Ehistoli lyokuhova

2 Vana vaIsraeli wovagara kwa kere Rubena, Simiyoni, Revhi, Juda, Isasikali, Seburoni, 2 Dana, Josefa, Mbenyameni, Nafitali, Gada naAseli.

3 Vana vaJuda wovagara kwa kere Era, Onani naSera. Vana vendi owo vatatu kwa va reterere pwamunaSuwa goMukanani. Nye Era munaJuda gombeli kapi ga hafesere Jehova, makura ta mu dipaga. 4 Vana vaJuda wovagara ava ga reterere pwangumweyi zendi Tamara kwa kere Peresi naZera. Juda kwa kere novana vatano wovagara.

5 Vana vaPeresi wovagara kwa kere Hesironi naHamuli.

6 Vana vaZera wovagara kwa kere Simuli, Etani, Hemani, Kalikoli naDarada. Awo kwa va retere vatano.

7 MunaKarumi gomugara* kwa kere Akani,* ogu ga retere udigu moIsraeli pokugusa yininke eyi va hepere kuzonagura.

8 MunaEtani gomugara* kwa kere Asaliya.

9 Vana vaHesironi wovagara kwa kere Jerahimeli, Rama naKerubayi.*

10 Rama ta reta Aminadabu. Aminadabu ta reta Nasoni, esimbi lyovantu womorudi rwaJuda. 11 Nasoni ta reta Salima. Salima ta reta Bowasa. 12 Bowasa ta reta Obedi. Obedi ta reta lsayi. 13 lsayi ta reta vana wovagara ava: mbeli Eliyaba, gwauvali Abinadaba, gwautatu Simeya, 14 gwaune Netaneli, gwautano Radayi, 15 gwauntazimwe Osemu ntani gwauntambali Ndafita. 16 Vampanza vawo kwa kere Seruya naAbigayili. Vana vaSeruya wovagara vatatu kwa kere Abisayi, Jowabu naAsaheli. 17 Abigayili kwa retere Amasa, ano oguhwe vaAmasa kwa kere Jetere gomoruvharo rwaIsimayeli.

18 Karebu* munaHesironi kwa retere vana wovagara povakadi vendi Asuba naJeliyoto. Vana vendi kwa kere Jesere, Sobabu naArudoni. 19 Apa ga dogorokere Asuba, Karebu kwa kwere Efurata makura ta retere po Huru. 20 Huru ta reta Uli. Uli ta reta Besareli.

21 Konyima Hesironi ta ligwanekere panyama namunaMakire guhyaGiliyata. Hesironi kwa kere nonomvhura 60 apa ga kwere munaMakire, makura ta retere po Seguba. 22 Seguba ta reta Jaire, ogu ga kere noyitata 23 momukunda gwaGiliyata. 23 Konyima, vantu womoGesure naSiliya tava va hakana sitata saHavoti-jaire naKenati nonodoropa edi da si kundurukida. Awo kwa gusire yitata 60. Navenye ava kwa kere womoruvharo rwaMakire guhyaGiliyata.

24 Konyima zapa ga dogorokere Hesironi moKarebu-efurata, Abiya mukadaHesironi ta mu retere Asihuru, mugara ogu ga hovere kutunga moTekoa.

25 Vana vaJerahimeli wovagara mbeli zaHesironi kwa kere Rama, Buna, Oreni, Osemu naAhiya. 26 Jerahimeli kwa kwere hena mukadi gwapeke gedina Atara. Age kwa kere ozina vaOnamu. 27 Vana vaRama wovagara mbeli zaJerahimeli kwa kere Masa, Jamini naEkere. 28 Vana vaOnamu wovagara kwa kere Samayi naJada. Vana vaSamayi wovagara kwa kere Nadabu naAbisuru. 29 MukadaAbisuru kwa kere Abihayili, ano age kwa retere Ahidani naMolidi. 30 Vana vaNadabu wovagara kwa kere Seredi naApayimu. Nye Seredi kwa fire ga hana kureta vana wovagara. 31 MunaApayimu gomugara* kwa kere Isi. Ano munaIsi gomugara* kwa kere Sesani. MunaSesani gomugara* kwa kere Ahirayi. 32 Vana vaJada wovagara mumbyaSamayi kwa kere Jetere naJonatana. Nye Jetere kwa fire ga hana kureta vana wovagara. 33 Vana vaJonatana wovagara kwa kere Pereti naSasa. Ava kwa kere womoruvharo rwaJerahimeli.

34 Sesani kwa kere tupu novana wovakadi. Age kwa kere nomukareli goMuegipite gedina Jaraha. 35 Sesani kwa geve munendi gomukadi komukareli gwendi Jaraha yipo a mu kware, makura ta retere po Atayi. 36 Atayi ta reta Natana. Natana ta reta Sabadi. 37 Sabadi ta reta Efurali. Efurali ta reta Obedi. 38 Obedi ta reta Jehu. Jehu ta reta Asaliya. 39 Asaliya ta reta Heresi. Heresi ta reta Eliyasa. 40 Eliyasa ta reta Sisimai. Sisimai ta reta Sarumu. 41 Sarumu ta reta Jekamiya. Jekamiya ta reta Elisama.

42 Vana vaKarebu* wovagara mumbyaJerahimeli kwa kere: Mesa guhyaSifu ogu ga kere mbeli ntani vana vaMaresa wovagara guhyaHeburoni. 43 Vana vaHeburoni wovagara kwa kere Kora, Tapua, Rekemu naSema. 44 Sema ta reta Rahamu ogu ga hovere kutunga moJorokeyamu. Rekemu ta reta Samayi. 45 MunaSamayi gomugara kwa kere Mawono. Mawono yige ga hovere kutunga moBete-suru. 46 Efa sihora* saKarebu kwa retere Harani, Mosa naGasesi. Harani ta reta Gasesi. 47 Vana vaJahidayi wovagara kwa kere Regemu, Jotamu, Gesani, Pereti, Efa naSafa. 48 Maka sihora saKarebu kwa retere Sebere naTirehana. 49 Konyima ta reta Safa guhyaMadimana ntani Sevha guhyaMakibena naGibeya. Karebu kwa kere namunendi gomukadi gedina Akisa. 50 Ava kwa kere womoruvharo rwaKarebu.

Vana vaHuru wovagara, mbeli zaEfurata kwa kere Sobali ogu ga hovere kutunga moKiliyata-jeyalimu, 51 Salima ogu ga hovere kutunga moBeterehema ntani Harefu ogu ga hovere kutunga moBete-gadere. 52 Sobali ogu ga hovere kutunga moKiliyata-jeyalimu kwa kere novana wovagara ava: Harowe novantu vamwe womoruvharo rwaMenuhoti. 53 Mapata aga ga tungire moKiliyata-jeyalimu kwa kere Vaitili, Vaputi, Vasumati noVamisirayi. Vantu ava va tungire moSora nomoEsitaoli kwa tundilira momapata ogo. 54 Womoruvharo rwaSalima yiwo va tungire moBeterehema, moNetofa, moAtiroto-bete-jowabu ntani vamwe kwa tungire moManahati nomoSoli. 55 Mapata govahamutjanga ava va tungire moJabesi kwa kere Vatirati, Vasimeyati ntani noVasukati. Awo kwa kere Vakeni ava va tundire moruvharo rwaHamati guhyaRekabu.