သူ jw.org လၢတၢ်သးခုကစီၣ်တၢ်မၤအပူၤတက့ၢ်—“ကဲထီၣ်ယဟိဝၤယွၤ အတံၤသကိးတက့ၢ်” (‘ယေဟောဝါရဲ့ မိတ်ဆွေဖြစ်ပါ’)

လၢ jw.org “သမ္မာကျမ်းစာ သွန်သင်ချက်များ” အပူၤန့ၣ် သနၢၣ်အိၣ်ဝဲတခါလၢအမ့ၢ် “ယေဟောဝါရဲ့ မိတ်ဆွေဖြစ်ပါ” လၢဖိသၣ်တဖၣ်အဂီၢ်န့ၣ်လီၤ. ဖဲန့ၣ်န့ၣ်နကထံၣ်ဘၣ် တၢ်သးဝံၣ်, တၢ်ဂီၤမူ ဒီးတၢ်အဂၤသ့ၣ်တဖၣ်လီၤ. မ့ၢ်နသူတၢ်အဝဲအံၤလၢ နတၢ်သးခုကစီၣ်တၢ်မၤအပူၤဧါ. နမ့ၢ်မၤလိလံာ်စီဆှံဒီး မိၢ်ပၢ်လၢအိၣ်ဒီးဖိတဖၣ်န့ၣ် ဒုးနဲၣ်အီၤသနၢၣ်အံၤတက့ၢ်. နမ့ၢ်မၤဒ်န့ၣ်န့ၣ် ဘၣ်သ့ၣ်သ့ၣ်အဝဲသ့ၣ်ကအဲၣ်ဒိးကွၢ်ဝဲ သနၢၣ်အဂၤတဖၣ်လၢ ပပှာ်ယဲၤသန့အပူၤန့ၣ်လီၤ.

ဒီပုၢ်ဝဲၢ်ခွါတဂၤနီၤလီၤဝဲ ဘီမုၢ်တၢ်သးခုကစီၣ် နီၣ်ဂံၢ် ၃၈ လၢပိာ်မုၣ်တဂၤ ဒီးအဝဲဖးဝဲတဘျီဃီလီၤ. ပိာ်မုၣ်တဂၤအံၤ အဖိတဖၣ်အဲၣ်ဒိးဖးဝဲစ့ၢ်ကီးလီၤ. ဒီပုၢ်ဝဲခွါတဲသကိးဝဲ တၢ်ဂ့ၢ်ဖုၣ်ကိာ်လၢ လံာ်ဖိအံၤအပူၤဒီး ဒုးနဲၣ်အီၤလၢပပှာ်ယဲၤသန့လၢ အိၣ်လၢလံာ်အံၤအလီၢ်ခံလီၤ. ဒီပုၢ်ဝဲၢ်ခွါ ထံၣ်ဘၣ်ဝဲလၢပိာ်မုၣ်အံၤအသးစဲဝဲအဃိ အဝဲသူအကွဲၤဒီနၢ်ဒီး ဒုးနဲၣ်အဝဲဒီးအဖိတဖၣ်လၢ (အောင်အောင် ဗီဒီယို) လီၤ.

ဒီပုၢ်ဝဲၢ်မုၣ်တဂၤ မၤသကိးတၢ်ဒီး ပိာ်မုၣ်တဂၤလၢအိၣ်ဒီးအဖိတဖၣ်လီၤ. အဝဲတဲဘၣ်အီၤလၢ ပပှာ်ယဲၤသန့အဂ့ၢ်ဒီး လၢပပှာ်ယဲၤသန့အပူၤန့ၣ် တၢ်ဂ့ၢ်လၢကမၤစၢၤဟံၣ်ဖိဃီဖိ အိၣ်ဝဲလီၤ. အဝဲဒီးအဖိတဖၣ်န့ၣ် အိးထီၣ်ကွၢ်ဝဲဒၣ် jw.org န့ၣ်လီၤ. ဒီးလၢခံန့ၣ် အဝဲတဲဘၣ်ဒီပုၢ်ဝဲၢ်မုၣ်လၢ အဖိတဖၣ်သးဝံၣ်ဝဲ “Preach the Word” တၢ်သးဝံၣ်လၢအအိၣ်လၢ “ယေဟောဝါရဲ့ မိတ်ဆွေဖြစ်ပါ” သနၢၣ်အပူၤန့ၣ်လီၤ.

ဃုသ့ၣ်ညါအါထီၣ် သနၢၣ်တခါအံၤလၢ jw.org ပှာ်ယဲၤသန့အံၤအပူၤန့ၣ်တက့ၢ်. လၢတၢ်ဂီၤမူ, တၢ်သးဝံၣ် ဒီးတၢ်အဂၤသ့ၣ်တဖၣ်အကျါန့ၣ် ဒီလိးတမံၤမံၤလၢနကွဲၤဒီနၢ်အပူၤတက့ၢ်. နမ့ၢ်မၤဒ်န့ၣ်န့ၣ် မ့ၢ်ဒၣ်နအိၣ်ကတဲာ်ကတီၤနသးလၢ နကသူ jw.org ပှာ်ယဲၤသန့အသနၢၣ်အံၤလၢ တၢ်သးခုကစီၣ်တၢ်မၤအပူၤန့ၣ်လီၤ. ပှာ်ယဲၤသန့အံၤန့ၣ် အဘျုးအိၣ် လၢနကဂုာ်ကျဲးစၢးမၤတၢ်လၢ ယွၤအတၢ်မၤအဂီၢ်လီၤ.—မၤတၢ်. ၂၀:၁၉.