အိၣ်မူဒ်ခရံာ်ဖိ အသိး
မၤစၢၤအဝဲသ့ၣ် ဒ်သိးကမၤ ယဟိဝၤယွၤအတၢ်မၤ ထီဘိ
တၢ်လဲၤခီဖျိတဖၣ် ပာ်ဖျါထီၣ်ဝဲလၢ ပှၤစံၣ်တဲၤတဲလီၤတၢ်ဖိအသီတဖၣ် မ့ၢ်ဒိးန့ၢ်ဘၣ်တၢ်သိၣ်လိ ဒ်သိးကစံၣ်တဲၤတဲလီၤတၢ် လၢတၢ်သူၣ်ဆူၣ်သးဆူၣ်အပူၤထီဘိန့ၣ် လၢခံအဝဲသ့ၣ်အါတက့ၢ် ကဲထီၣ်ဝဲ ပှၤစံၣ်တဲၤတဲလီၤတၢ်ဖိလၢအဂ့ၤလီၤ. (ကတိၤ. ၂၂:၆; ဖံလံး. ၃:၁၆) နပှၤမၤလိ လံာ်စီဆှံဖိ ကကဲထီၣ် ပှၤစံၣ်တဲၤတဲလီၤတၢ်သ့ဂ့ၤဂ့ၤအဂီၢ် နကဘၣ်မၤစၢၤအီၤဒ်လဲၣ်န့ၣ် တၢ်ဟ့ၣ်ကူၣ်အိၣ်ဝဲတနီၤလီၤ–
ဖဲနပှၤမၤလိလံာ်စီဆှံဖိ ကဲထီၣ်ပှၤစံၣ်တဲၤတဲလီၤတၢ်ဖိအခါ စးထီၣ်သိၣ်လိအီၤတက့ၢ်. (km 8/15 1) တဲပၠးအီၤလၢ တၢ်စံၣ်တဲၤတဲလီၤတၢ် ကိးနွံဒဲး န့ၣ်မ့ၢ်တၢ်လၢအရ့ဒိၣ်တက့ၢ်. (ဖံလံး. ၁:၁၀) ဘၣ်ဃးဒီးတၢ်စံၣ်တဲၤတဲလီၤတၢ်ဟီၣ်ကဝီၤန့ၣ် တဲဘၣ်အီၤ နတၢ်ထံၣ်လၢအဂ့ၤတဖၣ်တက့ၢ်. (ဖံလံး. ၄:၈) ဟ့ၣ်ဂံၢ်ဟ့ၣ်ဘါအီၤလၢ ကမၤသကိးတၢ်ဒီး ကရူၢ်အပှၤကွၢ်တၢ်, ပှၤစံၣ်တဲၤတဲလီၤတၢ်ဖိလၢအဂၤ ဒ်သိးကဒိးန့ၢ်ဘၣ်အဘျုးလၢ အဝဲသ့ၣ်အတၢ်လဲၤခီဖျိန့ၣ်တက့ၢ်.—ကတိၤ. ၁:၅; km 10/12 6 ¶3
လီၤဆီဒၣ်တၢ် နပှၤမၤလိလံာ်စီဆှံဖိ မၤလိဝဲ “အိၣ်ဂၢၢ်ဆိးကျၢၤလၢ ယွၤအတၢ်အဲၣ်တၢ်ကွံ” လံာ်အံၤ မ့ၢ်တလၢာ်ဒံးဘၣ်န့ၣ် အဝဲဒိးဘျၢထံမ့ၢ်ဝံၤ ဘၣ်ဆၣ် တဘၣ်ပတုာ် ဟ့ၣ်ဂံၢ်ဟ့ၣ်ဘါ ဒီးသိၣ်လိအီၤ လၢတၢ်စံၣ်တဲၤတဲလီၤတၢ်မၤတဂ့ၤ.—km 12/13 7
ဖဲနဟးစံၣ်တဲၤတဲလီၤတၢ်ဒီး ပှၤစံၣ်တဲၤတဲလီၤတၢ်သီသီအခါ သူတၢ်ကတိၤယိယိဖိတဖၣ်တက့ၢ်. ဒီးအဝဲစံၣ်တဲၤတဲလီၤတၢ်မ့ၢ်ဝံၤ ပတြၢၤအီၤတက့ၢ်. ဒ်သိးစံၣ်တဲၤတဲလီၤတၢ် ဂ့ၢ်န့ၢ်အလီၢ်ကသ့အဂီၢ် ဟ့ၣ်ကူၣ်ဟ့ၣ်ဖးအီၤတက့ၢ်.—km 5/10 7