Yisinke ayi reta ruhafo mepata?
Ngapi ono kugazara . . .
eharo?
ndi yimaliwa?
ndi koyili yimwe hena?
EYI AZI UYUNGA BIBELI
“Ava ava zuvhu nonkango daKarunga nye tava di pungura, yiwo po verago!”—Rukasa 11:28.
MULYO GONONKANGO ODO
Kutuvatera tu lihare.—Vaefeso 5:28, 29.
Kutuvatera tu lifumadeke.—Vaefeso 5:33.
Kutuvatera tu lihuguvare.—Marukusa 10:6-9.
KUVHURA TU PURE EYI ZA UYUNGA KO BIBELI NDI?
Tu tareni nokonda mbali:
Karunga yige ntundiliro epata. Bibeli kutanta asi Jehova Karunga yige ga tulire po epata. (Genesis 2:18-24) Ya kara nomulyo kuyidiva oyo.
Gazadara: Nsene kuna kulya nondja donontovara, makura ono hara kudiva eyi vana tura mo, yilye ogu no pura? Googu ana di tereke.
Mokulifana, nsene tuna hara kudiva eyi ayi reta ruhafo mepata, twa hepa kupura Jehova, ntundiliro zepata.
Karunga kukupakera sinka. Mapata ga hepa kupapara mapukururo kwaJehova aga a gava moNonkango dendi. Morwasinke? ‘Yeeyi age kutupakera mbili.’ (1 Peturusa 5:6, 7) Jehova kwa tu harera uwa, ano mapukururo gendi mawa!—Yisewe 3:5, 6; Jesaya 48:17, 18.
GAZADARA KO
Ngapi no vhura kukara nturagumbo ndi mugolikadi ndi mukurona gomuwa?
Bibeli kugava elimbururo moVAEFESO 5:1, 2; ntani VAKOROSI 3:18-21.