါ အသိၣ်လိဝဲပှၤဂၤ ဒ်သိးပှၤကသ့ၣ်ညါထီၣ် ကစၢ်ယွၤအမံၤ.—ယိၤဟၣ် ၁၇:၆, ၂၆.
လံာ်စီဆှံ ပာ်ဖျါထီၣ်ဝဲ လီၤတံၢ်လီၤဆဲးလၢ ကစၢ်ယွၤန့ၣ် အမံၤမ့ၢ်ဝဲ ယဟိဝၤလီၤ.—၂ မိၤၡ့ ၃:၁၃, ၁၅; စံးထီၣ်ပတြၢၤ ၈၃:၁၈.