SIRONGWA 18

Gava nombudi edi nadi vatera vantu

1 Vakolinte 9:19-23

EYI NO RUGANA: Vatera vantu ono kuronga va lizuvhe asi ono va rongo yininke yoyipe.

Gazara ko eyi va diva nare vantu ava no ka ronga. Mevango lyokuruguruka eyi va diva nare, va ronga yininke yoyipe.

Nsene kuna kugava magano aga va diva nare ga genderesa, nye liwora apa no sika pomagano gomape.
Rugana epaparo nokuteda ko. Nsene kuvhura, ruganesa mauzera aga ga dira kudivikwa ntani yihorokwa yantani mokufaturura magano gomulyo. Gazara ko momunene kuhamena sirongwa soge ntani omu sa likwatakana nomauzera aga no ka ruganesa.

Ngomu ono kukonakona sirongwa, lipura mapuro aga naga ku vatera o gazadare unene kosirongwa soge, ‘Yisinke, morwasinke, siruwoke, kupi, wolye, ntani ngapi.’ Ka tovareke siuyungwa soge pokukapura nokukalimburura mapuro gamwe pogo.
Likida mulyo gombudi ezi ono kuronga. Faturura omu magano gomoMatjangwa naga vatera vantu ono kuronga. Tumbura maukaro nononkareso ntani yirugana eyi nava vhura kukwata egano vantu ono kuronga.