Likida nkenda

Eyi ga rugene Jesus

VIDIYO: Jesus ta verura mugara gomutwiku

1. Tarera VIDIYO, ndi resa Johanesa 9:1-7. Makura konakona mapuro gana kukwama ko:

1. Yisinke ga rugene Jesus pomuhowo, kwa verwire mugara gomutwiku ndi kwa mu zuvhisilire mbudi zongwa?—Tara Johanesa 9:35-38.

2. Morwasinke mugara ga purakenene kwaJesus?

Yisinke tuna lirongere ko kwaJesus?

2. Muntu nga purakena kweyi tuna kumuzuvhisira nsene a dimburura asi ose twa kara nosinka kwendi.

Honena Jesus

3. Litura moukaro womuntu. Hetekera ko kugazara omu ana kulizuvha.

1. Lipura asi: ‘Yininke musinke nampo yina kumuretera sinka? Yinke nampo eyi nayi mu vatera ndi nayi mu ninkisa a purakene?’ Nsene o litura moukaro wendi, ngayi ku vatera o likide nkenda.

2. Nsene muntu a ku tantera omu ana kulizuvha kuhamena yuma yongandi ndi a tumbure udigu ou ana kara nawo, wa ha tjindja nzogera. Nsene o purakena, ove ngoso kuna kulikida asi wa kara nosinka koudigu ou ana kupita.

4. Uyunga nombili ntani nefumadeko. Nsene o litura moukaro womuntu, yosili ngayi lilikida mezwi lyoge asi ono hara kumuvatera. Tumbura nonkango nezwi lyokuwapera, ntani nyokera po kuuyunga eyi nayi koresa muntu.

5. Vatera. Papara nompito yipo o vatere muntu ogo. Nsene o mu likida nkenda ngayi mu rerupira kuzogera nove.