လံာ်စီဆှံဟ့ၣ်အခွဲးလၢ ပှၤဒီမိၢ်ဝၤ ကမၤလီၤဖးအသးဧါ
လံာ်စီဆှံ တဲဝဲဒ်လဲၣ်
လံာ်စီဆှံ ဟ့ၣ်အခွဲးလၢ ပှၤဒီမိၢ်ဝၤမၤလီၤဖးအသး [မၤကတၢၢ်ကွံာ် အတၢ်ဆီဟံၣ်ဆီဃီ] သ့ဝဲ. ဘၣ်ဆၣ် ယ့ၣ်ၡူးတဲဝဲလၢ ပှၤဒီမိၢ်ဝၤ မၤလီၤဖးအသး သ့ထဲလၢ တၢ်ဂ့ၢ်တခါအဃိလီၤ. ဒီးယ့ၣ်ၡူးတဲဝဲလၢ “မ့တမ့ၢ်ဘၣ်လၢ တၢ်မၤကမၣ်မုၣ်ကမၣ်ခွါ [တၢ်မံဃုာ်ဒီး ပှၤလၢအတမ့ၢ် အသးသမူတံၤသကိး] အဃိဘၣ်န့ၣ် ပှၤမ့ၢ်မၤကတၢၢ်ကွံာ် အတၢ်ဆီဟံၣ်ဆီဃီ ဒီးအမါ ဒီးအဝဲမ့ၢ်ဆီဟံၣ်ဆီဃီဒီး ပှၤလၢအဂၤတဂၤန့ၣ် မ့ၢ်အအဲၣ်ဘၢအမါလီၤ.”—မးသဲ ၁၉:၉.
ပှၤတနီၤနီၤန့ၣ် အသးတတီဘၣ် ဒီးအမၤလီၤဖးအသးဒီး အသးသမူတံၤသကိး ခီဖျိလၢ တၢ်ဂ့ၢ်ဆံးဆံးဖိတဖၣ်အဃိ. ဒီးပှၤအဂၤတနီၤန့ၣ် အမၤလီၤဖးအသးဒီး အသးသမူတံၤသကိး ခီဖျိလၢ အအဲၣ်ဒိး ဆီဟံၣ်ဆီဃီဒီး ပှၤလၢအသီတဂၤ. တၢ်လၢအဝဲသ့ၣ်မၤဝဲတဖၣ်န့ၣ် ကစၢ်ယွၤသးဟ့ဝဲ ဒီးကစၢ်ယွၤ ကစံၣ်ညီၣ်အဝဲသ့ၣ်.—မၤလကံ ၂:၁၃-၁၆; မၢ်ကူး ၁၀:၉.