SIRONGWA 8

Yifanekeso yokuronga

Mateusa 13:34, 35

EYI NO RUGANA: Wapukurura nkedi zoge zokuronga pokuruganesa yifanekeso youreru eyi nayi rerupira vantu kukwata egano ntani nokuvaronga yitwa yomulyo.

OMU NO YI RUGANA:

Ruganesa yifanekeso youreru. Honena Jesus pokuruganesa yifanekeso youreru mokufaturura yininke yoyinene neyi youdigu. Nyokera po kudigopeka sifanekeso soge pokugweda ko nombudi da hana hepero. Divilisa asi eyi ono kutumbura mosifanekeso yina lizi nosirongwa soge, eyi nga yi vatera vantu va dire kuzumbanesa sitwa.

Lironga. Diva eyi yina kuhorokera vantu nokulironga yimbapiratjangwa yetu ntani purakena nawa kwava va diva kuronga. Lirongera ko yifanekeso eyi no ruganesa mokuwapukurura nkedi zoge zokuronga. Pungura yifanekeso oyo.
Diva vantu ava no ka ronga. Horowora yifanekeso eyi va diva neyi nava ka hafera. Wa ha ruganesa yifanekeso eyi nayi va swaukisa nokuvahandukisa.
Demenena kegano lyomulyo. Ruganesa yifanekeso mokulikida egano lyomulyo, nye kapisi nkenye egano. Vatera vantu va ka diworoke egano lyomulyo lina kara mosifanekeso soge.