Jesus nga hagekesa po ukorokotji

Jesus ga diva eyi ayi tanta kuhepa morwa ukorokotji ndi elininkiliromo. Age kwamu rundilire, kwamu tonene, kwamu pangwire mepuko ntani kwamu dipagere monkedi zondona. Nampili ngomu ga dilire kuzona, age kwa lizamberere “nokuyagava mwenyo gwendi mokuyazowora wovanzi.” (Mateusa 20:28; Johanesa 15:13) Nga Hompa goUhompa waKarunga, ntaantani nga rete uhungami pevhu, nokuyagusa po ukorokotji narunye.—Jesaya 42:3.

Bibeli kufaturura omu uzuni ngau ka fana apa Jesus ngaka rugana ko yuma:

• “Mudinikarunga ta dongonoka po; ngo mu papara, nye kapi ngo mu gwana. Valinunupiki yiwo ngava hingira sirongo, awo ngava hafera mpora zonene.”—Episarome 37:10, 11.

Ngapi omu natu likida rupandu kwanayinye eyi ga tu ruganena Jesus ntani eyi ngaka tu ruganena komeho? Nkedi zimwe kuna kara pokulironga kuhamena “mbudi zongwa zoUhompa waKarunga,” ezi nga zuvhisa. (Rukasa 4:43) Resa sirongwa “Yisinke Uhompa waKarunga?” moRuingilisa.