Jesus ta tengura meguru

Jesus kwa ka ligwene novasikuli vendi moGalireya. Ta va pangere asi: ‘Zendeni konomuhoko nadinye, mu ka di ninke di kare varongwa vange. Ka di rongeni nayinye eyi na mu rekera, nokukadikuhwa.’ Ta va tumbwidire asi: ‘Ame ngani kara none dogoro nokouhura wouzuni.’

Momazuva 40 kutunda kevhumbuko lyendi, Jesus kwa monekerere varongwa vendi wokusika pomafere moGalireya nomoJerusarema. Age kwa va rongere yirongwa yomulyo nokurugana yitetu. Jesus makura ta ka ligwana novapositoli vendi sikando sokuhulilira koNdundu zoMauzwe. Ta va tantere asi: ‘Mwa ha tunda mo moJerusarema. Ndindireni eyi ga tumbwidira Tate.’

Vapositoli kapi va kwete egano eyi ga tembe. Ta va mu pura asi: ‘Ngesi to kara Hompa goVaisraeli ndi?’ Jesus ta tanta asi: ‘Kapi sina siki mo siruwo saJehova sokutura nge ni kare Hompa. Nye ntaantani ngomu gwane nonkondo dompepo zokupongoka, ngomu kare nombangi dange. Ka udisireni moJerusarema nomoJudeya nomoSamaliya, dogoro noku wa ka twa uzuni.’

Jesus makura tava mu zerura, eremo yilyo lya mu gusire po li mu vive. Varongwa vendi tava tara keguru nye age ana zi.

Varongwa tava tundu koNdundu zoMauzwe nokuza koJerusarema. Nkenye apa ngava pongo kumwe konzugo zekeguru va kanderere. Awo kwa ndindilire Jesus a va pe mavyukiso.