Ehistoli lyokuhova

7 Vana vane vaIsasikali wovagara kwa kere Tora, Puva, Jasubu naSimuroni. 2 Vana vaTora wovagara kwa kere Usi, Refaya, Jeliyeli, Jahimayi, Ibusamu naSemweli. Navenye kwa kere masimbi gemezimo lyawo. Vagara womoruvharo rwaTora kwa kere vakwayita wononkondo ntani sivaro sawo kwa kere 22 600 momazuva gaNdafita. 3 Womoruvharo* rwaUsi kwa kere Isirahiya novana vendi wovagara ava: Mikayera, Obadja, Jowera naIsisiya. Navenye vatano kwa kere masimbi. 4 Moruvharo rwawo kwa tundire mo vakwayita 36 000 ava va zire koyita, morwa kwa kere novakadi ntani novana wovagara wovanzi. 5 Ano sivaro nasinye sovakwayita vemezimo lyaIsasikali omu va tundilire kwa kere 87 000, ngwendi moomu va yi tjanga mehistoli lyemezimo lyawo.

6 Vana vatatu vaMbenyameni wovagara kwa kere Bera, Bekeli naJediyayeli. 7 Vana vatano vaBera wovagara kwa kere Esiboni, Usi, Usiyeli, Jelimoti naIli. Navenye kwa kere masimbi gemezimo lyawo ntani vakwayita wononkondo. Mehistoli lyezimo lyawo kwa tjenge mo vakwayita 22 034. 8 Vana vaBekeli wovagara kwa kere Semira, Jowasi, Eliyesere, Eliyoyenayi, Omuli, Jeremoto, Abiya, Anatoti naAremeti. Navenye kwa kere vana vaBekeli. 9 Ehistoli lyezimo lyawo omu va tjanga masimbi gemezimo lyawo novantu womoruvharo rwawo, kwa tjanga mo vakwayita wononkondo 20 200. 10 Womoruvharo rwaJediyayeli kwa kere Bilihani novana vendi wovagara ava: Jeusi, Mbenyameni, Ehudi, Kenana, Setani, Taresisi naAhisahara. 11 Navenye ava kwa kere womoruvharo rwaJediyayeli ntani kwa kere masimbi gemezimo lyawo. Mezimo lyawo kwa tundire mo vakwayita wononkondo 17 200 ava va zire koyita.

12 Supimu naHupimu kwa kere vana vaIru wovagara. Vahusimu kwa tundilire moruvharo rwaAheli.

13 Vana vaNafitali wovagara kwa kere Jahisiyeli, Guni, Jesere naSarumu. Awo kwa kere womoruvharo* rwaBiliha.

14 Ava kuna kara womoruvharo rwaManase: Asiliyeli, ogu ga tundilire mezimo lyosihora saManase goMusiliya. (Mukadi ogo yige ga retere Makire guhyaGiliyata. 15 Makire kwa paparerere Hupimu naSupimu vakadi va kware, ano mpanzaMakire kwa kere Maka.) Gwauvali Serofehadi, nye age kwa kere tupu novana wovakadi. 16 Maka mukadaMakire kwa retere munona gomumati, ta mu ruku Peresi. MumbyaPeresi gomugara kwa kere Seresi, ano vana vaSeresi wovagara kwa kere Uramu naRekemu. 17 MunaUramu gomugara* kwa kere Bedani. Vagara navenye ava kuna kara womoruvharo rwaGiliyata munaMakire mutekurwaManase. 18 MpanzaGiliyata kwa kere Hamoroketi. Age kwa retere Isodo, Abiyesere naMahira. 19 Vana vaSemida wovagara kwa kere Ahiyani, Sikemu, Likihi naAniyamu.

20 Efurayimi kwa retere Sutera, Sutera kwa retere Beredi, Beredi kwa retere Tahati, Tahati kwa retere Eliyata, Eliyata kwa retere Tahati, 21 Tahati kwa retere Sabadi, ano Sabadi kwa retere Sutera. Efurayimi kwa retere hena Esere naEliyada. Vagara womoGata kwa zire va ka vake yimuna yovantu womoruvharo rwaEfurayimu makura tava ka dipaga Esere naEliyada. 22 Efurayimi kwa va lilire mazuva gomanzi, ano vekoro lyendi kwa wizire va ya mu hengagwide. 23 Konyima ta ligwanekere panyama namukadendi, ta kara nomarutu gavali makura ta hampuruka munona gomumati. Efurayimi ta mu ruku Beliya,* morwa mukadendi kwa hampurukire posiruwo apa wa va gwene udigu mepata lyawo. 24 Efurayimi* kwa kere namunendi gomukadi gedina Sera, ogu ga dikire Bete-horoni zemedamenena nezi zokondundu ntani sitata saUseni-sera. 25 Efurayimi kwa retere Refa naResefu,* Resefu kwa retere Tera, Tera kwa retere Tahani, 26 Tahani kwa retere Radani, Radani kwa retere Amihudi, Amihudi kwa retere Elisama, 27 Elisama kwa retere Nunu, ano Nunu kwa retere Josuwa.*

28 Awo kwa tungire mositata saBeteli nonodoropa edi da si kundurukida ntani mositata saNarani esi sa kere koUpumezuva nomositata saGesere esi sa kere koUtokero nonodoropa edi da si kundurukida ntani mositata saSikemu nonodoropa edi da si kundurukida, dogoro koAiya* nonodoropa edi da si kundurukida. 29 Womoruvharo rwaManase kwa tungire moyitata eyi yina kukwama ko eyi ya kere mesinya mwina lyomururani: sitata saBete-seni nonodoropa edi da si kundurukida, sitata saTanaki nonodoropa edi da si kundurukida, sitata saMegido nonodoropa edi da si kundurukida ntani sitata saDoro nonodoropa edi da si kundurukida. Omu yimo va tungire vantu womoruvharo rwaJosefa munaIsraeli.

30 Vana vaAseli wovagara kwa kere Imuna, Isivha, Isivhi naBeliya, ano mpanzawo kwa kere Sera. 31 Vana vaBeliya wovagara kwa kere Hebere naMalikiyeli guhyaBiresaiti. 32 Hebere kwa retere Jaferete, Somere naHotamu ntani nomuna gomukadi gedina Suwa. 33 Vana vaJaferete wovagara kwa kere Pasaka, Bimuhali naAsivhati. Ava kwa kere vana vaJaferete wovagara. 34 Vana vaSemere* wovagara kwa kere Ahi, Rohiga, Jehuba naAramu. 35 Vana wovagara vamumbyendi Heremu* kwa kere Sofa, Imuna, Seresi naAmali. 36 Vana vaSofa wovagara kwa kere Suwa, Harenefere, Suwali, Beli, Imura, 37 Besere, Hodi, Sama, Silisa, Itirani naBera. 38 Vana vaJetere wovagara kwa kere Jefune, Pisipa naAra. 39 Vana vaUra wovagara kwa kere Ara, Haniyeli naLisiya. 40 Navenye ava kwa kere womoruvharo rwaAseli. Awo kwa kere masimbi gemezimo lyawo ntani vakwayita wononkondo novapitisili wovakurona wovakwayita. Sivaro sava va tjenge mehistoli lyezimo lyawo ava va zire koyita kwa kere 26 000.