Lirongera ko koNonkango dakarunga

Morwasinke no lirongerera ko kwaKarunga?

Sirongwa esi tasi ka tumbura mapuro gamwe aga nampo wa lipura nokukakulikida asi kupi oku no vhura kuresa moBibeli zoge o gwane malimbururo. Nombangi daJehova nava ka yi hafera pokukazogera kumwe nove malimbururo ogo.

1. Morwasinke no lirongerera ko kwaKarunga?

Karunga kwa kara nombudi zongwa po kovantu. Age kututantera mbudi ezi moBibeli. Bibeli kuna kara ngwendi mbilive ezi ga tu tjangera Guhyetu geharo gemeguru.—Resa Jeremiya 29:11.

2. Yisinke mbudi zongwa?

Vantu kwa hepa epangero lyewa. Kwato epangero lyovantu lya vhura kumangurura rumwe vantu konyanya nokouhahungami nokouvera ndi konomfa. Nye pwa kara mbudi zongwa. Karunga nga ka pa vantu epangero lyewa, eli ngali ka gusa po nayinye eyi ayi retesa po ruhepo.—Resa Ndaniyera 2:44.

3. Morwasinke yina karere nomulyo mokulirongera ko kwaKarunga?

Ntaantani tupu Karunga nga ka guse po vantu ava ava retesa po ruhepo pevhu. Ano ngesi age kuna kuronga mamiliyona govantu wokulinunupika va hafere nkedi zongwa zeparu ntani va likide eharo lyokuhara Karunga novakwawo. MoNonkango daKarunga vantu kulironga mo omu nava lididimikira maudigu meparu nomu nava gwana ruhafo rwene-rwene ntani nomu nava hafesa Karunga.—Resa Sefaniya 2:3.

4. Yilye mutjangi goBibeli?

MoBibeli kwa kara mo nobuke dokusika 66. Vagara wokusika 40 yiwo va di tjenge. Mosesa yige ga tjenge nobuke ntano dokuhova konyara nomvhura 3 500 dina ka pita. Ano zokuhulilira kwa zi tjenge mupositoli Johanesa konyara nomvhura 1 900 dina ka pita. Nye vatjangi woBibeli kwa tjenge magano gaKarunga kapisi gavene. Yipo nye, mutjangi goBibeli kuna kara Karunga.—Resa 2 Timoteusa 3:16; 2 Peturusa 1:21.

Bibeli kwa tunda kwaKarunga morwa azo kwa vyukilira kupumba yokomeho. Kwato muntu gokuvhura kuyirugana oyo. (Jesaya 46:9, 10) Ntani Bibeli kutuhorwera yikara yaKarunga yeharo. Azo kwa kara nononkondo dokurundurura maparu govantu. Mausili aga kwa ninkisa mamiliyona govantu ga pure asi Bibeli kuna kara Nonkango daKarunga.—Resa Josuwa 23:14; 1 Vatesaronika 2:13.

5. Ngapi omu no vhura kukwata egano Bibeli?

Jesus kwa divikwire asi age murongi goNonkango daKarunga. Nampili ngomu nga uyunga novantu ava va divire Matjangwa, awo va hepere evatero mokugakwata egano. Mokuvavatera, Jesus kwa va likidire Matjangwa moBibeli nokuvafatwilira va kwate egano “matjangwa.” Sirongwa esi “Lirongera ko koNonkango daKarunga” ngasi ruganesa nkedi zokulifana mokukuvatera.—Resa Rukasa 24:27, 45.

Yininke yimwe kuvhura kukukoka ngomu ono kulirongera ko kwaKarunga kuhamena sitambo separu. Vantu vamwe kapi nayi va hafesa kweyi ono kuresa Bibeli. Ya ha ku dompesa. Ehuguvaro lyoge lyokukahafera mwenyo gwanarunye kuna kwatere mo mokudiva koge Karunga.—Resa Mateusa 5:10-12; Johanesa 17:3.

Komauzera gomanzi, tara egaununo 2 mobuke ezi Yinke azi rongo Bibeli sili?, va nduruka Nombangi daJehova.