LITURA MO MOKUZUVHISA | GWEDERERA RUHAFO ROGE ROMOKUZUVHISA
Vatera varongwa woBibeli va wize komapongo
Mapongo kuna kara ruha romulyo roukareli wetu. (Ps 22:22) Navenye ava ava pongo mokukarera Jehova kugwana ruhafo ntani kuvatungika. (Ps 65:4) Varongwa woBibeli kugenderera kutura po ezokomeho apa ava wiza komapongo nkenye apa.
Ngapi no vatera varongwa woge va wize komapongo? Twikira kuvazigida nkenye apa. Va likida vidiyo Yisinke atu rugana ko koSinyanga soUhompa? Va fatwilira uwa ou atu gwana komapongo. (lff sirongwa 10) Kuvhura o va tantere sitwa esi koka lirongere kepongo ndi o va likide eyi ngomu ka zogera mepongo lyokukwama ko. Gava komurongwa yimbapiratjangwa eyi ngava ruganesa mepongo lyokukwama ko. Va vatera hena moyininke yimwe ngwendi, kuva pitura ko komapongo. Ayo mulyo sili unene komurongwa mokuwiza kepongo sikando sokuhova, yipo nye rugana nkenye eyi no vhura yipo o va vatere va wize kepongo.—1Ko 14:24, 25.
TARERA VIDIYO ZOSIDANAUKA VATERA VARONGWA WOGE WOBIBELI VA KARE MOMAPONGO, MAKURA LIMBURURA MAPURO AGA:
Ngapi omu ga yi gendesere Neeta yipo a zigide Jade kepongo?
Morwasinke atu hafere apa a wiza murongwa komapongo?
“Karunga sili mokatji keni ga kara”
Yisinke ga ka limonenene Jade apa ga zire kepongo sikando sokuhova?