Wapi yina ke bamambu zole yina ke sala ti Nzambi kuwá ve balusambu ya beto?

Mvutu ya Biblia

Nzambi ke kuwá ve balusambu nyonso. Beto tala bamambu zole yina ke salá ti Nzambi kuwá ve balusambu ya beto.

1. Ntangu lusambu ke na kwelana ve na luzolo ya Nzambi

Nzambi ke kuwá ve balusambu yina ke na kwelaná ve na luzolo ya yandi, to misiku ya yandi yina ke na kati ya Biblia. (1 Yoane 5:14) Na kifwani, Biblia ke niminá kifu ya kuzola mbongo mpe ya kusadila bansaka ya mbongo samu ti ya ke natá na lukoso ya yawu. (1 Bakorinto 6:9, 10) Na yawu, Nzambi lenda kuwá ve lusambu ya muntu yina ke na sambilá samu na kununga bansaka ya mbongo. Nzambi ke ve muntu yina ke lungisá bamambu nyonso yina beto ke lombak’ yandi na kusala. Beto lenda vutula yandi matondo samu na yawu. Bantangu ya kaka, beto zolá vanda na boma ya bamambu yina bantu ya nkaka ke lombá na Nzambi na kusala.—Zaki 4:3.

2. Ntangu muntu yina ke na sambilá Nzambi ke na salá bamambu ya yimbi

Nzambi ke kuwá ve lusambu ya bantu yina ke salá mambu ya yimbi. Na kifwani, Nzambi zonzá na ba yina vandá zonza ti ba ke sambilak’ yandi, Kasi ba ke salá bamambu ya yimbi: ‘Ata beno ke sala balusambu mingi, Munu ke wa yawu ve; Maboko ya beno me fuluka na menga.’ (Izaya 1:15) kana bawu balula bantima ya bawu mpe ‘yidika mambu’ na Nzambi, yandi ke kuwá bawu ntangu ba ke sambila yandi.—Izaya 1:18.