MAPURO AGA AVA PURA VADINKANTU
Yisinke nani rugana nsene kaume kange ana koresa nge?
Eyi wa hepa kudiva
Kwato ukaume ou wa dira kukara nomaudigu. Mokumona asi kaume koge ndi muntu ogu wa huguvara kapi ga sikikiliramo, age kuvhura nga rugane yuma ndi nga uyunge yininke eyi ngayi kukoresa. Yimo, nove kapi wa sikiliramo. Ove kuna kudiworoka siruwo esi wa koresere gumwe ndi? Jakopo 3:2.
Intaneta kuvhura kukoresa. Pasihonena, mudinkantu gumwe gedina David kwa uyunga asi: “Nsene o mona mafano ga kaume koge kointaneta age kuna kara pepongasano, kuvhura o gazare asi morwasinke vana dilire kukuzigida ko. Ayo kuvhura yi kuguvise ntani kuvhura o lizuvhe asi ana kusigilire.”
Kuvhura o lironge omu no kohonona po udigu.
Eyi no rugana
Likona-kona nyamoge. Bibelli kuuyunga asi: “Walye o genderere kuhandukisa mutjima goge, yeeyi ehandu kwa kara monturo zegova.” Muudisi 7:9.
“Poyiruwo yimwe no ya yi dimburura asi yininke eyi yina kuhandukisa kapisi yokuhandukisa nawa-nawa”—Alyssa.
Gazadara ko: Ove muntu gokuhanduka usimbu ndi? Kuvhura o lironge kulididimikira ediro kusikilira mo lyava wopeke ndi? Muudisi 7:21, 22.
Gazadara ko komauwa aga nogwanena mo nsene o gusira po. Bibeli kutanta asi: “Ano gumwe nsene ana ku zono, efumano lyoge lyokumudongwenena po”—Yisewe 19:11.
“Nampili vana kukoresa, ya wapa kugusira po ogu ana kukoresa, ntani eyi kutanta asi wa ha mu diworokesa yininke eyi ga rugene a ku korese. Mu gusira po kutundilira komutjima, nokuyidivara.”—Mallory.
Gazadara ko: Ukaro owo sili mulyo ndi? Kuvhura o gusire po morwa wa hara mbili ndi?—Vakorosi 3:13.
Nsene mu zogera nkenye apa udigu nakaume koge, ayo kwa fana ngwendi kuna kupulisira mpepo zoutenda monzugo omu muna kara upyu
Gazadara ko muntu ogu ana kukoresa. Bibeli kutanta asi: “Mwa ha kondjera tupu uwa wanyamweni nye kondjereni hena uwa wava wopeke.”—Vafilipi 2:4.
“Nsene vakaume va lilikida eharo nefumadeko, awo va kara nokonda zokuligusira po usimbu morwa va rugana unene va tulise po ukaume. Ntani kapi ta va hara kutezesa po ukaume wawo.”—Nicole.
Gazadara ko: Kuvhura o gwanene mo uwa kweyi ana uyunga ogu ana kukoresa ndi?—Vafilipi 2:3.
Sitwa somulyo: Nsene o diva omu novhura kulididmikira malizuvho gomadona ayo ngayi kuvatera apa ngo kura. Ayo ya wapa o yi rugane ngesi