SIRONGWA 20
Omu mbungakriste ava zi gendesa
Jehova Karunga kapi ga hara epiyagano. (1 Vakolinte 14:33) Yipo nye, vakareli vendi kugendesa yininke monkedi zongwa. Ngapi omu mbungakriste ava zi gendesa? Yisinke natu rugana yipo tu zi kwatese ko?
1. Yilye ogu a pitisire mbungakriste?
Kristusa yige “mutwe, kuninka asi mupangeli” gombungakriste. (Vaefeso 5:23) Age kupitisira yirugana yovantu vaJehova uzuni mudima kutundilira meguru. Jesus kwa tura po “mukareli gokulimburukwa gonondunge” ndi Mbungagendesi. Amo kwa hamena mo vakuronambunga wovasesu ava va kara noudivi. (Resa Mateusa 24:45-47.) Mbungagendesi kugava mavyukiso konombungakriste nadinye, ngwendi moomu ngava yi rugana vapositoli novakuronambunga moJerusarema. (Yirugana 15:2) Nye vagara ava kapisi yiwo ava pitisire mbunga zaJehova. Awo kuresa Bibeli yipo va dive eyi ana va harere Jehova va rugane ntani awo kukwama mavyukiso gaJesus.
2. Wolye vakuronambunga ntani yisinke ava rugana?
Vakuronambunga kuna kara vagara woVakriste ava va karera Jehova noulimburukwi nomvhura dononzi. Awo kuronga vantu vaJehova kutundilira moBibeli nokuvavatera ntani nokuvakorangeda. Awo kapi ava va futu ntani kapi ava yi ruganene “morwamfuto za nyata, nye neharo lyewa lyokurugana.” (1 Peturusa 5:1, 2) Vakuronambunga kuvavatera vakwafimbunga. Mwaza siruwo vakwafimbunga nawo kuvahorowora va kare vakuronambunga.
Mbungagendesi kuhorowora vakuronambunga vamwe va kare vatareli wonombunga. Vatareli wonombunga kudingura nombungakriste dokulisiga-siga yipo va gave mavyukiso nomakorangedo. Awo kuruganesa yihepwa eyi ya kara moBibeli yipo va horowore vakuronambunga novakwafimbunga.—1 Timoteusa 3:1-10, 12; Titusa 1:5-9.
3. Yisinke adi rugana Nombangi daJehova nadinye?
Navenye womombungakriste ‘kuhamberera edina lyaHOMPA’ pokulihameka momapongo nokuzuvhisa kuliza noukaro wawo.—Resa Episarome 148:12, 13.
LIRONGA KO YOYINZI
Lironga o dive omu Jesus a pitisire nomu vakuronambunga ava hetekere ko kumuhonena ntani nomu natu limburukwa Jesus nokuruganena kumwe novakuronambunga.
4. Jesus mupitisili gonkenda
Jesus kuna kutuzigida tu gwane epwizumuko. Resa Mateusa 11:28-30, makura zogereni epuro eli:
Monkedi musinke a pitisire Jesus ntani ngapi omu ana hara tu lizuvhe?
Ngapi omu vakuronambunga ava hetekere ko kuhonena Jesus? Likida VIDIYO.
Bibeli kugava mavyukiso omu vakuronambunga nava sikisa mo yirugana yawo.
Resa Jesaya 32:2 ntani 1 Peturusa 5:1-3, makura zogereni mapuro aga:
Ngapi ono kulizuvha pokudiva asi vakuronambunga kuhetekera ko yipo va pwizumukise wopeke ngwendi Jesus?
Mononkedi musinke hena dimwe omu vakuronambunga ava honene Jesus?
5. Vakuronambunga kutura po sihonena sosiwa
Ngapi omu Jesus ana harere vakuronambunga nava tara sirugana sawo? Likida VIDIYO.
Jesus kwa tulire po sihonena kwava ava pitisire mombungakriste. Resa Mateusa 23:8-12, makura zogereni epuro eli:
Yihepwa musinke va hepa kusikisa mo vakuronambunga? Vapitisili womaukarelikarunga nawo kusikisa mo yihepwa oyo ndi?
Vakuronambunga kunkondopeka elikwatakano lyawo naJehova ntani kuvatera mapata gawo ga rugane yokulifana
Vakuronambunga kupakera mbili vantu navenye womombungakriste
Vakuronambunga kulihameka mokuzuvhisa nkenye apa
Vakuronambunga kuna kara varongi. Awo kuvatera mokuzeresa ntani nokurugana hena yirugana yimwe
6. Kuvhura tu ruganene kumwe novakuronambunga
Bibeli kwa gava konda zeyi natu ruganena kumwe novakuronambunga. Resa Vahebeli 13:17, makura zogereni mapuro aga:
Morwasinke Bibeli azi tantere asi twa hepa kulimburukwa kwava ava pitisire? Ove ngapi ono kulizuvha?
Resa Rukasa 16:10, makura zogereni epuro eli:
Morwasinke twa hepera kulimburukwa kovakuronambunga nampili moyininke yoyinunu?
VAMWE KUTANTA ASI: “Kapisi hepero kuhamena koukarelikarunga.”
Omu ono kugazara, mauwa musinke nga gwanena mo muntu nsene a karera Karunga kumwe nombungakriste?
YINKE ONO LIRONGO?
Jesus yige a pisitire mbungakriste. Ose kuruganena kumwe novakuronambunga, morwa ose kulirongera ko kosihonena sawo ntani awo kutupwizumukisa.
Erugururomo
Yilye ogu a pitisire mbungakriste?
Ngapi omu vakuronambunga ava vatere mbungakriste?
Yisinke adi rugana Nombangi daJehova nadinye?
MAUZERA GAMWE
Tara umbangi ou au likida asi Mbungagendesi novakuronambunga va hara unene Vakriste vakwawo.
Kukorangeda vanavazinyetu apa va hagekesere sirugana setu (4:22)
Lironga eyi ava rugana vatareli wonombunga.
Resa eyi ava rugana vakadi mombungakriste.
“Nombangi daJehova da kara novakadi ava ava pitisire ndi?” (Ruhungu, 1 Sitarara 2012)
Diva omu vakuronambunga ava rugana unene va korangede vapuli vakwawo.
“Vakuronambunga—‘kurugana nose morwauwa wanyamwetu’” (Ruhungu, 15 Murongagona 2013)