SIRONGWA 4

Gava etwaromo lyewa lyoMatjangwa

Mateusa 22:41-45

EYI NO RUGANA: Komeho zokuresa etjangwa, gava ko mauzera kuhamena etjangwa olyo.

Gazadara ko konda zeyi ono kuresera etjangwa. Faturura etjangwa monkedi ezi nazi vatera vapurakeni woge va kwate egano sitwa somo velise.

Konakona sireswa nasinye. Pokutumbura etjangwa, likida ogu ga tjanga nonkango odo ndi ogu ga di uyunga.
Ruganesa Bibeli. Nsene kuna kuronga vantu ava va pura mwaKarunga, ruganesa Bibeli yipo va dimburure asi eyi ono kuvaronga kuna kara magano gaKarunga.
Vatera vantu va hafere etjangwa. Tumbura udigu ntani pura epuro eli no limburura netjangwa eli no resa. Ndi tumbura mpango ezi za liza nosihorokwa somoBibeli.

Gazadara ko eyi va diva vapurakeni woge kuhamena sirongwa esi ono kuzogera ntani etjangwa eli no resa. Faturura etjangwa eli va diva nare vapurakeni woge monkedi ezi nava vhura kulirongera ko yininke yoyipe.