Ruha 4

Yitundwamo musinke ya kere apa va purakenene kwaSatana?

Eva kwa purakenene kezoka nokulya enyango lyokositji. Ano konyima, ta pe ko limwe Adamu, nage ta li.

Eyi va rugene kwa kere epuko, ayo kwa kere nzo. Karunga yipo ga va tjidire mo membo lyawo lyoParadisa.

Eparu kwa va digoperere novana vawo. Tava kurupa nokufa. Awo kapi va zire mosirongo sonompepo, awo kwa hagekere kukara po.

Adamu naEva kapi va limburukwire Karunga makura tava fu. Genesis 3:6, 23

Ose kufa morwa natuvenye kwa tunda mwaAdamu naEva. Vafe kapi ava vhuru kumona ndi va zuvhe ndi va rugane nkenye eyi.—Muudisi 9:5, 10.

Aso kapi sa kere sitambo saJehova asi vantu va fe. Ntaantani tupu Jehova nga ka vhumbure vafe. Nsene ngava ka mu purakena, ngava ka paruka narunye.

Vafe kwa fana ngwendi mbundu, kapi ava paruka. Genesis 3:19

Morwasinke atu fire?—Varoma 5:12.

Nomfa kapi hena ngadi kara ko. —1 Vakolinte 15:26.