Ehistoli lyokuhova

25 Ndafita novakurona wonombunga dovantu ava ngava rugana kontembeli kwa horowere vana vamwe vaAsafa naHemani naJedutuni va ruganese yiumba nononkonkweso ntani nayimwe yokusikisa va hamberere Karunga.* Aga kuna kara madina govagara ava va horowere mosirugana esi: 2 vana vaAsafa wovagara kuna kara Sakura, Josefa, Netaniya naAsarera. Guhyawo Asafa yige nga va pitisire kuliza nomavyukiso aga ga tulire po hompa; 3 vana vaJedutuni wovagara ntazimwe kuna kara Gedaliya, Seli, Jesaya, Simeyi, Hasabiya naMatitiya. Guhyawo Jedutuni yige nga va pitisire. Jedutuni nga siki siumba a pandure ntani a hamberere Jehova; 4 vana vaHemani wovagara kuna kara Bukiya, Mataniya, Usiyeli, Sebuyeli, Jelimoti, Hananiya, Hanani, Eliyata, Gidaliti, Romamuti-esere, Josibekasa, Maroti, Hotire naMahasiyoto. 5 Navenye ava kwa kere vana vaHemani, ogu nga tantere hompa mamoneko gokuhamena Karunga gousili nefumano lyendi.* Yipo nye, Karunga gousili kwa pere Hemani vana wovagara 14 novana wovakadi vatatu. 6 Guhyawo Hemani yige nga va pitisire navenye apa ngava dimbi konzugo zaJehova. Awo ngava siki nonkonkweso noyiumba nayimwe yokusikisa konzugo zaKarunga gousili.

Asafa naJedutuni naHemani kwa rugene kuliza nomavyukiso aga ga va pere hompa.

7 Sivaro sawo nesi soVarevhi vakwawo ava va dewire va dimbire Jehova kwa kere 288. Navenye kwa divire kudimba nawa. 8 Awo kwa rugene fungu-fungu yipo va ligavere yirugana kutundilira komunona dogoro komukondi ntani kutundilira kogu ga kere noudivi dogoro kogu ga dilire kukara noudivi.

9 Josefa munaAsafa yige va horowere pomuhowo pafungu-fungu, gwauvali kwa kere Gedaliya (nage novakwawo ntani novana vendi wovagara. Awo kwa kere 12); 10 Gwautatu kwa kere Sakura novana vendi wovagara ntani novakwawo. Awo kwa kere 12; 11 Gwaune kwa kere Isili novana vendi wovagara ntani novakwawo. Awo kwa kere 12; 12 Gwautano kwa kere Netaniya novana vendi wovagara ntani novakwawo. Awo kwa kere 12; 13 Gwauntazimwe kwa kere Bukiya novana vendi wovagara ntani novakwawo. Awo kwa kere 12; 14 Gwauntambali kwa kere Jesareli novana vendi wovagara ntani novakwawo. Awo kwa kere 12; 15 Gwauntantatu kwa kere Jesaya novana vendi wovagara ntani novakwawo. Awo kwa kere 12; 16 Gwauntane kwa kere Mataniya novana vendi wovagara ntani novakwawo. Awo kwa kere 12; 17 Gomurongo kwa kere Simeyi novana vendi wovagara ntani novakwawo. Awo kwa kere 12; 18 Gwau-11 kwa kere Asareli novana vendi wovagara ntani novakwawo. Awo kwa kere 12; 19 Gwau-12 kwa kere Hasabiya novana vendi wovagara ntani novakwawo. Awo kwa kere 12; 20 Gwau-13 kwa kere Subaeli novana vendi wovagara ntani novakwawo. Awo kwa kere 12; 21 Gwau-14 kwa kere Matitiya novana vendi wovagara ntani novakwawo. Awo kwa kere 12; 22 Gwau-15 kwa kere Jeremoto novana vendi wovagara ntani novakwawo. Awo kwa kere 12; 23 Gwau-16 kwa kere Hananiya novana vendi wovagara ntani novakwawo. Awo kwa kere 12; 24 Gwau-17 kwa kere Josibekasa novana vendi wovagara ntani novakwawo. Awo kwa kere 12; 25 Gwau-18 kwa kere Hanani novana vendi wovagara ntani novakwawo. Awo kwa kere 12; 26 Gwau-19 kwa kere Maroti novana vendi wovagara ntani novakwawo. Awo kwa kere 12; 27 Gwau-20 kwa kere Eliyata novana vendi wovagara ntani novakwawo. Awo kwa kere 12; 28 Gwau-21 kwa kere Hotire novana vendi wovagara ntani novakwawo. Awo kwa kere 12; 29 Gwau-22 kwa kere Gidaliti novana vendi wovagara ntani novakwawo. Awo kwa kere 12; 30 Gwau-23 kwa kere Mahasiyoto novana vendi wovagara ntani novakwawo. Awo kwa kere 12; 31 Gwau-24 kwa kere Romamuti-esere novana vendi wovagara ntani novakwawo. Awo kwa kere 12.