Vatera varongwa woge woBibeli va nyokere po vakaume wovadona

Mokukara kaume kaJehova, murongwa goBibeli ga hepa kuhorowora vakaume wovawa. (Ps 15:1, 4) Vakaume wovawa ngava vatera murongwa a rugane yoyiwa.​—Yis 13:20; lff sirongwa 48.

Uyunga nombili nsene kuna kuvatera murongwa a nyokere po vakaume wovadona. Awo kuvhura yi va digopere kusiga vakaume vawo womouzuni. Likida varongwa woge asi wa va hara. Va vatera nampili mazuva aga omu dili kulironga, kuvhura o va bele ndi o va tjangere mbudi ndi o va dingure. Ngomu varongwa woge vana kutura po ezokomeho, kuvhura o va vatere va li yike novanavazinyetu vamwe. Eyi ngayi va vatera va mone asi awo kuna kugwanena mo yoyinzi kupitakana eyi va kuzumbanesa. (Maru 10:29, 30) Ngayi kuhafesa kumona omu epata lyaJehova lina kuligwederera.

TARERA VIDIYO VATERA VARONGWA WOGE WOBIBELI VA NYOKERE PO VAKAUME WOVADONA, MAKURA LIMBURURA MAPURO AGA:

• Yisinke nonzogera donondona?—1Ko 15:33

• Ngapi omu ga gazarere Jade nali ka fana epongasano?

• Ngapi omu Neeta ga vaterere Jade a gwane vakaume wovawa nokunyokera po wovadona?