Malimbururo Komapuro Gobibeli
Ngapi vanona nava lironga kuhara Karunga?
Ronga vana woge va dive nokuhara Karunga pokuruganesa yirongwa yousintwe
Vanona ngava lironga kuhara Karunga nsene va mona umbangi asi yipo ga kara ntani ga va hara. Pomuhowo va hepa kudiva Karunga ntani nava mu hara. (1 Johanesa 4:8) Pasihonena, awo va hepa kudiva asi: Morwasinke Karunga ga sitilire vantu? Morwasinke ga pulisilira ruhepo? Yisinke nga ka ruganena vantu komeho?—Resa Vafilipi 1:9.
Mokuvatera vana woge va hare Karunga, nove wa hepa kuyilikida asi wa mu hara. Nsene ngava yi dimburura nawo ngava kwama sihonena soge.—Resa Deuteronomium 6:5-7; Yisewe 22:6.
Ngapi no ronga vana woge yi va twe komutjima?
Nonkango daKarunga nonkondo. (Vahebeli 4:12) Vatera vana woge va di lironge. Jesus nga rongo vantu pokuvapura mapuro nokuvapurakena ntani nokuvafatwilira Matjangwa. Mokuronga vana woge yi va twe komutjima, wa hepa kutemwinina sihonena saJesus.—Resa Rukasa 24:15-19, 27, 32.
MoBibeli kwa kara mo yihorokwa omu Karunga nga tekura vantu eyi nayi vatera vana woge va mu dive nokumuhara. KoIntaneta zetu www.pr2711.com/kwn kwa kara yimbapiratjangwa eyi nayi vatera vanona.—Resa 2 Timoteusa 3:16.