Ngapi natu liwapaikira nawa komapongo?

Nsene ove kulironga Bibeli noNombangi daJehova, ove nampo kuliwapaikira komeho mu ya lironge. Mokugwanena mo uwa momapongo, ya wapa hena kuliwapaikira komeho zosiruwo. Ngayi tu tompoka nsene tu litulira po nkenye apa siruwo sokuliwapaikira.

Horowora evango nosiruwo oku no lirongera. Siruwo musinke sosiwa po koge kulironga? Kongurangura komeho zokutameka yirugana yoge ndi kongurova nsene vanona vana ka rara? Nampili kapi o vhuru kulironga siruwo sosire, nye tokora asi siruwo sokuhura kupi ono hara kuruganesa ntani wa ha pulisira nkenye eyi yi ku donganese. Papara evango lyokulimwenenena ntani dimisa radio notivi ntani selefoni. Nsene o kanderera komeho zokulironga kapi ngo gazadara eyi yina ku horokere mezuva nye ngayi ku vatera o demenene koNonkango daKarunga.—Vafilipi 4:6, 7.

Didilika malimbururo yipo ngo ka lihameke mo mepongo. Tameka pokukonakona siparatjangwa sosirongwa ndi segaununo nomu yiparatjangwagona yina lizi nosiparatjangwa. Ntani tara komafano nokomapuro gerugururomo aga gana kunkondopeka magano gomulyo. Makura resa nkenye paragarafu nokupapara malimbururo komapuro. Resa matjangwa aga vana tura mosirongwa, nokuteda ko omu gana kukwatesa ko magano gomoparagarafu. (Yirugana 17:11) Nsene ono gwana elimbururo, didilika nonkango edi nadi ka ku vatera kukadiworoka elimbururo. Kepongo kuvhura o ka zerure ewoko nokukagava elimbururo lyesupi mononkango danyamoge.

Pokukonakona yirongwa yokulisiga-siga eyi ava zogere nkenye sivike komapongo, ngo gwederera “pougawo” woge wediwo lyoBibeli.—Mateusa 13:51, 52.

• Ngapi no gwana siruwo sokuliwapaikira komapongo?

• Ngapi no liwapaikira yipo o ka gave malimbururo kepongo?