Ngapi natu karera Karunga monkedi ezi a tambura?

Ngomu ka tu yi lirongere mosirongwa sa ka pita, Karunga kapi a tambura maukarelikarunga nagenye. Nampili ngoso, kuvhura tu karere Musiti gwetu monkedi ezi azi mu hafesa. Nye ‘ukarelikarunga’ musinke au mu hafesa? (Jakopo 1:27) Koneka eyi azi rongo Bibeli.

1. Kosinke nau demenena ukareli wetu?

Ukareli wetu wa hepa kudemenena koBibeli. Jesus kwa kanderere kwaKarunga asi: “Nonkango doge yido usili.” (Johanesa 17:17) Maukarelikarunga gamwe kapi aga kwama usili ou wa kara moNonkango daKarunga. Mevango lyokukwama Nonkango daKarunga, ago kukwama marongo govantu ntani nonompo dawo. Nye Jehova kapi a hafere ava ava tulire ‘Veta zaKarunga rumpengwa.’ (Resa Marukusa 7:9.) Nye nsene tu kwama Bibeli nomavyukiso aga atu gwana mo, ose ngatu hafesa Karunga.

2. Ngapi omu natu karera Jehova?

Mokumona asi Jehova yige Musiti gwetu, twa hepa kumukarera tupu gelike. (Ehororo 4:11) Eyi kutanta asi twa hepa kumuhara nokumukarera gelike, twa hana kuruganesa mafano.—Resa Jesaya 42:8.

Ukareli wetu wa hepa “kupongoka” ntani wa hepa kuza Jehova komutjima. (Varoma 12:1) Eyi kutanta asi twa hepa kulimburukwa noveta dendi. Pasihonena, ava va hara Jehova, awo kwa hara noveta dendi kuhamena nonkwara ntani awo kudilimburukwa. Ntani awo kunyokera po kurugana yoyidona ngwendi kukoka makanya ndi kuruganesa yikwaepangwe ndi kunwa marovhu unene.a

3. Morwasinke natu karera Jehova kumwe novapuli vakwetu?

Mapongo aga atu kara nago nkenye sivike kutupa mpito tu ‘tange HOMPA! . . . mosigongi sombunga.’ (Episarome 111:1, 2) Nkedi zimwe atu hamberere Karunga kuna kara pokudimba nonsumo. (Resa Episarome 104:33.) Jehova kuna hara tu ze komapongo, morwa age ga tu hara ntani ga yi diva asi ago nga ga tu vatera tu hafere eparu narunye. Apa atu zi komapongo, ose kukakorangeda vakwetu ntani nawo kukatukorangeda.

LIRONGA KO YOYINZI

4. Twa ha ruganesa mafano moukareli wetu

VIDIYO: Karunga kuyihafera apa vantu ava ruganesa mafano moukareli ndi? (3:26)

• Yisinke ya horokere apa vantu vaKarunga vamwe va mu karerere pokuruganesa efano?

Vantu vamwe kuruganesa mafano apa ava karere Karunga, morwa ayo kuvaninkisa va lizuvhe ngwendi pepi nage vana kara. Nye nani yininke oyo kapisi kumuninkisa a liguse ko kovantu vangoso ndi? Resa Exodus 20:4-6; Episarome 106:35, 36, makura zogereni mapuro aga gana kukwama ko:

• Mafano musinke wa mona aga ava ruganesa vantu momaukarelikarunga gawo?

• Ngapi Jehova a lizuvhu apa vantu ava ruganesa mafano?

• Ngapi ono kulizuvha kuhamena kuruganesa mafano?

5. Kukarera Jehova gelike kutumangurura komagano goyimpempa

VIDIYO: Usili wa mangurura nge (5:16)

Resa Episarome 91:14, makura zogereni epuro eli:

• Yisinke nga ka tu ruganena Jehova nsene tu likida asi twa mu hara pokumukarera gelike?

6. Ose kukarera Karunga komapongo

Ose kuhamberera Jehova ntani kukorangeda wopeke apa atu dimbi nokugava malimbururo komapongo. Resa Episarome 22:22, makura zogereni mapuro aga:

• Wa hafera malimbururo aga wa zuvhire komapongo ndi?

• Kuvhura o liwapaikire yipo nove ngo ka limburure ndi?

7. Jehova kuyihafera apa atu tantere ko wopeke eyi tuna kulironga

Nonkedi nonzi omu natu vhura kutantera ko wopeke usili womoBibeli. Resa Episarome 9:1 ntani 34:1, makura zogereni epuro eli:

• Yisinke wa lironga moBibeli eyi ono hara kutantera ko gumwe?

YINKE ONO LIRONGO?

Ose kuhafesa Musiti gwetu apa atu mu karere gelike nokumuhamberera komapongo ntani nokutantera ko wopeke eyi tuna kulironga.

Erugururomo

• Ngapi natu lironga kukarera Karunga monkedi ezi a hafere?

• Morwasinke natu karerera Jehova gelike?

• Morwasinke natu karera Karunga kumwe nava va hara kumuhafesa?

MAUZERA GAMWE

Mesimwititi “Ame kapi ani karere mafano” resa eyi ya vaterere mukadi gumwe a hageka kukarera mafano.

“Bibeli kurundurura eparu lyovantu” (Ruhungu, 1 Pembankuru 2011)

Lironga eyi nayi kuvatera yipo o gava malimbururo komapongo.

“Hamberera Jehova mombungakriste” (Ruhungu, Murongagona 2019)

Tara omu mudinkantu gumwe ga gwanenene mo uwa momapongo nampili ngomu ya kere udigu kuza komapongo.

Jehova kupakera nge mbili (3:07)

Sinzi sovantu kugazara asi sikuruse kwa likwatakana noukareli woVakriste, nye kuvhura tu si ruganese moukareli ndi?

“Morwasinke omu dilire kuruganesa sikuruse moukareli weni?” (Sirongwa sokoIntaneta)