ယ့ၣ်ၡူးန့ၣ် မ့ၢ်ကစၢ်ယွၤလၢ အသ့တၢ်လၢာ်ဧါ

လံာ်စီဆှံ တဲဝဲဒ်လဲၣ်

ပှၤလၢအထီဒါယ့ၣ်ၡူးတဖၣ်န့ၣ် တဲကမၣ်ယ့ၣ်ၡူးလၢ ယ့ၣ်ၡူးပာ်အသးထဲသိးဒီး ကစၢ်ယွၤ. (ယိၤဟၣ် ၅:၁၈; ၁၀:၃၀-၃၃) ဘၣ်ဆၣ် ယ့ၣ်ၡူးတတဲလီၤအသးလၢ အထဲသိးဒီး ကစၢ်ယွၤလၢ အသ့တၢ်လၢာ် နီတဘျီဘၣ်. ယ့ၣ်ၡူးတဲဝဲလၢ “ပၢ်န့ၣ် ဒိၣ်န့ၢ်ယၤ.”—ယိၤဟၣ် ၁၄:၂၈.

ယ့ၣ်ၡူးအပျဲၢ်အဘီၣ် လၢညါတဖၣ်န့ၣ် တထံၣ်ဝဲလၢ ယ့ၣ်ၡူးန့ၣ် ထဲသိးဒီး ကစၢ်ယွၤလၢ အသ့တၢ်လၢာ်ဘၣ်. အဒိ စီၤပီလူး ကွဲးဝဲလၢ ဖဲယ့ၣ်ၡူး ဂဲၤဆၢထၢၣ်သမူထီၣ်က့ၤ ဝံၤအလီၢ်ခံ “ကစၢ်ယွၤ ပာ်ထီၣ် [ယ့ၣ်ၡူး] အလီၢ်အလၤ ထီန့ၢ်ဒံးလၢညါ.” အဃိ ပသ့ၣ်ညါဘၣ်လၢ စီၤပီလူးန့ၣ် တနာ်ဝဲလၢ ယ့ၣ်ၡူးန့ၣ်အမ့ၢ် ကစၢ်ယွၤလၢ အသ့တၢ်လၢာ်ဘၣ်. ယ့ၣ်ၡူးမ့မ့ၢ် ကစၢ်ယွၤလၢ အသ့တၢ်လၢာ်န့ၣ် ကစၢ်ယွၤ ပာ်ထီၣ်ယ့ၣ်ၡူး အလီၢ်အလၤ ထီန့ၢ်ဒံးလၢညါ တသ့ဘၣ်.—ဖံလံးပံၤ ၂:၉.