Malimbururo Komapuro Gobibeli
Yisinke Ezuva lyoMpanguro?
Morwasinke Ezuva lyoMpanguro ngali karera siruwo soruhafo?
Moyiruwo yanare, Karunga nga ruganesa vapanguli mokupopera vantu vendi koudona. (Vapanguli 2:18) Bibeli za faturura Ezuva lyoMpanguro asi aso ngasi kara siruwo soruhafo apa Jehova, Mupanguli gouzuni naunye, nga popera vantu koudona.—Resa Episarome 96:12, 13; Jesaya 26:9.
Karunga kwa horowora Jesus yipo nga ka pangure vanamwenyo novafe. (Yirugana 10:42; 17:31) Vantu wovanzi kwa fa va hana kudiva Karunga. Mezuva lyoMpanguro, Jesus nga ka va vhumbura va ka lironge kuhamena Karunga nokumuhara.—Resa Yirugana 24:15.
Morwasinke Ezuva lyoMpanguro ngali gusira nomvhura eyovi?
Vafe ngava ka va vhumbura monomvhura odo eyovi. (Ehororo 20:4, 12) Awo ngava ka hepa siruwo sokulironga kuhamena Karunga nokumulimburukwa. Mokulisiga neyi ava uyunga vantu, Bibeli za likida asi vantu ngava ka va pangura kuliza neyi ngava ka rugana konyima zevhumbuko.—Resa Varoma 6:7.
Bibeli za tumbura hena ezuva limwe lyompanguro eli ngali wiza hararasi komeho zokutameka nomvhura eyovi. Ngwendi moomu va yi faturura moyirongwa yeketameko, ezuva olyo kulitumbura hena asi uhura wouzuni. Karunga nga ka zonagura po vadinikarunga navenye mezuva olyo. (2 Peturusa 3:7) Yipo nye, twa hepa kunkondopeka eharo lyetu kwaKarunga.—Resa 2 Peturusa 3:9, 13.