Uyunga monkedi omu nava kuzuvha

1 Vakolinte 14:9

EYI NO RUGANA: Uyunga monkedi ezi vantu ono kuronga nava zuvha nokukwata egano mbudi zoge.

OMU NO YI RUGANA:

• Liwapaikira nawa. Kwata egano sirongwa soge, yipo o vhure kusifaturura mononkango danyamoge monkedi zoureru.

• Ruganesa nontanto dononsupi doureru. Nampili ngomu ya dira kukara epuko kuruganesa nontanto dononde, tumbura magano gomulyo pokuruganesa nontanto dononsupi.

• Faturura nonkango doudigu. Nyokera po nonkango edi va dira kudiva vantu ava ono kuronga. Nsene to ruganesa nkango zoudigu ndi omu ngava varura nare ndi sihorokwa somoBibeli ndi mpo zongandi wa hepa kuyifaturura.