Uwa musinke atu gwana apa atu kara noVakriste vakwetetu?

Ose kuza nkenye apa komapongo nampili ngomu atu tundu ure ndi tu gende momvhura. Nampili ngomu ava ligwanekere nomaudigu meparu ndi neroroko lyoyirugana, morwasinke Nombangi daJehova adi litulilire po siruwo sokuza komapongo va ka kare kumwe novapuli vakwaawo?

Kunkondopeka elikwatakano lyetu naJehova. Paurusa kwa tjenge asi “atu likoraike-koraikeni” kumwe nowo atu kara nawo komapongo. (Vahebeli 10:24) Nonkango odo kulikida asi twa hepa kulidiva novanavazinyetu. Ado kuna kutukorangeda tu fire sinka vakwetetu. Pokulidiva novanavazinyetu, ngatu dimburura asi vamwe va fundire maudigu aga nose tuna kara nago, ano kuvhura va tu vatere.

Kunkondopeka elikwatakano lyetu novanavazinyetu. Vanavazinyetu ava atu pongo nawo kapisi vantu tupu ava twa diva nye vakaume vetu wovanene. Poyiruwo yimwe, ose kukara nawo pomapongasano gokulihafesa. Mauwa musinke atu gwana pokukara kumwe novanavazinyetu? Ose kudiva yikara yawo yoyiwa nokuvahafera ntani ayo kunkondopeka elikwatakano lyetu. Makura apa ava ligwanekere nomaudigu ose kukara neharo lyokuvavatera. (Yisewe 17:17) Pokulidiva novanavazinyetu navenye womombungakriste ayo kulikida asi ose ‘kulifira sinka.’—1 Vakolinte 12:25, 26.

Kuna kukukorangeda o ture po ukaume nava vana kurugana mpango zaKarunga. Ngo gwana vakaume vangoso moNombangi daJehova. Wa ha pulisira nkenye eyi yi ku kondere kulikwatakana nose.

• Uwa musinke natu gwana pokuponga kumwe komapongo?

• Ezuvake ngo wiza komapongo getu?