Biblia lenda sadisa kwandi munu kana mu ke na makanisi ya yimbi to manyongo ya kulutila?

Mvutu ya Biblia

Ee, samu ti lubakusu ya kulutila mbote me katuka na “Nzambi, yina ke katulaka kyadi ya bantu ya kukuluka.”​—2 Bakorinto 7:6, NM.

Lubakusu ya Nzambi na bantu yina ke na manyongo ya kututila

• Ngolo. Nzambi ke katula ve bampasi ya nge nyonso kasi, yandi ke kindisa mpe ke pesa nge ngolo ya kukanga ntima na mantwala ya bampasi. Kana nge sambila yandi samu yandi pesa nge ngolo, yandi ke kuwa nge. (Bafilipi 4:13) kuzimbana ve ti Yehova ke na nsatu ya kuwá nge, na yawu Biblia ke zonzaka: ʻYehova kele pene-pene ya bantu yina kele na mawa; Yandi ke vuukisaka bantu yina ke ya kuniokwama na mabanzaʼ. (Nkunga 34:18) Ya tsyeleka, Nzambi zaba mambu yina ke na kwamisá nge ata ti nge me zaba ve faso ya kuzonzila yandi yawu na lusambu.—Baroma 8:26, 27.

• Bifwani ya mbote. Muntu mosi yina soniká Biblia zonzá na Nzambi: ‘O Yehova, munu ke bokila nge katuka na bisika ya yinda.’ Muntu yango, yina vandá na manyongo ya kulutila kuzwá ngolo ntangu yandi bambuka ti Nzambi zola ve bantu vanda na mawa. Na yawu yandi bwelaka: ‘kana nge vandaka kutala bifu, O Yah, O Yehova, nani lendaka kutelama? Samu nge ke lemvokila na masumu nyonso, samu bantu kuwa nge boma.’—Nkunga 130:1, 3, 4, nwt-MK.

• Kivuvu. Bubu yayi Yehova ke suká ve kaka na kusadisa beto, kasi yandi ke pesá beto kivuvu ti na bilumbu yina ke kwiza yandi ke katula mambu nyonso yina ke natá manyongo ya kulutila. Ntangu yandi ke lungisa nsilulu ya yandi, ‘mpe mambu ya ntama [mutindu manyongo] ke kwiza ve na mabanza, yawu ke kwiza mpe ve na ntima.’—Izaya 65:17.

Mambu ya kusimba: Ata ti beto ke bambangi ya Yehova, beto zaba ti Yehova ke sadisa beto, beto ke ndimá mpe lubakusu ya ba dokotolo na bimbevo mutindu makanisi ya yimbi to manyongo ya kulutila. (Marke 2:17) Kasi beto ke tumisá ve bantu na kundima manganga kidi-kidi; samu ti na yina me tadila mavimpi, mosi na mosi ya beto me lunga kubaka lukanu ya yandi.