ကစၢ်ယွၤ နၢ်ဟူ နတၢ်ဃ့ထုကဖၣ်ဧါ

လံာ်စီဆှံ တဲဝဲဒ်လဲၣ်

• ကစၢ်ယွၤ ဒိကနၣ်တၢ်ထုကဖၣ်​ သပှၢ်တၢၢ်. လံာ်စီဆှံ အၢၣ်လီၤပှၤလၢ “ယဟိဝၤယွၤ အိၣ်ဘူးဒီး ပှၤလၢအကိးထီၣ်အီၤ ဒီးပှၤလၢ အကိးထီၣ်အီၤလၢ တၢ်သူၣ်ဘျၢသးဘျၢ အပူၤ ခဲလၢာ်လီၤ. . . . အဝဲနၢ်ဟူ အဝဲသ့ၣ်​ အတၢ်ကိးပသူထီၣ်လၢ တၢ်မၤစၢၤအဂီၢ်.”—စံးထီၣ်ပတြၢၤ ၁၄၅:၁၈, ၁၉.

• ကစၢ်ယွၤ အဲၣ်ဒိးလၢ နကဃ့ထုကဖၣ်​ လၢအအိၣ်. လံာ်စီဆှံ ဟ့ၣ်ကူၣ်ပှၤဒ်အံၤ. “လၢတၢ်ခဲလၢာ်အပူၤန့ၣ်​ တဲဖျါထီၣ်​ သုတၢ်ဃ့တဖၣ်လၢ ကစၢ်ယွၤအအိၣ်​ ခီဖျိလၢ တၢ်ဃ့ထုကဖၣ်​ ဒီးတၢ်ဃ့ကညးတၢ် ဃုာ်ဒီး တၢ်စံးဘျုးစံးဖှိၣ်က့ၤတၢ်တက့ၢ်.”—ဖံလံးပံၤ ၄:၆.

• ကစၢ်ယွၤ သးအိၣ်နၤ နီၢ်ကီၢ်. ပထံၣ်ဘၣ်​ တၢ်ကီတၢ်ခဲ ဒီးပဘၣ်ယိၣ်တၢ်န့ၣ်​ ကစၢ်ယွၤ သ့ၣ်ညါဝဲခဲလၢာ် ဒီးအသးအိၣ်​ မၤစၢၤပှၤ. အဃိ လံာ်စီဆှံ တဲဘၣ်ပှၤလၢ “မ့ၢ်လၢ ကစၢ်ယွၤ သးအိၣ်သုအဃိ ပာ်ထီၣ်​ သုတၢ်ဘၣ်ယိၣ်ဘၣ်ဘှီခဲလၢာ်လၢ အအိၣ်တက့ၢ်.”—၁ ပ့းတရူး ၅:၇.