Ruha 3

Ngapi omu lya fene eparu moParadisa?

Jehova kwa ungire mukadi gokuhova, Eva, nokumugava kwaAdamu a kare mukadendi.—Genesis 2:21, 22.

Jehova kwa va sitire nonondunge nomarutu gokusikilira mo, pwa hana nkenye epuko.

Embo lyawo kwa kere sikunino saEdeni, evango lyewa sili unene eli lya kere nonomukuro noyitji yomanyango noyikorama.

Jehova nga uyunga nawo, age kwa va rongere. Ngano va purakenene kwendi, awo ngano va parukire narunye moParadisa pevhu.

Jehova kwa pere oAdamu naEva yininke yoyiwa yoyinzi. Genesis 1:28

Gumwe govaengeli kwa rwanesere Karunga. Muengeli ogo gomudona kuna kara Satana Muzonaguli.

Jehova kwa likidire Adamu naEva sitji simwe senyango mosikunino saEdeni nokuvatantera asi nsene nava lya ko ngava fa.

Satana kapi ga here Adamu naEva va limburukwe kwaJehova. Makura ta ruganesa ezoka mokutantera Eva asi nsene a lya kosiyimwa sokositji, kapi nga fa, nye ngano nga fana Karunga. Yosili, oyo kwa kere yimpempa.—Genesis 3:1-5.

Karunga kwa tente asi va ha lya ko kositji. Genesis 2:16, 17