Kouli Uhompa ou ngau pangera nawa evhu ndi?—⁠Yisinke azi uyunga ko Bibeli?

Uzuni mudima mapangero kuna kara mepiyagano. Nampili yirongo eyi ayi moneka asi yakara nepangero lyewa, nayo kuligwanekera nonombudi donondona, kukara nonombunga politika edi adi rumbasana momahoroworo, ediro kulizuvha pokatji konombunga politika ntani kumasha.

Bibeli zahorora asi epangero limwe tupu ngali vhura kupangera nawa. Nampo wa zuvha nare kuhamena epangero olyo. Alyo kuna kara epangero eli ga tumbwire Jesus kristusa mekanderero.lyendi

• “Nsene tomu kanderere, omu kanderere ngesi asi: ‘Guhyetu gemeguru, edina lyoge ava li pongore. Uhompa woge u wize. Mpango zoge zi sike mo pevhu ngwendi meguru.’”—Mateusa 6:9, 10.

Yisinke za uyunga ko Bibeli kuhamena Uhompa owo?

Uhompa ou ngau pangera nawa

Uhompa ngau pangera kutundilira meguru.

• Jesus kwa tumbwire epangero olyo asi: “Uhompa wemeguru.” (Mateusa 4:17; 5:3, 10, 19, 20) Eyi yiyo ya mu ninkisire a uyunge asi: “Uhompa wange kapi wa hamena kouzuni ou.”—Johanesa 18:36.

Uhompa ou ngau pinganesera po mapangero govantu.

• Bibeli kuuyunga asi: “Aso . . . ngasi hanagura yirongo oyo nayinye, makura tasi kara dogoro narunye.”—Ndaniyera 2:44.

Uhompa ou nga pangera Jesus Kristusa nga Hompa kapi nga va uzonagura po.

• Bibeli kuuyunga asi: “Epangero lyendi ngali karerera ano untungi wendi kapi ngau haga po.”—Ndaniyera 7:13, 14.

Uhompa ou ngau reta mbili ntani evhu ngali kara mepopero.

• Bibeli kuuyunga asi: “Nkenye ogu nga kara mompora moyikunino yamwene yoyindjembere nomaukuzu, kutupu ogu nga mu tjilisa.”—Mika 4:4.

Lironga yoyinzi kuhamena Uhompa

Apa Jesus ga kere pevhu age kwa ruganesere siruwo sendi ‘mokuzuvhisa mbudi zongwa zoUhompa.’ (Mateusa 9:35) Age hena kwa pumbire asi:

Neina mbudi zongwa zoUhompa kuna ku zi zuvhisa moyirongo yokupitakana po-240. Kuna kukukorangeda o lironge ko yoyinzi kuhamena epangero eli ntani nomu no gwanena mo uwa.

Tarera vidiyo Yisinke Uhompa waKarunga?