SIRONGWA 7

Ronga nombudi dousili

Rukasa 1:3

EYI NO RUGANA: Ruganesa nombudi dousili edi nadi dira kupukisa vapurakeni.

Gwana nombudi dousili. Magano aga no gava nkenye apa ga tundilire moNonkango daKarunga ntani resa moBibeli kuvyukilira nsene kuvhura. Nsene to ruganesa sihonena ndi nombudi ko zuvhire ndi sihorokwa mokukwatesa ko eyi ono kuuyunga, divilisa komeho zosiruwo asi ado nombudi dousili.
Ruganesa nawa nombudi. Pokufaturura etjangwa wa hepa kudiva eyi Jehova ga here kuronga metjangwa olyo. Ano pokutantera vantu omu nava li limburukwa, eyi tuna kuvatantera ya hepa kuliza neyi azi uyunga ko Bibeli nazinye kosirongwa oso ntani kuliza noyimbapiratjangwa yokutunda ‘komukareli gokulimburukwa.’ (Mat. 24:45) Nsene to ruganesa eyi ko zuvhire koradio, wa ha tjindja mbudi.

Wa ha gwederera ko konombudi ndi kosivaro. Takamesa nsene to ruganesa nonkango edi “vantu vamwe” wa ha di tjindja asi “sinzi sovantu” ndi nkango ezi asi “pamwe” wa ha zi tjindja asi “nkenye apa” ntani asi “nampo” wa ha zi tjindja asi “ya horokere.”
Vatera vantu va gazadare ko. Nsene ono resa etjangwa ndi ono tumbura sihorokwa songandi, pura nawa mapuro ndi ruganesa sihonena esi nasi vatera vantu va kwate egano sitwa.