Joba kwa kere ngorooro mulimburukwi — BIBILIYOTEKA ZOKOINTANETA

Ruha 6

Joba kwa kere ngorooro mulimburukwi

Satana kwa hetekere ulimburukwi waJoba kosipara saKarunga, nye Joba kwa limburukwire ngorooro kwaJehova

KUVHURA nkenye muntu a kare ngorooro mulimburukwi kwaKarunga nsene va mu heteka momunene ntani nsene kapi na gwanena mo uwa moulimburukwi wendi ndi? Epuro olyo kwa li retesere po ntani kwa li limbwilire kupitira mosihorokwa somugara Joba.

Apa Vaisraeli va kere simpe moEgipite, Joba, ekoro lyaAbirahamu, kwa tungire mosirongo esi ava tumbura ntaantani asi Arabia. Posiruwo oso, vaengeli kwa pongere meguru kosipara saKarunga, murwanesi Satana nage yipo ga kere. Komeho zepongo eli lyemeguru, Jehova kwa likidire ehuguvaro lyendi momukareli gwendi gomulimburukwi Joba. Jehova kwa uyungire asi kutupu muntu ogu ga kara noulimburukwi ngwendi Joba. Nye Satana kwa tente asi Joba nga kerere Karunga morwa ga mu tungikire nokumupopera. Ta gwederere ko hena asi Joba nsene va mu gusa nayinye eyi ga kara nayo, age ngano nga teka ko kwaKarunga.

Karunga kwa pulisilire Satana mokugusa po pomuhowo ungawo novana vaJoba ano konyima ukanguki wendi. Ga hana kudiva sitambo saSatana mosihorokwa esi, Joba kapi ga kwete egano eyi Karunga ga mu pulisilire mokuligwanekera nomaheteko aga. Joba simpe kwa limburukwire kwaKarunga.

Vakaume vendi vatatu woyimpempa kwa mu wizilire. Malikwamo gomauyungo aga va tjanga mobuke zaJoba, vagara ava kwa hetekerere ko kupukisa Joba asi Karunga kwa mu tengekere kononzo dendi domokahore-hore. Awo hena kwa tente asi Karunga kapi a hafere vakareli vendi, ndi asi a va huguvare. Joba kwa nyokerere po magano gawo gepuko. Nehuguvaro lyenene, Joba kwa tente asi age nga kara ngorooro mulimburukwi dogoro konomfa!

Nye Joba kwa rugene epuko mokulihungika mwene. Elihu, ogu ga purakenene konompata nadinye edi, kwa vyukisire Joba novakaume vendi woyimpempa. Elihu kwa vyukisire Joba mokudira kuyikwata egano asi kukwatesa ko upangeli waJehova Karunga mulyo unene kupitakana kukwatesa ko nkenye muntu. Age kwa handukilire hena vakaume vaJoba woyimpempa.

Jehova Karunga kwa uyungisire Joba mokuvyukisa magazaro gendi. Pokutumbagura yisitwa yendi, Jehova kwa rongere Joba mokuteda ko koununu womuntu pokuuhetakanesa nounene waKarunga. Joba kwa tambwire evyukiso lyokutunda kwaJehova nelinunupiko. Mokumona asi Jehova “mufenkenda, age munambili,” ga ya verwire Joba,ntani ga ya mu ngawopekere pwaruvali kupita muhowo, ntani kwa mu tungikire novana murongo. (Jakopo 5:11) Pokulimburukwa kwaJehova nampili momaheteko gomanene, Joba kwa limbwilire erundiro lyaSatana asi vantu kapi tava vhuru kukara ngorooro valimburukwi kwaKarunga nsene kuna kuvaheteka.

—Kuna tundu mobuke zaJoba.

◼ Erundiro musinke ga retesere po Satana kupitira mwaJoba?

◼ Yisinke wa sikisire mo ulimburukwi waJoba kwaJehova?

[Kakende kepepenuno 9]

NOMPATA DOMULYO

Pokutanta asi Joba, mugara ga dilire kuzona ntani ogu nga tjira Karunga, kwa karerere Jehova Karunga morwa kugwanena mo uwa, Satana kwa tembe asi vantu novaengeli navenye kukarera Karunga nokonda zokulifana. Yipo nye, Satana kwa retesere po nompata kuhamena ulimburukwi womuntu kwaJehova. Yuma eyi kuna kara ruha ronompata dononene edi ga retesere po Satana moEdeni, kuhamena uhunga waJehova wokupangera nayinye. Buke zaJoba kulikida asi vaengeli novantu kuvhura kukwatesa ko upangeli waJehova pokukara ngorooro valimburukwi kwendi.

[Kakende kepepenuno 9]

Genesis

Exodus

Levitikus

Numeri

Deuteronomium

Josuwa

Vapanguli

Rutu

1 Samwere

2 Samwere

1 Vahompa

2 Vahompa

1 Histoli

2 Histoli

Esira

Nehemiya

Esitera

Joba ●

Mapisarome

Yisewe

Muudisi

Rusumo

Jesaya

Jeremiya

Malirankali

Hesekiyeli

Ndaniyera

Hoseya

Jowera

Amosa

Obadja

Jona

Mika

Nahumu

Habakuku

Sefaniya

Hagayi

Sakaliya

Marakiya

Mateusa

Marukusa

Rukasa

Johanesa

Yirugana

Varoma

1 Vakolinte

2 Vakolinte

Vagarata

Vaefeso

Vafilipi

Vakorosi

1 Vatesaronika

2 Vatesaronika

1 Timoteusa

2 Timoteusa

Titusa

Firemoni

Vahebeli

Jakopo

1 Peturusa

2 Peturusa

1 Johanesa

2 Johanesa

3 Johanesa

Juda

Ehororo