Vanda na bukindi mpe sala mambu ya mbote ata bantu me zola ve

Tanga Yeremi 38:1-13 samu na kulongoka bukindi yina mbikudi Yeremi na kalaka Ebedi-meleki lakisaka.

Tala bamambu nyonso yina lenda sadisa na kubakula disolo. Samu na yinki Yeremi vandaka na nsatu ya bukindi na kuzonzila mambu ya Yehova na bantu? (Yer. 27:12-14; 28:15-17; 37:6-10) Yinki bantu salaka ntangu ba kuwaka mambu yina Yeremi zonzaka na bawu?—Yer. 37:15, 16.

Sosa mbote-mbote. Yinki bantu vanda sosa ti Yeremi sala? (jr-F 27-28 § 20-22) Na Izraele ya ntama, ya vandaka na mabulu ya kubumbaka bima mutindu maza. Sosa samu na kuzaba faso mabulu yayi vandaka mpe mutindu ba vanda sadilaka yawu. (it-1-F 483) Nge me kanisa yinki: Na ntangu Yeremi vandaka na kati ya dibulu yayi mpe vanda dyama na kati ya poto-poto, yinki ya vanda sala yandi? Yinki zola sala ti Ebedi-meleki vandaka na boma?—w12-F 1/5 31 § 2-3.

Benda bileso. Nge lenda yufula:

• ‘Yinki disolo yayi ke na longaka munu na yina me tadila mutindu Yehova ke bumbaka bisadi ya yandi?’ (Nku. 97:10; Yer. 39:15-18)

• ‘Na mantwala ya wapi bamambu mu lenda vanda na nsatu ya kulakisa bukindi?’

• ‘Yinki lenda sadisa na kukumisa dyaka ngolo bukindi ya munu ya kusala mambu ya mbote ata ti bantu me zola ve?’ (w11-F 1/3 30)a