ယဟိဝၤပှၤအုၣ်အသးတဖၣ် နာ်ဝဲလၢ ကစၢ်ယွၤ တ့လီၤတၢ်ခဲလၢာ်လၢ ၆ နံၤအတီၢ်ပူၤ ဒီးတနံၤန့ၣ် အဲၣ်ဒိးတဲဝဲ ၂၄ နၣ်ရံၣ်န့ၣ်ဧါ

ပတနာ်ဒ်န့ၣ်ဘၣ်. ပဝဲယဟိဝၤပှၤအုၣ်အသးတဖၣ်န့ၣ် ပနာ်လၢ ကစၢ်ယွၤ တ့လီၤတၢ်ကိးမံၤဒဲး. ဘၣ်ဆၣ် ပတတူၢ်လိာ်လၢ ကစၢ်ယွၤ တ့လီၤတၢ်ခဲလၢာ်လၢ ၆ နံၤအတီၢ်ပူၤ ဒီးတနံၤန့ၣ် အဲၣ်ဒိးတဲဝဲ ၂၄ နၣ်ရံၣ်န့ၣ်ဘၣ်. ဘၣ်မနုၤအဃိလဲၣ်. မ့ၢ်လၢတၢ်နာ်အဝဲန့ၣ် အခီၣ်ထံးခီၣ်ဘိတနီၤန့ၣ် ထီဒါလိာ်သးဒီးလံာ်စီဆှံ–

1. ၁. တၢ်ဘၣ်တ့ ယံာ်ဝဲဃုနံၤ. ပှၤတနီၤန့ၣ် အနာ်ဝဲလၢ ကစၢ်ယွၤ တ့လီၤတၢ်ခဲလၢာ်လၢ ၆ နံၤအတီၢ်ပူၤ ဒီးတနံၤန့ၣ် အဲၣ်ဒိးတဲဝဲ ၂၄ နၣ်ရံၣ်. ဘၣ်ဆၣ် ဖဲလံာ်စီဆှံဝဲတဲ တၢ်ကတိၤလၢ “မုၢ်နံၤ” အခါ အဲၣ်ဒိးတဲဝဲ တၢ်ဆၢကတီၢ် ဖးယံာ်တတီၤ သ့ဝဲစ့ၢ်ကီး—၁ မိၤၡ့ ၂:၄; စံးထီၣ်ပတြၢၤ ၉၀:၄.

2. ၂. ဟီၣ်ခိၣ်အသးအနံၣ်အလါ. ပှၤတနီၤ သိၣ်လိဝဲလၢ ဟီၣ်ခိၣ်ကဲထီၣ် အိၣ်ဒၣ်ထဲ အနံၣ်လၢအကထိဒံးလီၤ. ဘၣ်ဆၣ် လံာ်စီဆှံတဲဝဲလၢ ဟီၣ်ခိၣ်ဒီးမူဟီၣ်ကယၢန့ၣ် အိၣ်ပာ်စၢၤ တချုးလၢ တၢ်ဘၣ်တ့ဃုသီ စးထီၣ်ဒံးဘၣ်လံ. (၁ မိၤၡ့ ၁:၁) အဃိ ဖဲပှၤစဲအ့ၣ်ဖိတဖၣ် ဃုထံၣ်န့ၢ်ဝဲ တၢ်အုၣ်သးလၢ အပာ်ဖျါထီၣ်ဝဲ ဟီၣ်ခိၣ်ကဲထီၣ် ကအိၣ်လၢ အနံၣ်အကကွဲၢ်လၢအကထိလံန့ၣ် ယဟိဝၤပှၤအုၣ်အသးတဖၣ် တဂ့ၢ်လိာ်ဝဲဘၣ်.

ယဟိဝၤပှၤအုၣ်အသးတဖၣ် နာ်ဝဲတၢ်ဘၣ်တ့သနာ်က့, တဂ့ၢ်လိာ်ဝဲ စဲအ့ၣ်တၢ်ကူၣ်ဘၣ်ကူၣ်သ့ဘၣ်. ပနာ်လၢ စဲအ့ၣ်တၢ်ကူၣ်သ့အမ့ၢ်အတီ ဒီးလံာ်စီဆှံန့ၣ် လီၤပလိာ်လိာ်အသး.