None kugwana uhaku wokosipangero ndi?

Nhi, Nombangi daJehova kugwana nomutji nouhaku wokosipangero. Nampili ngomu atu hetekere ko kupakera marutu getu mbili nokukara noukanguki wouwa ose poyiruwo yimwe kuhepa “muhakuli.” (Rukasa 5:31) Ngwendi Rukasa, Mukriste gomosiruwo sanare, Nombangi daJehova dimwe kurugana ngovandokotora naina.—Vakorosi 4:14.

Nampili ngoso mauhaku gamwe kurwanesa nompango doBibeli, ano ose kunyoka mauhaku gangoso. Pasihonena, kapi atu tambura honde morwa Bibeli za silika kuruganesa honde. (Yirugana 15:20) Mokulifana Bibeli za silika mauhaku aga ga likwatakana noumpure.—Vagarata 5:19-21.

Nampili ngoso, sinzi somauhaku aga ava gava kosipangero kapi aga rwanesa nompango doBibeli. Yipo nye muntu ga hepa kuhorowora uhaku ou ana kuhafera. Gumwe goNombangi kuvhura a tambure mutji nouhaku wongandi ano gumwe hena goNombangi kuvhura a tokore mokunyoka mutji ndi uhaku owo.—Vagarata 6:5.