Jesus ta zeresa Ntembeli

Momvhura 30, Jesus kwa zire koJerusarema. Vantu wovanzi kwa zire kositata oso va ka dane sipito soPaska. Morwa sipito oso, awo kwa geve nonzambo doyimuna kontembeli. Vamwe kwa tundire noyimuna yawo kembo, ano vamwe kwa yi rende moJerusarema.

Apa Jesus ga hwililire montembeli, age kwa mwene vantu kuna kurandesera mo yimuna. Vantu owo kwa rugene ngesefa monzugo zaJehova zoukareli! Yisinke ga rugene ko Jesus? Age ta poho ngora zonongodi, makura ta tjida mo nonzwi nonongombe montembeli. Ta gandanga yitafura yovasinti woyimaliwa nokutjisira yimaliwa yawo pevhu. Makura ta tantere varandesi wononkutji asi: ‘Tuteni mo yininke eyi! Mwa ha tura Nzugo zaTate zi kare sirandesero!’

Vantu ava va kere pontembeli kwa tetukire kweyi ga rugene Jesus. Varongwa vendi tava diworoka uporofete kuhamena Mesiyasa asi: ‘Kupakera mupampi nzugo zoge kwa kora nge.’

Momvhura 33, Jesus kwa zeresere hena ntembeli. Age kwa here vantu va fumadeke nzugo zoGuhwe.