Pokutambura evatero lyaJehova kupitira mekanderero

Jehova yige a ninkisa mbuto zousili zi kure momutjima gomuntu. (1Ko 3:6-9) Yipo nye, mokututompoka mokuzuvhisa, twa hepa kuhuguvara Jehova a tu vatere ntani novarongwa vetu woBibeli.

Pura Jehova a vatere varongwa woge va lididimikire makondjeso ntani va funde po yilimbikiso. (Fil 1:9, 10) Vyukilira kuyitumbura mekanderero. Hundira mpepo zokupongoka zi vyukise magazaro noyirugana yoge. (Ruk 11:13) Ronga varongwa woge omu nava kanderera, ntani va korangeda va yi rugane. Kanderera kumwe novarongwa woge pokutumbura madina gawo mekanderero.

TARERA VIDIYO GWANA RUHAFO POKUTULISA PO VARONGWA—TAMBURA EVATERO LYAJEHOVA—EKANDERERO, MAKURA LIMBURURA MAPURO AGA:

• Udigu musinke ga ligwanekere nawo Neeta melirongo lyawo naJade?

• Ngapi omu 1 Vakolinte 3:6 za vaterere Neeta?

• Ngapi omu wa kohonokere po udigu waNeeta?