Tuba mambu yina kesepedisa bantu yankaka

Mambu yina Yesu salaka

VIDEO: Yesu mpe nketo mosi na dibulu ya maza

1. Tala VIDEO, to tanga Yoane 4:6-9. Na manima tadila biuvu yayi melanda:

1. Yinki Yesu tadilaka samu na nketo yango tekila yandi banda disolo?

2. Yesu tubaka: ‘Pesa munu maza ya kunua.’ Samu na yinki yavuandaka mutindu ya mbote ya kubanda disolo?

Yinki dilongi beto mebaka na kifuani ya Yesu?

2. Yakevuanda mpasi ve samu na beto kubanda disolo ya mbote kana beto mebanda na disolo mosi yina kesepedisa muntu.

Landa kifuani ya Yesu

3. Vuanda pene ya kusoba disolo. Kusosa ve kubanda kaka na disolo yina nge bongisaka kutubila. Banda disolo na diambu mosi yina bantu yankaka kena kukanisa bubu yayi. Kukiyuvusa:

1. ‘Yinki bansangu kena kuluta bilumbu yayi?’

2. ‘Yinki mambu bamfinangani na munu, bankundi na munu ya kisalu to bankundi na munu ya kalasi kena kutubila bilumbu yayi?’

4. Zaba kusadila meso. Kukiyuvusa:

1. ‘Yinki muntu yango kena kusala? Yalenda vuanda yandi kena kukanisa yinki?’

2. ‘Bilele ya muntu yango, mutindu yandi kena kumonana, to yinzo na yandi kena kumonisa yinki samu na bindimeli to nzingulu na yandi?’

3. ‘Yakele ntangu ya mbote samu na kusolola na muntu yango?’

5. Kuwaka.

1. Kutuba mingi ve.

2. Kindisa muntu yandi bimisa makanisi na yandi. Kana dikoki kele, yuvusa biuvu.